#اعداء_بالدم
#الحلقة_ال21_وال22
#الاختيار
الاختيار الصعب هو دايما اللي الناس بتهرب منه وفي الاخر يتفرض عليهم بس لو اخترته انتا واعتنقته مش هيكون صعب
لا صعوبه الاختيار في فرضه مش في الاختيار نفسه احنا بنهرب ونقاوم بس كده كده هيحصل فبلاش فرهده من الاول واعمل الصعب هتلاقيه سهل علشان مفيش حاجه بتحصل لينا بره قدراتنا بالعكس الاختيارات دي تقوي اكتر ما تضعف
بدايه الحلقة
اطمنت على باسل ونزلت تحت كانت الرجاله جاهزه وسليم بعت رجاله تاني عباره عن فريق اسمه فريق مسح ده يدخل محدش يطلع حي
سامح :احنا جاهزين
انا : محمد اركب معايا سامح فهم الرجاله مش عايز طلقه واحده
سامح : ازاي ده فريق مسح يعني شغلته يضرب نار
انا : ثبتو الحراسه بس
سامح : ( بعدم اقتناع ) ماشي
ركبت انا ومحمد في عربيه واحده واتحركنا على فيلا في حته بعيده الصراحه فريق المسح ده اسم علي مسما دخله خلصه من الحراسة كتفوهم كلهم ودخلت الفيلا كانت حفله عاديه واقف وسط الناس وضربت كام طلقه في الهوي
سامح : ( بص لقي واحد ماسك مسدس ضربه طلقتين ) تمام
انا : ليه كده اهو واحد مات سامح لم كل الناس هنا قدامي
جابهم كلهم قدامي وانا قعدت على كرسي في هدوء
انا : بقي انتو عايزين تقتلوني انا هههههه انا مت كتير قوي انا اللي خصلت من سما ابراهيم وفتحي الغول انا خلصت من الكل ومحدش قدر يلمس شعره مني انا باسل الصمدي وجي اخد حقي
قامت واحده من وسط الناس الصراحه ست جريئة جدا اسمها مني الديب بنت عمران الديب ده اللي قالو عليه مجوع مصر شغله في الأغذية وكانت علاقته بالحكومه في 2005 كبيره جدا
مني : انتا متعرفش تعمل حاجه احنا الغرفه عارف يعني ايه الغرفة لو متنا البلد كلها هتقلب عليك
انا : ( ابتسمت للجراة بتاعتها عجبتني ) انا من يوم وجودي وانا بعمل قلق في البلد كلها وده مش عيب ( طلعت مسدس وعمرته وكل الرجاله شدت الأجزاء )
الكل متوتر وبيزعق وخيفين
انا : ( حولت تعبير وشي خالص ) تصدقي عندك حق ممكن صح انا اقتنعت علشان كده عايز اعرف فين رئيس الغرفه فين هو فين ايه الراجل اللي عزمكم في بيته فين
اتقدم واحد اسمه سامي الصياد
انا : قرب يا حبيبي اسمك ايه
سامي :: ( اتكلم وهو متوتر والكلام مش واضح ) سامي
انا : لا يا سمسم على صوتك خالي الناس تسمعك
سامي :: ( هدي شويه ) سامي الصياد
انا : شاطر اسمع يا سامي يا حبيبي بكره تعمل اجتماع للغرفه تتنازل عن ادارتها ليا انا بعد قرعه طبعا
سامي :: حاضر حاضر
انا : ( طبطبت عليه ) شاطر ( شاورت لواحد جابلي قزازه شامبين من بتاعة سليم علشان اوريهم اني تبع الجماعه دي فتحتها وحطيت في كبايات للكل وخليت واحد يوزعها ) شاطر يا سامي لازم يكون في دم جديد في الغرفه لازم يكون في فرصه للشباب زي مني الديب كده شابه شاطره ( كنت باصص لها )
مني : ( بثقه الوحيده اللي مخافتش مني ) علشان كده منزلتش عينك من على شطارتي
انا : ( ابتسمت باعجاب وتحدي ) في صحه الدم الجديد
YOU ARE READING
رواية ( اعداء بالدم ) كاملة جزئين مدمجين
Action* #باسل :: طول عمر الغلط تمنه غلط والرد عليه غلط انا كان وچودي غلط مش غلطه من الولاده لااه غلطه في تصرفاتي كت شاب في سن العشرين بس ذكي وذكائي ده چذب انتباه ناس كتير بعدين. هي دي حياتي حيات ( باسل الصمدي ) المغناطيس الچاذب للمشاكل بس انا كا ( باسل )...
