رواية ( اعداء بالدم ) كاملة جزئين مدمجين

#الحلقة_ال_15_وال_16 #الوفاء

##اعداء_بالدم
#الحلقة_ال_15_وال_16
#الوفاء

الوفاء ده عمله نادره جدا مش من دلوقتي لا من قديم الازل والناس بتدور عليه بس في ناس بتقول انه غباء بس لا دول ميعرفوش الوفاء اللي يعرفه كويس ده لازم يكون مستكشف خبير علشان يفرق بين العمله النادره والعمله الفلصو والخبره دي بتكتسب من الحياه علشان الحياه مدرسه وكلنا طلبه فيها بندور على العلم والخبره

بدايه الحلقة

قعدت مع سندي وانا فرحان اني رجعت والكابوس ده خلص من كام سنه كنت مجنون دلوقتي قاعد مع اهلي ومراتي وابني وامي بتحضر الغدا

انا :: بس يا عم باسل هزمت الاشرار ورجعت

باسل : بجد يا بابا انتا عامل زي سوبر مان

انا ::  ( مبتسم ليه ) بجد يا باسل

سندي : بجد طبعا

باسل : طيب انتا رجعت دلوقتي انا انام فين

انا :: ايه يا باسل احنا هنتخانق على النوم من دلوقتي ولا  ايه

سندي : معلش اصل باسل بينام في حضني

انا :: ماشي يا باسا نام براحتك

سندي :  ازاي يعني ينام براحته وانتا

انا :: انام في اي حته

سندي : لا انتا هتنام في حضني و باسل ينام في حضن تيته النهارده

باسل : ماشي يا ست ماما مش هزعلك

انا ::  ( بلعب في شعر باسل ) انتا شعرك طويل كده ليه

سندي : هو انا اقدر اقولا  احلقه ولا  قصه كانت ناجية تموتني

انا :: لا لازم يحلق الشعر ده زي بتاع البنات مينفعش يا باسل

باسل : يا بابا انا بحب شعري

انا :: ماشي يا عم بس نقصره شويه ماشي

باسل : اللي تشوفه يا بابا

سندي : ايوه كده اتعدل

دخلت علينا امي

امي : ايه مش نتغده

انا :: يا ريت انا وحشني اكلك اوي

امي : طيب  يلا

في مشهد اخر

عمي بهجت قاعد مع عمي علاء في الغيط

بهجت : بتقول ايه يا علاء

علاء : زي ما بقولك كده باسل طلع من المستشفي من شهور

بهجت :  ازاي انا معرفش

علاء : كان لازم اعمل كده اللي عمل كده في باسل كان  بمساعده من عاصم كان لازم اتصرف لا الواد يقتله

بهجت : طيب اعرف طيب هو انا مش كبير العيله ولا  ايه

علاء : لا كبير العيله وعلى راسي بس اللي عملته ده كان الصح سامحني يا اخويا انا عملت كده لصالح الكل