شموخ

بارت 25

لا ما اريد اروح لبغداد ولا اريد اضل هين بديره

عجل وين اخذج ...؟!

للفلوجه

اني ماعندي شي هناك يم منو اخليج ما أمن عليج الا يمي

اجرلي بيت زغير وامين يمي ما يكول شي

مستحيل شتحجين انتي شموخ لتزيديها عليا لتخليني بين نارين
ماعندي گلب ليتحمل تريدون اهج من هين واعفولكم الجمل بما حمل

ما ازيدها عليك ولا اخليك بين نارين اني جاي اكلك ارضي اهلك
واني اروح اكمل دراسي بس هذا شي اريده منك وما اظن صعب عليك

هو ضل شي ما صعب عليا الحمدلله ربي اختبارك صعب

ما كدرت اتحمل كمت منه صديت بصفه وايدي على وجهي بجيت

وكف يمي حضني  ويمسح وبوجهي ... كافي بجي ولج جاي احترك
ازود منج كليلي شنهو الحل شسوي وين اخذج واهج الظغط عليا من كل صوب كل يوم اكرهه نفسي من ادحك الحزن بعيونج واني سبب هالحزن

لا مو انت هذا نصيبنا ما بدينا شي ولو نضل نحجي ونعبر عن حزنا مراح نغير شي امشي بدربك من حگك اتصير اب واهلك يفرحون بيك عليش احرمك والسبب مني

سكتنا كثرت الحجي تزيد نارنا. ادحك بعيونه الدمعه مستقره بمحجرها
ورجفة شفايفه مردت روحي عمري ما تخليت اشوفه بيوم هيج حزين

مشيت للكنتور طلعت ملابس طبيت سبحت اااخ يا نارر گلبي شيبردها
طلعت من الحمام لافه الخاولي على شعري اشرلي على حضنه تعالي

انطيته ظهري وكعدت مثل كل مره ينشفه ويمشطلي
مددنا بفراشنا ندعي النوم واحنى النوم فارك عيونا

حدرنا الصبح كعدنا كلنا عالريوك هم يحجون
واني ساكته بس اسمع وعمتي لجت وما سكتت اخر شي

كالها بكيفج بلجي اطلع وما ارجع

جده ... عذي من هالحلك شبيك من الصبح تزمخ بينا

لميت المواعين اشتغل مو بوعي واهجس عقلي انشل
طش الخبر بسرعه البرق غالي راح يزوج مرته ما تخلف

ونسوان العمام لتمت الي دكول كبع واخذ ما نريد منكم شي
والي دكول مركتنا نكبها على زياكنه وما ننطيها للغريب
تقصد ياخذ منهم وبيهم بنوات عمامه اولى بيه وكاعدات ويقسمن بكيفهن

غيداء يوميه تجي تتلوك وتتحايل لعمه رضيه وتكرب وتشتغل
عود دحكوني معدله ... ليش المعدله بس بشغل البيت والكراب ...