رواية #صافي_الحياة 💜
part13
لقيت راجل ومحمود قعدت نشوف
ماهر:انتي وكيلة روحك لازم تحضري
اني:شن قصدك
ماهر:قصدي انا مانلعبش ومانعتبرش فيك نزوة ولا غلطه في حياتي نبيك مرتي على اسمي مش قادرة تقعدي معاي واحنا هكي نقرا فاتحتك باش ترتاحي وتطمني اني رايدك ومستحيل نرخي بيك وامتا ماانتي تبي نديرلك عرس
ماتعرفوش قداش قلبي فرح لما سمعت الكلام هدا منه قداش كبر في عيني واثبتلي انه يحبني:بجديات تبي تتزوجني
ماهر:ايه وقدام الشيخ حانطلبك ثاني غير ارضي عليا بس
بكيت ايه بكيت محلاه الشعور لما اللي تحبيه يكمل معاك للأخير لما يقولك نبيك ليا مرتي وحلالي وفي وضعي انا نشوف في ماهر هلبا عليا بعد كل شي صار ومزال متمسك بيا وبحبي وقف في وجه عيلته ومزال بيوقف بس عاخاطري بجد هالانسان يستاهل نعطيه عمري 💜
مسحلي دموعي:هاشنو
اني:هي
قعمزنا مع الشيخ وطلب مني ماهر الزواج ثاني ووافقت
قرينا الفاتحه وكانو الشاهدين محمود وصاحبه سمير وبديت مرته
قعدت سرحانه نستوعب في اللي صار
ماهر باس ايدي:اطمنتي توا
اني:توقعتش
ماهر:فاهم هلبا وعارف انه كل التوتر والخوف من موضوع نعتبرك غلطه ونسيبك ليا ايام مفكر فيه غير قعدت نكمل في الاجرائات وبعد وين باش اقنعته يقرا الفاتحه بدون شهادة صحيه
خبط الباب وكان محمود:مبروك ياعصافير الحب 😂
ماهر:نبي شن اللي يضحك فيك
محمود:ياودي ماعمري شفت خوي طايح هكي منورة مرت خونا
اني ضحكت
ماهر:ايااه بدت حتا هيا نوضي غيري نوضي
اني:ليش
ماهر:بنمشو للعيله نعطوهم خبر
اني:شنو
محمود:غير اصبر خيرك مستعجل
ماهر:مالا متزوجها باش ندسها انا قصدك
محمود:فتره بس خلي يهدا الحوش انت عارف امك مش رح تتقبلها ولا جدك
ماهر:تي موضوعهم مانصبرش الوقت هدا كله باش نجي نقوللهم عادي نتزوجها ولا لا
محمود:مهدلهم الموضوع عالاقل
ماهر:خيرك انت ماعندي مانمهد احنا تزوجنا وتمت وهاديكا الخرا بنفسخ منها
محمود:انت علاش خاطبها من الاول تعلق في روحك عالفاضي
ماهر:اوووف بري البسي قتلك
اني:راي مع محمود
ماهر:ماتقعديش تتناقشي هلبا تحركي
محمود هز راسه:العناد عندك زي الهواء
ماهر 😒
خشيت زي الشاطرة غيرت وطلعنا بس قبل نطلعو اتصلو قالولنا انه عمي مرض هلبا
ماهر خبط عالطاوله:عليك حظ
محمود:ان شالله خير
اني:خلي نمشي بسيارتي
ماهر:لا 😡
محمود:ياراجل اهدا الزفت ماواخدها منك حد خلي تمشي بروحها واحنا نمشو نرفعو جدك للمستشفى
ماهر:ردي بالك على روحك ولحوشنا طول
اني:باه
طلعو هما قبلي وبعد نص ساعه مشيت
سميرة تبكي:ياحليلي بوي بيريح عليا 😢😢
كانو مرت حسن وصغارها موجودين واختها وبناتها 🤦♀️
قعدت نهدي فيها لين رن هاتفي
ماهر:وينك
اني:في حوشكم شن صار مع جدك
ماهر:جلطه تاعب بكل
اني:ربي يشفيه امك بكري تبكي خيرك مارفعتها
ماهر:جيبيها تشوفه
اني:باهي
ماهر:مش محتاج نوصي طبعا
اني:حاضر
سميرة:شن قال
اني:هي نوضي تمشيله
اميمه:ومن بيرفعها
مارديتش عليها وطلعت نولع في السيارة لحقتني
اميمه:انتي امتا بتطلعي من حياتنا
اني:مضايقك وجودي للدرجه هدي 😊
اميمه:جدا انتي لاعبه عالكل مش ساد خوتي وحتا سليم بدوري عليه
ابتسمتلها:مش موضوعي لو هوا حقير ومش معبيه عينه حضرتك
اميمه:نكرهك ياصافي
اني:ماعندي ماندير بيه حبك يجيك يوم وتندمي عاكل شي درتيه ليا وحبيب القلب يسيبك
اميمه:حايتزوجني
اني:تو نشوفو
طلعت سميرة:هيا
وفاء وراها:نمشي معاك خالتي مانبيش نتعبو صافي معانا
سميرة:هيا بنيتي
رفعتها فوق من نفسي
ماهر واقف قدام المستشفى يدخن لما شافنا طارتله
سميرة:طمني علي جدك ياوليدي
ماهر:خشي اونه محمود يستنا فيك باش تشوفيه
وفاء:حبيبي كيف حالك
ماهر:شن جيب امك هنا انتي
وفاء:ياقلبي جيت مع خالتي مهما كان صافي برانيه
ماهر:مافيش براني غيرك انتي
وفاء:انا خطيبتك
ماهر شد ايدها نحالها الخاتم وحدفه:ها هدي الخطبه تمت اقلبي وجهك من قدامي
وفاء:بمزاجك هوا
ماهر:تعالي
مشيت معاه بعيد:نعم
ماهر:علاش جايبتها
اني:امك تبيها معاها
ماهر:هم روحي انتي توا مانعطلش انا ونجيك
اني:لا بنقعد معاك
ماهر:مافيش شي ديريه هنا بري للحوش
اني:لا
ماهر:سبحان الله عاتسكير الراس
اني:وهيا هنا مش مروحه
ماهر:استغفر الله العظيم بهي خشي قدامي هي
قعدت نمشي قدامه وهوا يدخن قارن حواجبه
ماهر:الخرا اللي لابستيه ضيق 😡
تلفتت:اولا مش ضيق ثانيا تركزش معاي هلبا
ماهر:حلالي 🙂
مشيت وسيبته 🙄
سراج فتح باب الدار:راقده لتوا تي نوووضي 😡
نيرمين انخلعت:هاشنو فيه
سراج:انا شن قلت امس
نيرمين:قلنا هلبا كلام 😴
سراج:قلت تطلعي مع لبنات وتشري اللي ناقصك ولا
نيرمين:بهي خيرك تعيط قصدي مسهرني للصبح وتبيني نفيق ونطلع هلبا ره
سراج:لا هلبا لاشي بلا دلع بنوت تحركي دوشي وانزلي يستنو فيك
نيرمين:انت طايرتلك ولا بديت توري فيا حقيقتك
سراج:شن تقصدي
نيرنين:ولا شي 💔
غيرت ونزلت بسرعه
ساري:ناموسيتك كحلي 😂
نيرمين:الله غالب هيا من بيرفعنا
ساري:زبير طبعا 😍
نيرمين:اممم وراها إن هدي زبييير السايحه
ساري:تعالي تو نحكيلك كل شي انا قلبي ارتاحلك والاحسن خواتي مش جايات معانا
نيرمين:يلا
ساري:ارفعنا لمحل عربي بالله
زبير:تمام
نيرمين:نحباش العربي انا
ساري:هدا كله بالسيف قوليلي خيرك نازله طايرتلك تعاركتي مع خوي الدراه ولا
نيرمين:مش عارفه خيره جاني زي الغول يعيط ويهزب المشكله هوا مسهرني امس 😓
ساري:ياروحي هوا هكي لو اضايق من شي في الخدمة اول واحد يجي قدامه يفش غله فيه تزعليش روحك رح يتأسف منك ويبوس ايديك
نيرمين:وشن يخليك متأكدة ياعيني
ساري:خوي يحبك وهالشي واضح من عيونه ونظرته ليك ليا وقت طويل ماشفتش سراج يضحك ولا يتكلم زي الناس انتي بدون ماتقربي رديتيه انسان طبيعي فاكيف لو بديتي جنبه ومعاه صدقيني خوي طيب ويحبك بس مش عارف يتحكم في غضبه
نيرمين:ان شالله خير
نزلو للمحلات
زبير:الحراسه وراكم بلاش حركات بايخه انتي
ساري:حاضر من هالعوينات 😘
نيرمين:تحبو!
ساري:نموتو في بعض مش نحبو بس
نيرمين:حي من امتا احكيلي
ساري:هدا ياحبيبتي زبير قبل مايكون ايد راجلك اليمين كان زميلي في الثانويه ومعجبه بيه حالي حال كل البنات اللي معانا وهوا على هالرزن والشخصيه ماوحدا قدرت تحرك شعره من راسه بعد تخرجنا تلاقى مع سراج وبدو صحبه ومع الوقت اصبح صندوقه الاسود وحماتك حاولت معاه لين جي للطريق ااخ مش ناسيه يوم اعترفلي بحبه 😍
flash back
"عالسان ساري"
كنت طالعه مع صاحباتي هوا رافعني لفينا في المحلات وقعمزنا في مطعم نهدرزو ولما جينا بنطلعو تلاقينا مع واحد يقرا معانا في الجامعه قالي كان توافقي الليله نجي نخطبك ضحكت وفته وصلنا البنات ومروحين فجأه غير اتجاه الطريق
انا:وين؟
ماردش عليا لين وقفنا قدام حوش بسيط يهبل 😍
انا:الله محلاه لمنو هدا
زبير:انزلي
طبعا لاني مغرمة تبعته بدون مانركز
شدني بقوة من ايدي:انتي عاشن ناويه
انا:ااخ يدي خيرك
زبير:تتسهوكي مع هدا وتضحكي مع هدا فدييت من تصرفاتك
انا:وشن علاقتك بيا
زبير:تي نحبك نحبك يا غبيه
انا:قول والله
زبير:وميت عاترابك حرقتيلي قلبي ياساري
انا:كنتش نعرف مافيش يوم درت لقطه او حاولت توصلي فكره
زبير:شن تبيني ندير بهي لو تقدمتلك اهلك مستحيل يوافقو
انا:وليش مايوافقوش انت تخدم مع سراج ماتخدمش تحته صاحبه ماكش شغال عنده
زبير:مش في مستواكم
نقزت في رقبته:نحبك نحبك وطز في اي شي يمنع نكونو مع بعض
زبير يلف بيا:نتعب معاك يافرخه 😍😍
انا:قصدك تبدا حبيبي
زبير:عندك مانع
انا:نمووووووت فيك 🤤
زبير 😍😍
end back
ساري:ومن يومها بدينا نحبو وتوا متعاركين وهوا نافخ عليا
نيرمين:علاش شن درتي
ساري:لقاني واقفه مع استاذ ناخد منه في شيت تعاركنا
نيرمين:ياروحي. 😂
ساري:اضحكي ياكلبه خزي
نيرمين:معليشي تو يسامحك
ساري:ان شالله
ماهر فتح الباب:تفضلي مدام صافي
خشيت:شكرا
ماهر:هدي اخر مره تلبسيه القفطان
اني:عادي قفطاني مش ضيق هوا مخصر بس
ماهر قرب مني ولف يده عليا:مش مخصر هدا راسملك خصرك رسم مانبيش حد يشوف فيك شي ماتوصليناش لنقطه النقاب
اني:لالا تفكرش فيه نحبش
ماهر:مالا ازبطي لبسك
اني:اووف بهي
ماهر:تعالي هنا مستاحشك وحضني بقوة
همستله نحبك
ماهر:شنو 😳
اني:احم شي خلي نغير ونجي ندير عشا
ماهر:تعالي هنا عاودي شن قلتي
اني:قلتش شي خيرك
ماهر:تي متاكد سمعت حاجه انا
اني:لالا شكلك تعبان بديت تتخايل
ماهر حك راسه:شكلي هي بسرعه ديريلي ناكل منطفي
غيرت ودرت عشا سريع
ماهر طالع يجفف في شعره:اسمعي
اني:البس قبل
ماهر:عاد خلاص معاش ليه داعي الحشم بديت راجلك
بدي وجهي احمر:مهما كان
ماهر:سلم خدودها اللي يبو عضه 😍🤤
اني:هي كول
ماهر:عندك كليه غدوة
اني:لالا
ماهر:مليح عندنا شغل الصبح
اني:شنو
ماهر:غدوة تو تعرفي خيرك ماتاكليش
اني:خاطريش كلماتك امك!
ماهر:لا ليش
اني:عاخاطر وفاء
ماهر:فوتيه موالها ياحبي خليني رايقلك انتي وبس 😘💋
ساري:خودي حتا هدا معاك
نيرمين:بالك كثرتي
ساري:غير خشي تو نلحق الباقي
نيرمين:تعطليش
ساري:لامتا بتقعد نافخ
زبير:لين تحطي عقلك في راسك وتعرفي تتصرفي
ساري:بهي علمني نتصرف صح
زبير:انزلي بلا كثرة دوة
ساري:استاحشتك حبيبي
زبير:تو نكلمك بعدين
ساري:وعد 🥺
زبير:وعد هي خشي
ساري:نحبك
زبير:ردي بالك علي روحك 💜
فتحية:شورك واخده السوق كله
نيرمين:ايه كله عاجبني شوفي هادو
فتحيه:ماشاالله حلوات لكن مش لسنك انتي قعدا صغيره
نيرمين ضحكت:هادو ليك انتي عميمه باش تلبسيهم في عرسنا
فتحيه:بجديات
نيرمين:ايه هديه من كنتك لو بتقبليها
فتحيه:سلم بنيتي بارك الله فيك
نيرمين باست راسها:واجبي انتي زي ماما
سراج:شكله تفاهمو العزوز وكنتها
نيرمين قلبت وجها:تفرجي عليهم براحتك انا بنركب نرتاح تعبت
فتحيه:ماتبيش تتعشي
نيرمين:لالا ماخاطريش تو ناكل بعدين وركبت
فتحيه:لحقت تزعلها 😒
سراج:شنو امي بتنقلبي عليا
فتحيه:لا ننقلب عليك لا سو الحق حق بنت اختي وعرفتها عافنه لكن هدي شنو عاد شاريها وتبيها ليش تزعلها
سراج:طايرتلي وجت فيها الله غالب
فتحيه:ماديرش عملتك وتقول الله غالب مش مهبول انت عقلك في راسك تعرف تتصرف البنت صغيره كان تبيها تقعد معاك بتسايرها هلباا
سراج:ان شالله
فتح الباب وخش شافها طالعه من الدوش
سراج:نعيما
نيرمين:ينعم عليك
خش وراها للدار حضنها:طفلتي مزال زعلانه مني
نيرمين بعدت عليه:علاش بنزعل مهو هدا الواقع بنبدا نشوف فيه كل يوم
سراج:شن قصدك
نيرمين:طبيعتك اللي بطلعها
سراج:الواقع اني نحبك وميت فيك
نيرمين:الواقع سراج اللي شفته اليوم الصبح الواقع انه امير مش موجود كان بس وهم باش نطيح انا ونحبه
سراج:انتي هكي شايفه
نيرمين:انت هكي توري فيا وماتعرفش قداش هالشي يكسر في قلبي
سراج:سلامت قلبك ياعمري اسف بجد مش قاصد نزعلك بس اضايقت في الشغل وجت فيك
نيرمين:تمام حول نبي نرقد
سراج:تتعبيش من النوم
نيرمين:لا
سراج:فيش نوم تعالي اختاري اثاث حوشك
نيرمين:مش قلت فيه اثاث
سراج:قبل توا بندير جديد كله طفلتي تستاهل احدث حاجه القديم مانبوشي
نيرمين:باه هي وريني
ماهر:يطلع جدي من المستشفى ولازم الكل يعرفو
اني:لاا 🥺
ماهر:فوتيهم حركات البرائة مانقعدش نسمع في كلام يدره الكبد
اني:كلام شنو
ماهر:عادي كل واحد راسملنا قصه في ذماغه اللي يقول طيحاته واللي يقول مصاحبها بياخد فلوسها واللي يقول علاقه واللي يقول طامع فيها خلي ينظفو دماغاتهم وتمت
اني:بس
ماهر:ماتبسبسيش كلامي مش راجع فيه
اني:واااك عالعناد
ماهر:تفرجي عالفيلم خير ماتخش بعضها 😉
كملنا الفيلم وخشيت بنرقد نتفاجئ بيه خاش وقعمز جنبي
اني:شن فيه
ماهر:قصدي تزوجنا
اني:باه عارفه
ماهر:معناها معاش فيه داعي لدارين
اني:لا اسمع مش
ماهر:مايمشيش دماغك لبعيد بس نبيك جنبي
اني:احم باه
ماهر:توثقي فيا ولا
اني:ومش واثقه في غيرك
ماهر:معناها هيا تعالي لداري
خداني في حضنه وقعد يحكيلي علي حياتنا ومستقبلنا مع بعض لين رقدت
صباحا 🌝
فقنا على تخبيط قوي
ماهر:صباح يافتاح شعب يتعب مع الازعاج
اني:من بيجي توا
ماهر:مش عارف كملي نومك تو نشوف
اني:لا تفتحش مرات حد مش كويس
ماهر ضحك:خايفه!
اني:هلبا
باسني:تخافيش انا معاك نفتح الباب ونجيك عندنا هدرزة طويله مليحه 😉🔞
لبس تيشرت وفتح الباب و.......يتبع
