رواية #صافي_الحياة 💜
part10
فتحت الباب بتركب انصدمت بالرجاله اللي في السيارة
نيرمين:ا اسفه شكلي غلطت 😶
في لحظه كانت وسط السيارة والباب تسكر بدت تعيط وتخبط ماحد رد عليها بس فجأه وقفو
انفتح الباب
سراج:تعالي
نيرمين ارتمت في حضنه تبكي:مني هادو وشن يبو مني
سراج:زبير سايرهم للمقر 🙂
نيرمين:نبي نمشي من هنا
سراج حضنها:ماشيين ياعمري
خداها ومشي لحوش بعيد عالمدينه
نيرمين:هدا حوشك
سراج:حوشنا
نيرمين نحت وشاحها وقعمزت بتعب:اووف مش عارفه شن كان بيصيرلي اليوم انت جيت في الوقت المناسب
ولع دخانه وقعد يشوفلها بتركيز:مافيش اختراع اسمه وقت مناسب انا كل اوقاتي مناسبه طول ماانتي عايشه هوا وقت مناسب يفوت لما يموت الانسان وقتها معاش عنده شي يديره
نيرمين:صح مني اللي بيخطفني
سراج:فوتي اللي يمس شعره منك يكون يلعب بعمره
نيرمين:انا نبي نسمع ونعرف كل شي في حياتك
سراج:حاضر بس قبلها ديريلي قهوة من ايديك الحلوات
نيرمين:وينه المطبخ
سراج:عاايدك اليمين
مشت دير قهوة
سراج:الثلاجه معبيه كان بتاكلي
نيرمين:لالا خاطريش
عندي قعدت في الدار لثاني يوم وهوا بعد فقد الامل معادش كلمني
الصبح دوشت وطلعت لقيته في المطبخ يدير في الفطور
ماهر:صباحو الزعلان
مارديتش عليه 😒 خديت ندير في نسكافيه ولا كأنه يكلم فيا
ماهر:ياهوو نحكو احنا
درت فطوري بروحي وكيف بنطلع شد ايدي بقوة لين طاح مني المق انكسر
اني:اييي ايدي خيرك انت
ماهر:لما ندوي معاك ماتفكريش تتجاهليني فاهمة من امس صابر عليك 😡
اني:نحي
ماهر:خيرك فهميني شن هوا اللي ديري فيه
دفيته:شن درت لخالك
ماهر:مادرتله شي
اني:وينه باه
ماهو:عازمينه صحابنا على زردة 🙂
اني:بهي قول لصحابك يروحو بيه
ماهر:حاضر اوامر تانيه
اني:لا
ماهر:تعبتيني يابنت معاش عندي حيل نتحمل
ماحسيتش بيه غير دفني عالحيط و 😘😘 قعدنا وقت نعرفش قداش عانفس الوضع
بعد عليا:نحبك مجنون بيك
اني:احم شن درت انت 🤭
حضني بقوة:درت اللي خاطري فيه من اول يوم شفتك
اني:بب اا
ماهر يضحك:خيرك معاش عرفتي تتكلمي ولا شنو
تلفتت بنطلع:نبي نمشي للكليه
ماهر رجع حضني:حاضر غيري وتعالي
اني:والنسكافيه متعي 🥺🥺
ماهر:نديرلك غيرها
اني:هي ديرلي بهي
باسني ثاني ومشي للمطبخ وانا قعدا في حاله صدمة الشعور الحلو اللي حسيته وقتها خلاني ننسا اي حاجه ثانيه وننسا حتا انه مافيش بينا اي رابط يخليني نسمحله يقرب مني 💔
نيرمين:نسمع انا
سراج ولع دخانه:القصه صارت لما كنا في ليبيا كنت شاب عادي زي اي حد نمشي لجامعتي ونهيج مع صحابي ونسهر ونروح نرقد وفي العطله نشتغل في الشركة متعنا هاله بنت خالتي من احنا صغار تحبني وديما تقولي نتزوجو انا مانحبهاش الاصح مانطيقش نشوف وجها بكل بعد تخرجت وبديت نجهز في حوشي وندور في البنت اللي بيختارها قلبي جتني يوم في المكتب وقتلي تزوجني تعاركنا وضربتها استفزتني ونكره بنت طيح بالطريقه هذي المهم توعدت انها بتجبرني نتزوجها فات شهر ووقتها كنت خلاص كملت شقتي من كل شي نستنا بس في صاحبه النصيب وفي يوم اسود العيله كانو طالعين جت هيا وخوها قعمزنا نهدرز قلنالها ديري قهوة وابصر شن حطتلي فيها خوها طلع وهيا قعدت تقولي في دوة ماجمعت منها شي المهم الملخص كانو حبوب هلوسه وقالتلي خش اخنب ذهب امك وخزنه بوي وطبعا صورتني بعد ساعات فقت لروحي مش مذكر شي وانصدمت زيهم بانه الحوش انخنب لاني فاقد بجديات بعد ايام جت هيا وورتلهم الفيديو ورجعت الذهب والفلوس واوراق بوي متع الخدمة دارت روحها البريئه اللي ضحكت عليها وعشمتها بالحب وفتتها بوي حلف عليا نتزوجها ولاني ماتصرفتش اي تصرف غلط خلاني نخدم في الشركة عادي خديتها وحلفت عليها ماتخشش حوشي قعدت مأجر حوش بعيد ونعامل فيها كأنها كرسي في حياتي مافيش يوم قربت منها او حطيت عليها ايد لعند اليوم من هداكا اليوم تحولت انقلبت شخص ثاني البرود سيطر عاكل ذره فيا كرهت روحي بديت للشغل بس لا نحب نطلع ولا نقعمز مع العيله ولا شي بس خدمة خدمة صارتلنا مشاكل في البلاد اضطرينا نسافرو هنا واستقرينا بوك صاحب بوي هلبا ومره نسي مفاتيح الحوش عندنا وانا جايبهم شفتك مانقدرش نفسرلك شعوري وقتها كيف كان شي يشبه انك تكوني غارقه وفي اخر رمق تكوني فقدتي الامل في الحياة وفجأه تنمد ايد بين الميه وتجبدك بقوة لما تاخدي نفس قوي والهوا يخش قلبك هدا اللي صارلي يومها شي زي الكهرباء خبط عقلي خلاه مصمم انك ليه لو مهما يصير حتا لو بنعيش معاك يوم واحد ونموت بعدها المهم انتي وبس.
نيرمين:ليش ماجيت وحكيتلي من الاول
سراج:رفضتي تشوفيني وتاخدي رقمي اتصلت كذا مره بس ماترديش ولأني تعبت من اللي صار قبل كنت حالف ياناخدك ياناخدك كان ليا فتره خاش شريك مع صديق في شركة ملابس ولأنه كل خطواتك متراقبه عرفت انك دوري في خدمة. خليت بنت من الجامعه تحكي قدام جمانه عالاعلان وجيتو للشركة كنت موجود بأسم امير ولانك مش شايفتني ولا مره هالشي سهل عليا هلبا بس اللي كان مخوفني انك ماتحبيش امير ووقتها انا حانجبرك تجي معاي
نيرمين:داهيه انت
سراج:مانقدرش نتخلا عليك
نيرمين:واهلك كيف وافقو عليا
سراج:مع الوقت اكتشفو كذب هاله وقالولي اختار اي وحدا ونخطبوهالك
نيرمين: حسبي الله فيها خزي
سراج:اهو عرفتي قصتي توا شن قررتي بتكملي معاي ولا !
نيرمين:ولو رفضتك
سراج:انا نبيك وهلبا مانقدرش من غيرك نيرمين انتي راحتي مانبيش منك شي غير تضحكيلي بس لما تبعدي عليا نرجع اسوء من قبل
نيرمين:به خليني نفكر
سراج:تمام براحتك
نيرمين:حلو الحوش حبيته هلبا
سراج:والله مافي احلا منك ومن عيونك 😍تعالي تفرجي عليه
وصلنا انا وماهر قدام الجامعه
تلفتت وشفت لعيونه اللي هايمات فيا:بترجعه ولا
ماهر:حاضر بعد البوسه اللي خديتها لو تطلبي قلبي نعطيهولك ونموت
اني:بعيد الشر عليك معاش تقول هكي
ماهر:نحبك نموت فيك يابنت
اني:تأخرت عالمحاضره
ماهر:كلميني بعدين بنمشي للعيله شويه
اني:دير بالك على روحك
نزلت وهوا مشي لحوشهم
بوعجيله:طيب فيك عرفت طريقنا
ماهر:الحمد لله حالي تمام وانت كيف صحتك جدي
بوعجيله:من ربي بخير
ماهر:وخيرك نافخ علينا
بوعجيله:قداش ليك ماوريتنا وجهك لادورت امك لا خوتك وحتا خالك قداش ليه يوم مختفي
ماهر:خوتي نشوف فيهم وامي نكلم فيها اما ولدك مايخصنيش
بوعجيله:كيف مايخصكش مش خالك هدا
ماهر:مش خالي ولدك انت
طلعت سميرة:وليدي
ماهر باس ايدها:كيف حالك
سميرة:الحمد لله خيرك ضاعف
ماهر:لا ضاعف لاشي يامي قاعد زي قبل
سميرة:والله ناقص شن رايك نديرو العرس
بوعجيله:عرس شني وخوك ماعارفين وينه
سميرة:ايه بالله 😢ربي يرجعه بالسلامه.
ماهر قريب يرقد بيناتهم 😂
بوعجيلة:شن رايك تزيد تكلم مرت المرحوم بالك تسمع منك
ماهر:عاشنو بالزبط
بوعجيله:علي خالك
ماهر:يسهل ربي هي تبو حاجه
سميرة:سلامتك ياغالي
ماهر:سلام
سراج راقد عالسرير وحاط ايده على عيونه
حس بي باب الدار انفتح وهيا تمشي عارووس اصابعها
نيرمين قربت منه:اميير
سراج:همم
نيرمين:رقدت
سراج:لا
نيرمين:بهي نوض نهدرزو
سراج:تعبان نبي هدووء
نيرمين:بالله عليك وعد مانديرش ازعاج بس هدرزه عاديه
سراج جبدها في حضنه:شن تبي تهدرزي
نيرمين:شفت قيتارة في الدار الثانيه لي منو؟
سراج:ليا
نيرمين:الله 😍 كنت تغني
سراج:زماان ايام كنت رايق
نيرمين:باه غنيلي
سراج:هدا غير مانديرش ازعاج 🙄
نيرمين:مادرتش شي بس نبي نسمع صوتك هيا باليز حتا بدون. قيتار
سراج:ماعنديش نيه يابنت
نيرمين:شن نوع الاغاني اللي تحبه
سراج:عراقي
نيرميم:حلاص سمعني حاجه لحاتم العراقي. هي
سراج:واثقه انتي
نيرمين:وانت مش حاتردلي طلب صغنطوط 🥺ولا ولا ولا
سراج:صبرك يارب
نيرمين:هيا هيا
سراج قرب منها ولف يديه عليها
نيرمين ارتبكت ومعاش طلعت حتا صوت
بدي يغنيلها بصوت هادي: دكتوري مااال العين قلي خبر مو زين،،،،اعمى بدونك لو،،،فراقك يضل يومين،،،يلي الهوا بلياك،،،يخنقني من اشتاق،،،قلبك عجيبه ان طاق،،،تنسا غرامي سنين💜💜اللي يحب مايقسى بحبيبه،،،اللي يحب شوقه يجيبه،،،فراقك عليا مصيبة،،ماادري جتني منين 💜💜ردت اصبر ومافاد،،شوقي وحنيني زاد،،،مشتاقلك ناديت،،،حضنك حضن بغداد،،،عن اما يلي اسمع،،،حتا القلب يدمع،،،لازم الي ترجع،،،لا تقولي لا بعدين،،،وينك ياامتا تجيني،،،حضنك خلصن سنيني،،،تبعد بس تبقا فيني،،،بين الرمش والعين 💜💜انتظرك وماجيت،،،معقولة ماحنيت،،،ظلمة بدونك يالوحدك تضوي البيت،،،قرب عليا وشوف،،،ضايع ملاني الخوف،،،سوي علي معروف،،،،طمني عنك يوم،،،ليلي بدونك مايمشي،،،،ويلي يذكرني كل شي،،،منك ياعمري اي شي،،،يصبر قلب مسكين 💜💜
دكتوري مال العين،،قالي خبر مو زين،،اعمى بدونك لو،،فراقك يضل يومين،،يلي الهوا بلايك،،يخنقني من اشتااق،،قلبك عجيبه ان طاق،،تنساا غراامي سنين ❤️
نيرمين:نحبك 🥺
سراج:نعشقك انا ياقلب وروح سراج
نيرمين:لا قول امير
سراج ضحك بصوت عالي:تتعبي معاه انتي امير
نيرمين:حول مش مسامحاتك اصلا
سراج:اياه لا هكي لازم نراضيك انا
نيرمين:نبيش
سراج:ضروري ترضي ضروري
نيرمين:لاااا سراج يادراه مابردك نحي 😅
كنت منتبهه مع الدكتور لين رن هاتفي شفت المتصل تفاجئت مش متعودة تكلمني بكل مارديتش عاودت ثاني فتتها بعدين فكرت ممكن حد صايرله حاجه استأذنت وطلعت اتصلت بيها
انفتح الخط وهيا تبكي
اني:الووو اميمه خيرك صاير شي لحد من العيلة
زادت تبكي
اني:احكي خيرك وقفتيلي قلبي
اميمه:.......
اني 😨😨😨يتبع
توقعاتكم للحلقه الجايه
عارفتها قصيره ماتعصبوش 😅 الجايه نطولها لعيونكم
