رواية #صافي_الحياة 💜
part9
نيرمين دافنه راسها بين رجليها وتبكي حاسه بيه قدامها بس ماتبيش تشوفه
امير:خليني نشوف عويناتك اللي نتعب معاهم
نيرمين قامت راسها انصدمت بيه بس قلبها كان بيطير من الفرحه ناضت بسرعه وخشت حضنه:حبيبي
امير لف يديه عليها:ياروح حبيبك
نيرمين تشهق ودموعها ماوقفوش:نحساابك بتسييبني هوا جاي بيااخدني رهو ماتخليشي بالله عليك طلقني منه
عبدو:شن تخرفي انتي
نيرمين زادت تعلقت بأمير:ايه مانبيشي سراج وبنطلق منه
عبدو قام حاجبه:وهدا شنو اللي متشعبطه فيه
نيرمين:هدا امير انا نحبه و سكتت واستغربت هدوء الكل قعدت تشوفله
عيدو:هدا راجلك سراج وهوا امير يا غزاله امك
نيرمين في حالة صدمة حست كل جسمها جمد وقلبها بيوقف بين فرحه انه طلع هوا نفسه راجلها وبين صدمة انه ضحك عليها وخدعها
سناء:انتي تعرفيه يعني وتبيه؟
نيرمين قعمزت عالكنبه:هدا امير مديري في الخدمة
عبدو:هدا سراج جلال راجلك مهو انتي ياحماره لو قعدتي في الحوش وشفتيه رهو مش ضايعه وماتعرفيش انه راجلك نفسه اللي تتمعشقي معاه في الخدمة
نيرمين بدو دموعها ينزلو:يعني شنو. 😢😢
سراج:خلونا بروحنا
طلعو الكل وسكرو الباب
سراج نزل عاركابه قدامها:علاش تبكي فهميني
نيرمين:تضحك عليا من الاول انت مخطط لكل شي خليتني زي الغبيه مش فاهمة حاجه خدعتني باش نحبك ياامير
سراج ابتسم:باه كيف تبيني ندير لما ترفضي انك تشوفيني وتحكي معاي لا وفوقها تهربي من الحوش ها كيف بنتصرف معاك
نيرمين:طلقني لاني مانبيكش
سراج:بالله تبيني بعد لقيتك وخديتي مني قلبي نخليك هكي ببساطه تي مستحيل
نرمين:ومتزوج ثاني انت شن طينتك
سراج:بهي اهدي وانا نفهمك شويه شويه
نيرمين:نبيش نفهم شي طلقني فاهم مانبيكش لا ودايرلي فيها امير ومدير شركة و خزي
سراج ضحك:اولا انا بجد اسمي امير في الورق الرسميه بس الكل ينادو فيا سراج غيره ياعيوني والله مافيه حل غير هدا نبيك تحبيني وتقتنعي بيا نبي يوم نوقف قدامك تختاريني
نيرمين:عيشتني في كذبه وتحرض فيا نطلق
سراج:كيف بنخليك تصدقيني به
نيرمين:نكرهك به
سراج:نتعب معاك يافرخه
نيرمين:ليش جيت وخليتهم يردوني للحوش
سراج:الخرا هاله خربتلي كل شي بس حسابها عندي
نيرمين تشوفله كيف لابس كان عكس امير تمام وكأنه تصنع الشخصيه هاديكا باش تحبه
سراج:خيرنا
نيرمين:حتا عطرك مش نفسه
ضحك وقرب منها:تو لما تعيشي معاي تكتشفي هلبا حاجات جديدة
نيرمين:نبيش نبيش طلقني
سراج:هييي علينا وعالطلاق اللي شاداته
نيرمين ضرباته:كيف تسمح لروحك تضحك عليا حقير 😡
سراج باسلها ايدها:نموت فيك نتعب معاك لو مادرتش هكي رهو خديتك غصب وخليتك تزيدي تكرهيني
نيرمين:نكرهك ومش حانسامحك مش مصدقه طلعت حماره
سراج يضحك:حشاك طفلتي
نيرمين:ومش ماشيه معاك ها ارتاح ونوض هي بدون مطرود
سراج:لا ياغزالة نوضي مروحين لحوشنا
نيرمين:شنو
قرب منها وقامها:امسحيلي دموعك ولمي لبسك معاش قادرة نبعد عليك افهمي
نيرمين بدت ترعش:لالا مانبيش خليني
سراج تعصب:تي شن خليني خليني خيرنا الزح مش تبي امير مش تحبيه اني قدامك نوضي بنروحو بلا دلع زايد
نيرمين دفاته وبتطلع شدها بقوة:ايي ايدي
سراج يشوف لخدها اللي كان مغطيه شعرها:شن هدا
نيرمين:هدي توصياتك البركة فيك حابسني اسبوع في دار
سراج فتح الباب وطلع:انتم من عاطيكم الاذن تحبسوها
عبدو:مالا نطلقوها تهرب
سراج:ومن ضاربها
عبدو:انا فيه مانع
سراج سكت لحظات وفجأه ضريه بوكس لين طاح:لثاني مره نبهك ايدك ماتنحطش علي مرتي فاهم يا وسخ ولما نقولك ماضايقهاش معناها ماتقربش جيهتها 😡
عبدو:تتقاوى عليا في حوشي
سراج:ونكسر راسك ومزال مش ناسيهالك اصبر بس
تلفت وبصوت عالي اطلعي قدامي
نيرمين تبكي:ماما
سناء:بري مع راجلك سلم بنتي ربي معاك
سراج شد يدها وطلعها وراه بدون مايسمع ردها حتا
ركبو السيارة وطلعو بعد نص ساعه كانو قدام فيلا كبيرة
نيرمين مستمرة تبكي
سراج:امسحي دموعك وريحي امي مش ناقص
نيرمين:انت تخدم في المافيا
سراج ضحك بصوت عالي:مأثرين فيك الافلام هلبا
نيرمين:انا خايفه 😓
سراج:ماهناك شي يخوف هي انزلي
نيرمين ورغم انها مضايقه منه بس كان هوا اللي بيحميها شدت في يده بقوة وخشت وراه
فتحيه مرا تبان في الستينات:باه اللي شفناك
سراج:دمااااغي ريحووه
فتحيه:جبتها
سراج:زي ماتشوفي
اما نيرمين دوروها تلقوها قريب تلتحم مع ظهر سراج 😂
فتحيه:سكرت راسك وخديتها ومرتك شن بديرلها
سراج:ماعندي مانديرلها تبي تقعد اهلا وسهلا وكل شي يوصلها ماتبيش تتوكل لعيالها وورقتها برضو توصلها
فتحيه:ربي يهديك ياوليدي وخيرها لابده وراك هدي
سراج:تعالي سلمي على عزوزك
نيرمين:لالا نبيش
سراج همسلها:هيا بلا دلع
نيرمين مسحت دموعها وطلعت مدت يدها:اهلا
فتحيه:هكا يقولو الناس
نيرمين:مالا شن يقولو
فتحيه:بوسي ايدي
نيرمين:شنو لا والله
سراج جبدها:خلاص بعدين ساهل تعبانين وبنرتاحو
فتحيه:هدي تتبدل ببنت اختي
سراج:ريحينااا 😡
ركب للشقه خشو وسكر الباب بقوة
نيرمين:نبي نروح
سراج:انا تعبان تالف دماغي بينفجر مانبيش لا ندوي ولا نتناقش نرقدو وغدوة نتفاهمو
نيرمين:لا مانبيش نقعد معاك نبي ماما
سراج:امك ليك شهور عايشه بعيد عليها توا غلت عندك بري غيري لبسك وتعااالي بنرقدو
نيرمين:جبتش لبس
سراج:عندك كل شي في الدولاب
نيرمين:نبيش نرقد في نفس الدار رهو
سراج عيط عليها:تي بري من وجهي يا فرخه ماتحرقيليش دمي
نيرمين خشت للدار خدت بيجامه دوشت وطلعت لقاته راقد عالسرير لابس سروال بس
سراج:رجلك برا الدار ماتعتبش
نيرمين:جعانه به
سراج شافلها عاجنب:بري كولي وجيبيلي ميه
نيرمين:مش شغالة ره
سراج حط المخدة على راسه:توكلي
نيرمين:نكرهك
سراج خلاص وصلت حدها ناض وفي ثواني كان قدامها تكلم بحدة:اسمعي يافرخه ليا شهور متحمل وصابر نساير فيك كيف تبي غير تتكرمي وترضي عليا ماتجيش توا تكرهيني في عيشتي راهو صبري بدي ينفذ
نيرمين وخرت خطوتين
سراج قدم ثلاثه خطوات:هذا الانذار الاخير ليك بعدها حانوريك سراج الحقاني اللي مش حايعجبك بكل
نيرمين:وينه امير اللي يحبني
سراج تنهد:تي ماني من الصبح زي الكلب معاك غير ارضي يا نيرمين وانتي شي شي
قعدت تشوف لعيونه شافت قداش تعبان ومرهق:انت شن متعبك
سراج:ااه خليها في سرك وخلاص بس نبيك انتي راحتي يابنت نحبك افهمي
نيرمين كتفت يديها:والله انا ماننزلش علي ضرة
سراج عرف انه مافيش حل معاها خبط الباب برجله:بهي وانتي مرا وجاباتك امك نحس بيك طالعه من باب الشقه تو نوريك
نيرمين قعدت تشوفله وهوا رقد ولا عبرها
ماهر:صاافي
طلعت من الدار:نعم
ماهر:ساعه نادي فيك شن ديري
اني:شن تبي
ماهر:خيرك جديد الاسلوب هدا
اني:ماعنديش مزاج للهدرزة خليني في حالي
ماهر:غير تعالي تعالي شن فيه بالزبط
اني:شي
ماهر: ماتقوليش عاخاطر وفاء
اني:انت كذاب عافكره تقولي نحبك ونموت فيك ومعاها هيا واخد راحتك مش عااساس حصله وماتحبهاش مالا امس شنو
ماهر ضحك:بهي شن بندير مافيش كيف نلهيها عالخشه للحوش الا بالطريقه هدي
اني تعصبت:تبوسها وقدامي
ماهر:الله غالب
اني:شني الله غالب علاش محسسني انه حد جابرك
ماهر:باه اسف
اني:خليه عندك اسفك مانبيشي وماتكلمنيش
ماهر:تغاري
اني:مانغارش لكن قلتلي بنخليك تحبيني كيف بنتقبلك وانت تتصرف هكي
ماهر:حانخليك تحبيني وهذا وعد
اني:تو نشوف
ماهر باسها عاخدها:نموت فيك وانتي طايرتلك
اني:نبيش نتغدا هنا
ماهر:حاضر بري غيري نرفعك لاحلا مطعم فيك ياطرابلس
اني:باه 🙄
عند نرمين فتحت عيونها شافاته يبتسم وحاضنها:شن جابني هنا
سراج:راقده في الصقع برا جبتك لحضني باش تدفي
نيرمين بعدت:معاش تقرب مني
سراج:براحتك اصلا خديت جرعتي وانتي راقده وشبعت منك
نيرمين:شن قصدك
سراج:نوضي اوقفي قدام المرايا تو تفهميني
تيرمين مشت تجري للحمام شافت رقبتها كلها علامات وايديها:حي عليك ياامير ياحيوااااان 😡
سراج:غيري بسرعه بننزلو نفطرو مع لعيله
نيرمين:قليل ادب
سراج:حلالي
غيرو لبسهم ونزلو وكالعادة نيرمين لاصقه في ظهر سراج 😅
فتحيه:معادش فهمتها مرتك ولا بنتك
سراج:هيا حبيبي تعالي باش تتعرفي عليهم
نيرمين:به اقعد معاي
سراج:مايشوفوكش امس مش طايقتني
نيرمين:مهو
سراج:اممم
خشت هاله:جبتها الحقيرة
سراج انقلب فجأه وتحول لبرود تام:قعمزي وشدي لسانك
اجتمعو ولاد وبنات وراجل كبير في السن
سراج وقف:مرتي الجديدة نيرمين بنت عمي سليمان
خالد الاب:نورتينا يابنتي بوك صاحبي من زمان وغالي عليا هلبا
نيرمين:تسلم عمو
سراج:هادو خوتي سامر و اسعد والبنات ارين و سولاف وساري وهاله عاد غنيه عن التعريف
هاله:مرته الاولى الاصل 😒
سراج:ياااسر
هاله:فهمني علاش تتزوج عليا شن منقصه عليك
سراج خبط الكرسي:الموضوع هدا مادخلكش فيه ولا ليك حق تتكلمي فيه اصلا
هاله:والله
سراج شافلها ببرود وقعمز عاكرسيه ياكل
نيرمين:عادي نركب للشقه
سراج:لا افطري وبعدها بنرفعك للجامعه
نيرمين:حااق
سراج:كولي كولي
ماهر:شن رايك في المكان
اني:ماشي حاله
ماهر:لامتا بتقعدي زعلانه
اني:نعرفش
ماهر:بهي هي نوضو
اني:لا عاجبني الجو هنا
ماهر:تعالي فيه مكان احلا
مشيت معاه واني من وسط قلبي نتمنا انه يفسخ خطوبته مانبيش حد يشاركني فيه
رفعني ورا المطعم فيه مكان يهبل كله اخضر ومخصص للعشاق 😍وكان وقت الغروب المنظر تحفه
ماهر:فكري فيا بس
اني ابتسمتله وبالفعل عقلي مايفكرش في غيره قداش تغير مستحيل حد يصدق انه نفس الشخص اللي شفته في بداية زواجي كل ليله يروح سكران ومعاملته مع الكل اخي توا ديما يضحك ورومانسي لابعد حد قداش الحب قادر يغير الانسان ويأثر عليه 💔
نيرمين:احم
سراج منتبه للطريق:هاتي اللي عندك
نيرمين:علاش تمشي بحراسه
سراج:مكسد
نيرمين:شفت علاش نبيش نتكلم معاك
سراج:مهو لو تهدي عليا شويه وتخلينا نحكو زي الناس العاقله كله تعرفيه لكن بتقعدي تلقحي باللسان اللي زي السم هدا انا بندير هكي
نيرمين:بهي خلاص نحكو بشرط تحكيلي كل شي
سراج:تمام
نيرمين:بتجيني انت بعدين
سراج اتكى عالكرسي وشد ايدها:كيف تبي انتي!
نيرمين:بااه شن رايك نبعدو ونحكو بهدوء وانا حانسمعك
سراج:حاضر كملي محاضرات وناخدك مكان هادي
نيرمين:اوك سلام
سراج:مافيش بوسه لراجلك
نيرمين:لا
سراج:وامير كنتي تحضني فيه عادي جدا
نيرمين:خلاص اهو شابع في الاحضان
سراج:ماشي توكلي هي 🙄
باساته عاخده ونزلت بسرعه
عندي انا وماهر روحنا الساعه 9
خش هوا يدوش وانا نجهز في العشا لين رن هاتفي "سميرة" مش عارفه ليش توترت وحسيت شي مش كويس صاير او بيصير فصلت المكالمه ماقدرتش نرد عاودت ثاني وبعد ثالث مره رديت
سميرة:خير كيف حالك صافي
اني:الحمد لله وانتي شن اخبارك وباقي العيله
سميرة:والله صايرة فينا حاله ومتصلة بيك تساعدينا
اني خلاص قريب طحت:ان شالله خير
سميرة:خوي حسن ليه ايام مختفي معاد روح للحوش ولا فتح هاتفه حتا سيارته لقوها ملوحه عالطريق
عاطول عرفت انه ماهر دايرله حاجه:لاحول ولا قوة الا بالله
سميرة:مش عارفه كيف بنقولهالك ياوخيتي بوي قالي بالك مرت المرحوم شاكيه فيه ولا حاجه عاخاطر ليه فترة يضايق فيها وقلت نكلمك نتأكد منك ونحلوها المشكله في النهاية كنا عيلة وحدا
اني بدو دموعي ينزلو:لا والله ماشكيت فيه ولا فكرت نديرها حتا وهوا يضايق فيا مستحيل نأذيه على خاطر عيون عمي ومرته وصغاره وتوا بس نسمع منك انه مختفي
سميرة:هدا العشم فيك عارفاتك بنت اصل بارك الله فيك وسامحيني وخيتي
اني:ولا يهمك ان شالله يرجع سالم
سكرت منها وقعدت نبكي رغم حقارته بس وجعني
ماهر:خيرها الصفرا
اني شبحتله:وين خالك
ماهر وجهه انقلب:من قالك
اني:امك كانت تكلم فيا انت شن درتله وكيف تفكر اصلا ديرله هكي
ماهر:حذرته مرتين وعاودها شن تبيني نتفرج عليه يقتلك
اني:وعادي عمي يقوللهم اكيد هيا شاكيه فيه وحابساته امك متصله تتفاهم معاي عااساس انا السبب
ماهر:امورهم قولي مادخليش وتمت
اني:حرام عليك اطلقه لعيلته
ماهر:تدخليش فيه الموضوع هدا
اني:معناها معاش ليا معاك كلام نهائي
ماهر:شن تخرفي انتي شن جاب هدا لهدا
اني خشيت للدار وسكرتها
نيرمين كملت محاضراتها وطول الوقت متوتره وتفكر في سراج متلخبطه بين احساسها بالحب تجاهه وبين خوفها من شخصيته الحقيقيه وعيلته
جمانه:اهدي وان شالله مش حايصير الا كل خير مدام طلع شخص واحد معناها كله ساهل
نيرمين:ان شالله خير
جمانه:ماتخافيش
نيرمين شافت سيارة كحله نفس سيارة سراج:اهو جي خلي نمشي
جمانه:طمنيني
نيرمين:اوك
طلعت تتمشى لين وصلت السيارة انفتح الباب و
نيرمين 😨😨😨😨يتبع
