رواية #صافي_الورد 💜
part5
تلفتت شفت ماهر عروقه بارزات ونظراته ماتبشرش بخير بكل خدي القلم كسره وقطع الورق
حسن:شن درت يا كلب
ماهر ببرود:الرزق اللي كتبهولها راجلها بيقعد بأسمها ومافيش حد يتجرأ ياخده
حسن:تي ناخده منها كان نقتلها
ماهر:المحكمه قدامك ولو قدرت تاخد ربع جني اني معاش نتسما
حسن:واقف معاها
ماهر:وبكل قوه
حسن:تمام المحاكم بينا
اني خفت وزادو الدموع في الانهيار
ماهر تلفتلي وعيونه لو كانو رصاص رهو قتلوني:اركبي سيارتك ووجهك لحوشك طول بعدين نتفاهمو
سميرة:شن تقوللها
ماهر:تفضلي
اني:بهي ب
ماهر:ولا كلمه
سلمت علي سميرة واميمه وطلعت طول منظره وكلامه ارعبوني
وصلت درست السياره في الباركي وركبت شقتي في الدور الرابع خشيت نرتب في لبسي وبعدها بضاعه المطبخ كملت الساعه 8 مافيش ماكله بكل شن هالغباء متعي 🤦♀️شن بناكل وجعت هلبا مستحيل نكلم محمود توا وماهر مهما يصير مش حانكلمه حي عليا احتمال يقتلني
رن الجرس شفت من العين لقيته هوا ياويلي قعدت ساكته
ماهر اتصل
اني:الو
ماهر:افتحي الخارب
اني:بهي اوعدني مش حاتعيط عليا
ماهر:افتحي ولا اقسم بالله نكسر امه الباب
اني سكرت وفتحتله:تت تفضل
ماهر خش حدف اكياس عالصاوله وانفصل:انا لما نخرف كلمه معاش نعاودها ثاني مانيش عيل تقضي كلامي
اني:مش قصدي بس هما
ماهر:ماهماش اني دويت وقتلك مستحيل نخليك بروحك وماتخافيش نغيب دقيقه نلقاك بتتنازلي
اني:اسفه
ماهر:وين نصرفه اسفك عدا 😡
اني بكيت:بهي خلاص
ماهر:قعمزي تعشي فالحه غير في الدموع
اني:نبيش
ماهر مشي خطوات ووقف قدامي:مش جعانه يعني
اني:لا
ماهر:خديتي بضاعه للثلاجه
اني هزيت راسي بلا
ماهر:اه مالا شن كليتي
اني:شي ومش جعانه
ماهر:تمام مالا خلي نرفعهم نلوحهم
وللاسف فضحتني بطني حقيره شمت الماكله بدت دير في صوت
ماهر تلفتلي ضحك:ماتبيش صار
اني:احم ايه
ماهر:نقصي منه تسكير الراس خير
اتي:باه
ماهر:بترجعي للجامعه!
اني:من قالك
ماهر:مش مهم انا بنمشي عندي خدمة غدوة نتلاقو برا ونهدرزو عالمزبوط لاني مانحبش ندوي حاجه ونعاودها ثاني
اني:به
ماهر:كولي وماتنسيش الدوا
اني:باه
ماهر:شطورة هي سعيده
طلع وانا قعمزت ناكل قداش جعانه 🤤
بعتلي مسج"كولي بالشويه سخونه تنحرقي 😂" مابرده
نمشو لايطاليا
سليمان راجل عمتي:وين بنتك
عمتي:في دارها
سليمان:ناديها
عمتي مشت:تعالي بوك يبيك
نيرمين مسحت دموعها وطلعت:نعم
سليمان:تبكي هدا كله عاخاطر بنزوجك
نيرمين:مانبيشي
سليمان:اليوم قرينا الفاتحه
نيرمين:شنو 😨مش قلتو بعد يومين
سليمان:راجلك عنده خدمة بيسافر
نيرمين قعمزت عالكرسي مصدومة:ياربي 💔
عمتي:والعرس امتا
سليمان:مزال قال خلي تكمل السنه هدي في الجامعه وبعدين نديروه في ليبيا
نيرمين خشت دارها تبكي حست روحها خلاص ادبست بعدين جت في بالها فكرة بعتت مسج لصاحبتها وناضت تلم في لبسها
قعدت ليل كله سهرانه قداش مبسوطة بالحوش نفكر في حسن مش حايسكت بس ماهر وجوده مطمني اذن لفجر صليت وخشيت سرير رقدت 😴
حسن:وين حوشها
سميره:والله مانعرف محمود وماهر مشو
حسن:وينه فرخك ناديه
سميرة:يامحمود تعالا لخالك
محمود:نعم
حسن:دلني على حوشها الفرخه مرت خالك
محمود:مانعرفاش وين
حسن:تتسهوك ياكلب تي قول وينه خير ما
ماهر:ماشنو بتضربه ولا بتقتله
حسن:نكسر راسك وراسه
ماهر:غير بالشويه على عروقك انت شن تبي
حسن:فلوس خوي
ماهر:نجوم السما اقربلك
حسن:اليوم بنرفع قضيه
ماهر:ربي يوفقك نتلاقو
حسن:عاجبك اللي يدير فيه ولدك
سميرة:شن بنديرله ياوخي كل يوم نكلم فيه
حسن:لو مايوخرش ويسيب القصه لا عاد خوك ولا نعرفك اهو قتلك
سميرة تبكي:يانهاري عقاب عمري نتقاطع مع خوي
اميمه:خلاص ياماما اهدي
سميرة:شفتي خوتك الزوز واقفين معاها
اميمه:حسبي الله ونعم الوكيل فيها
الساعه11:00ص رن هاتفي
فقت شفتها مكالمه واتس
اني:الو
نيرمين:فيقي ياخميرة
اني:صباحو
نيرمين:صباحك ورد قولي شن درت
اني:شنو
نيرمين:هربت من الحوش
اني:شني 😦علاش
نيرمين:قرو فاتحتي بدون علمي
اني:مش قلتي بعد ايام كيف صار
نيرمين:لانه سي السيد بيسافر فااطمن انه حجزني ومشا مشاي يقص رقبته
اني:حي عليك لالا ارجعي غلط اللي درتيه رهو
نيرمين:في عينهم والله ماني مروحه لين يطلقني
اني:هيي عالعناد وين قعدا بهي
نيرمين:عند صاحبتي ساكنه هيا وحناها في منطقه ثانيه
اني:ردي بالك من روحك
نيرمين:اوك توا بنمشي للجامعه بعدين نحكو
بينما في حوش عمتي الدنيا مقلوبه
عبدو:وربي نقتلها فرختك
سليمان:اسكت ودور عليها وين بتمشي في بلاد ماتعرفهاش
عمتي تبكي:جيبلي بنتي 😭
سليمان:شن بنقول لراجلها تو
عبدو:احكيله خلي يدورها معانا وياخدها بدون عرس زي الكلبه
سليمان:لاحول ولا قوة الا بالله ربي يهديك يا بنتي
خزي هاتفه واتصل
شخص:ايوا عمي كيف الحال
سليمان:الحمد لله سافرت
شخص:لا والله ان شالله خير
سليمان:شن بنقولك البنت هربت من الحوش
شخص:كييف ليش خيرها نقولك اني جايكم هي
بعد وقت وصل
سراج شخصيتنا الجديده شاب طول بعرض جميل هلبا 🤭شخصيته قويه واي شي يحط عليه عينه ياخده مقيم في ايطاليا وعنده شركه استيراد وتصدير اخشاب
مقعمز متعصب ويهز في رجله
سليمان:هدا اللي صار
سراج:ليش ماعنديش علم انه البنت رافضه
سليمان:الشور لينا ماناخدوش في راي البنوت
سراج:بس عارف انه لازم توافق رايها مهم
سليمان:الله غالب توا اللي صار صار
سراج:تمام من امتا طالعه
سليمان:بتكون من الليل لانه بعد ماقلتلها قرينا الفاتحه معاش طلعت من دارها
سراج:اوك الموضوع عندي ماحد يدورها ولا يكلمها
عبدو:شن يعني نخليها في الشوارع
سراج ابتسم باستفزاز:ليش وين كنت يابطل لما مرتي "شدد عالكلمه الاخيرة "طلعت من الحوش
عبدو:لو حسيت بيها الكلبه رهو كسرتها
سراج:عضلاتك اعرضهم بعيد نيرمين ماحد يدورها البنت مرتي وانا مسؤول عليها
سليمان:امها تبيها
سراج:تو تكلمها مش حاتصبر عليها
عبدو:شن تفهم انك بتاخدها عندك ولا كيف
سراج وقف سكر جاكيته وببرود قال:حانخليها توقف قدامك وتقولك نحبه ونبي نكمل باقي حياتي معاه
عبدو:تو نشوف
سراج شافله باحتقار وطلع
عمتي:بتردلي بنتي
سراج:ان شالله
عمتي تبكي:بارك الله فيك
سراج طلع ركب سيارته ومتجه للمطار دار اتصال:نيرمين سليمان تنخلق من تحت الارض وسكر
اما اني نكمل في ترتيب الحوش
اتصل ماهر:ايوا
اني:اهلين
ماهر:انا في الكافي اللي تلاقينا فيها قبل
اني:اووف نسيت انه بنتلاقو
ماهر:بالله
اني:خلاص شويه تو نجي
ماهر:نستنا
خشيت دوشت عالسريع غيرت وطلعت
اني:عطلت عليك
ماهر:شن رايك انتي
اني:سوري
ماهر:قعمزي هي فطرتني
اني:لا
ماهر طلب فطور:توا بنطلعو من هنا للمول تاخدي منه كل بضاعتك وتروحي غدوة نمشو للكليه باش ترجعي للقرايه حاولي ترتبي محاضراتك بكري العصر الحوش يتسكر والطلوع ممنوع تحت اي ظرف تحتاجي حاجه انا نجيبها
اني:باه
ماهر:اي شي بدون حشم وبدون الوقت متأخر وحركات بنوت
اني:باه
ماهر:لو يوم ديري عكس الي قلته ياصافي حاتشوفي ماهر ثاني مش رح يعجبك
اني:حاضر
ماهر:اعتبريني اللي تبيه خوك صديقك قريبك اي شي بس انا مش قادر نخليك بروحك
اني:صحيت والله جميلك ماننساه
ماهر:مش جميل اني هكي نبي افطري هي
اني:تبيش تاكل انت
ماهر:تو ناكل وموضوع امس معاش نبيه يصير فاهمة
اني هزيت راسي:حاضر
ماهر:كولي ياصفرا 😉
فطرت ومنها طلعنا للسوق خديت كل شي للحوش ولما جينا بنخلصو
ماهر حط بطاقته
اني:شنو
ماهر:خيرك
اني:خليني ندفع معاي فلوس
ماهر:خليهم لحاجه اهم
اني:شن اهم من بضاعه حوشي
ماهر:مصاريف جامعتك خلاص فوتي
دفع هوا وطلعنا
اني تعبت وراسي بدي يصدع:نروحو
ماهر:خيرك
اني:راسي
ماهر:بهي اركبي هي واهو وراك اني
ركبت سيارتي ومشيت للحوش
نزلي البضاعه كلها ورتبتها مكانها
ماهر:خودي دواك وبري ارقدي
اني:تعبتك معاي
شد ايدي وباسها حسيت كهرباء ضربت جسمي كله قعدت نشوفله
ماهر:مش خسارة فيك ارتاحي توا بعدين نحكو
اني قعدت دقايق نستوعب في اللي داره لالا ميمشيش فكرك لبعيد ياصافي ريحي روحك وركزي لحياتك
عند نيرمين طلعت من الجامعه هيا صاحبتها "جمانه"
نيرمين:تعرفي مستغربه خوي كيف ماجاش للجامعه اول مكان مفروض يدورو فيه
جمانه:ايه صح مرات يراقب فيك باش يعرف مكانك
نيرمين:ممكن
جمانه:حقا ماقتلكش لقيت شركة دايره اعلان تبي موظفات
نيرمين:الله وين هدي
جمانه:شركة ملابس مش بعيد على الحوش
نيرمين:مليح نمشو!
جمانه:اكيد هي نروحو نتغدو ونتوكلو
مشت لحوش صاحبتها غيرو وتغدو مع جداها بعدها اتجهو لمقر الشركة
جمانه:مرحبا نحن هنا من اجل مقابلة العمل
سكرتيرة:اوك انتظرو هناك مع البقية
جمانه:اوك
نيرمين:زعما يقبلونا
جمانه:ان شالله
نيرمين:مدير راجل ولا مرا
جمانه:نعرفش الحق
بعد ساعه وصل دورهم خشت نيرمين:مرحبا
تلفتلها:اجلسي كم عمرك
نيرمين:22
المدير:ماذا تدرسين
نيرمين:طب بشري
المدير:مالذي اتى بكي الي هنا
نيرمين:اريد ان اعمل لاتحصل علي نقود 🙂
المدير ضحك:حسنا سأفكر بامرك دكتورة
نيرمين:هدي مقابله هيا
المدير:مش عاجباتك
نيرمين انصدمت:ليبي
مدير:ابا عن جد 😎
نيرمين:الله به علاش مشحطني من بكري
مدير:جايه بتخدمي في شركة اجنبيه
نيرمين:به بنت بلادك شغلني 🙁
مدير:ان شالله خير يومين ونردو عليك
نيرمين:وحتا صاحبتي جمانه تو بتخش
مدير:اوامر ثانيه يا..
ابتسمت:اسمي نيرمين
مدير:تشرفنا وانا امير
نيرمين:بالجودة هي سلام
امير:مع السلامه
دارت جمانه مقابلتها وروحو
فاتو يومين وردو عليهم بالموافقه وبيبدو خدمة اما انا مشيت للكليه ورتبت اموري وبنرجع نكمل اصلا موقفه عااخر سنه تخذير بديت مشروع كيكات بما اني خبيرة في الحلو 😌 نهدرز مع ماهر ديما وصحبتنا تقوت. 💜
اميمه مزال مستمره في علاقتها بسليم
اما حسن رفع عليا قضيه ومستمر فيها 😓
رن المنبه طفيته ونضت غسلت ولبست خديت قهوة فتحت الباب نلقا بوكس قدامه 🙁شن هدا
دخلته فتحته لقيت فيه بريوش ودونات معاهم ورقه"تطلعي بلا فطور لانك تنوضي متأخره خوديهم معاك وافطري
المخلص دائما ماهر 😂"
محلاه ياربي
خديته وطلعت بنركب للاصنصير خبطت في بنت
اني:اووه اسفه
ابتهال:ولا يهمك جارتنا الجديده ولا
اني:ايه
ابتهال:انا ساكنه جنبك اسمي ابتهال
اني:صافي بالجودة
ابتهال:بيك اكثر تقري شكلك
اني:ايه
ابتهال:اني سنه تانيه تخذير
اني:حي زيني
ابتهال:ماشفتكش قبل
اني:كنت موقفه كيف رجعت سنه رابعه
ابتهال:حلو نتلاقو
اني:مع منو تمشي
ابتهال:باص
اني:اها اوك نشوفك باي
ركبت السيارة رن هاتفي
ماهر:صباحو صفيرة
اني:بايخ
ماهر:طلعتي
اني:ايه
ماهر:كليتي
اني:كيف بناكل
ماهر:باه ردي بالك علي روحك
اني:اوك باي
وصلت خشيت للمحاضره طول
عند نيرمين واقفه مع باقي البنات بيبدو خدمة
امير:صباح الخير
اليوم تبدئون عملكم ماركو سيقسكم على مجموعات ويشرح لكم كيفيه العمل
نيرمين اتبعيني
مشي لمكتبه
نيرمين:نعم
امير:بيكون شغلك طباعه وارسال الفاكسات والايميلات
نيرمين:اوك
امير: حطولك مكتب مع سكرتيرتي تقدري تبدي خدمة
نيرمين:تمام
امير:اي نسيت قهوتي عليك حتا هيا
نيرمين:بالله
امير:فيه مانع
نيرمين:اه لالا تبي توا ولا شنو
امير:مانبيش ومعاش تدوي ليبي هي تفضلي لمكتبك
نيرمين قلبت عيونها وطلعت
كملت محاضرات وطلعت بنركب لقيت العجلات كلهم مطربقات اللطف غريبه شكله حد يستزرف 🙁
كلمت ماهر وجاب رافعه رفعوها يغيرولها عجلات روحت معاه
ماهر:فروخ الكلب يخففو في دمهم
اني:مش عارفه مني فاضي
ماهر:تو نجيبهم
اني:امتا يكملوها السياره
ماهر:ليش شن فيه تو يكملو نجيبهالك
اني:نبيش نتعبك
ماهر:معاش تخرفيه الكلام هدا صافي ماتكسريليش رقبتي
اني:باه خيرك تعيط
رن هاتفه وكان رابطه مع المسجل
ماهر:الو
وفاء:مرحبا حبي
ماهر شافلي وتكلم:مني!
وفاء:خطيبتك
ماهر:اياه
وفاء:عرفتنيش يابيب
ماهر زبطها:ياودي فوتي امي والله ماني فاضيلك
اني نضحك:خيرك معاها
ماهر:الي عطاها رقمي ياويله
اني:ليش ماتجرب معاها مرات تحبها
ماهر:والنبي اسكتي
اني:سكتت 😢
فاتت ربع ساعه معاش تكلمت
ماهر:زعلتي قصدك
اني نشوف من الشباك:لا
ماهر:ترا شوفيلي
اني:نلا
ماهر:شوفيلي قلت
اني تلفتت:شنو
ماهر قرصني من خدي:ياحليلي عالزعلان.
اني:نحي عليا
ماهر:مطيبه غدا
اني:لا خودلي بيتزا
ماهر:بتقعدي ديما تاكلي من برا سمنتي رهو
اني شفتله وتعصبت: تشوف فيا سمنت انت توا
ماهر:يعني
اني:باه معاش نبي شي
ماهر:نبصر خيرك
اني:استعجل نبي نرقد
ماهر:مش جعانه
اني:معاش نبي شي
ماهر:غير ناخدلك
اني:لا ولو سمحت نبي نروح ياسر من الدوران
ماهر:تمام
روح بيا نزلت بدون مانقول شي طارتلي منه لاني مش سامنه خزي والله قعدا نفس قبل
دوشت ومكر في روحي شربت ميه وخشيت بنرقد بعتت لنيرمين لقيتها مسكره اكيد في الخدمة نسمع في الجرس يرن وااااك 😓 بنرقد ياربي
خديت وشاح فتحت
ماهر:اسف 😶
اني نشوفله شاد باكوات بيتزا وباقه ورد:خش
ماهر:مستعجل مسيب هلبا خدمة غير مانبيش تقعدي بلا ماكله
اني:باه كول حتا انت
ماهر:خليت واحد في السيارة تو ناكله
واحنا نحكو فااتت
ابتهال:خير
اني:اهلا شن الجو
ابتهال:تمام تعالي بعدين هدرزي علينا
اني:ان شالله
ابتهال:نتلاقو
ماهر:مني
اني:جارتي وتقرا معاي في الكليه
ماهر:اممم ماتتعمقيش في حد
اني:باه
ماهر:هي خشي
اني:باي
ماهر:باي.
خديت عصير وفتحت بناكل لقيت ورقه"مايهونش عليا زعلك دلوعتي ❤️"
ابتسمت حسيت بشعور غريب اول مره يجيني
lole:اكيد عرفتوه الشعور شن هوا بداية هاديكا الحاجه الحلوة 🙂😉
رقدت شويه وعالعصر نضت غيرت درت مكياج خفيف وطلعت لحوش الجيران رنيت الجرس
فتحتلي ابتهال:اهلا اهلا انستينا
اني:الله يأنسك
تعرفت على امها واختها وقعدنا نهدرزو شدوني للعشا محلاهم بسيطين وهدرزتهم تهبل 💜
عمتي:مالقيتوهاش
سليمان:شفتي راجلها قال مايدورها حد ولا تقربوها
عمتي:حرام عليكم البنت لينا ايام ماعرفنا وينها
سليمان:شن تبيني ندير
رن الهاتف
عمتي ردت:الو
نيرمين:ماما
عمتي تبكي:حبيبتي وينك وين مشيتي يابنيتي
نيرمين:ماتخافيش عليا انا كويسه وقعدا عند ناس طيبه
عمتي:روحي بهي
نيرمين:لا ماما سامحيني مش حانروح لين يديرو حل في اللي دبسوني فيه
عمتي:حل شن
نيرمين:يطلقوني منه
عمتي:عيب يابنتي الراجل كويس ومحترم تعرفي قاال لبوك وخوك خلوها براحتها مادوروهاش
نيرمين:اممم داير روحه جنتل
عمتي:روحي
نيرمين:لالا اني مرتاحه هنا تو نكلمك الايام الجاييه ردي بالك من روحك بس هي باي
عمتي:الحمد لله بنتي كويسه
بعد شهرين 🌷
نيرمين مافكرتش ترجع للحوش وتأقلمت في حياتها
واني كذلك بدت حياتي متمحورة علي قرايتي وماهر 💜
يوم عازماته عالغدا
نضت بكري طيبت الاكلات اللي يحبها ودرت حلو قعمزت نقرا لانه امتحاناتي قريب
الساعه 1غيرت لبست قفطان طويل ومخصر بنفسجي
رن الجرس فتحتله
ماهر:خيرات
اني:اهلا تفضل
ماهر:جاي بلا فطور رهو ميت جوع
اني:هههه بهي مش وقت غدي توا نديرلك نسكافيه
ماهر:لا انا بنتغدا توا
اني:ياربي
ماهر:هيا بري
خشينا للمطبخ هوا قعمز واني نوتي في الغدي
ماهر:بالك تبي مساعده
اني:تعرف تقرض السلاطه
ماهر:هاتي نخش عليها وكيف ماتجي عادي
اني:اونها جنبك
قعدنا نهدرزو ونضحكو
اني:شن رايك
ماهر:يسلمو ايديك
اني:صحتين خلي نحط الوردات في الميه
ماهر:صافي
اني:نعم
ماهر:نبي نحكيلك شي
اني:شن فيه خالك كسب القضيه
ماهر:تي لا ياهمي هداكا خليه يجري باقي عمره في المحاكم مش حايحصل شي
اني:مالا شنو
ماهر:غير تعالي قعمزي
اني:اصبر بنضم المطبخ
ماهر:بهي ضمي بعدين ديريلي قهوة اني في الصاله
اني:باه
نمشو لنيرمين
امير:اين الموظفه الجديدة
سكرتيرة:لا اعلم لم تصل للان
امير:عندما تصل اخبريها ان تأتي لمكتبي
بعد ساعه
نيرمين خبطت عالباب وخشت:مساء الخير
امير بدون مايشوفلها:ماعذركي للتأخير
نيرمين:اسفه لقد تعبت قليلا
امير قام راسه شافلها وجها اصفر وواضح عليها التعب وقف :قعمزي بهي خيرك واقفه
نيرمين:بعد اذنك نبي اجازه كم يوم
امير:تمام مافيش مشكله
نيرمين:شكرا نقدر نروح توا
امير:ايه خودي راحتك لما تحسي انك تحسنتي تعالي
نيرمين نزلو دموعها:اوك
امير:عندك مشاكل ثانيه ولا مريضه بس
نيرمين:ماتشغلش بالك استاذ
امير مدلها كرت:هدا رقمي الخاص احتجتي شي كلميني وطمنيني عليك
نيرمين:شكرا وطلعت
عندي اني درت القهوة وقعمزت:هي احكي
ماهر:تعبت وانا داس في قلبي نبيك تعرفي
اني:شن بنعرف
ماهر:اني......يتبع
