ယခင်ကထက် ယခင်ကထက် ပိုမို၍ တင်းကြပ်စွာ ဖက်တွယ်ထားမိသည် ။ ကျွန်တော့်ဆီကနေ ထွက်သွားမည်ကို ကျွန်တော် အရမ်းကြောက်သည်.။ ကျွန်တော့်ကို ထားခဲ့မှာကို ကြောက်သည်။ ကျွန်တော့်အတွက် ကိုခွန်းစစ်က မရှိမဖြစ်သောအရာ အလိုအပ်ဆုံးသောအရာ.....
" ကိုယ် ဖြိုးလေးဘေးမှာ အမြဲရှိတယ် မကြောက်ပါနဲ့ ကိုယ် ဘယ်တော့မှ ထားမသွားဘူးဆိုတာ ယုံတယ်မလား ဖြိုးလေး "
" ယုံတာပေါ့ အခုတောင် ကိုခွန်းစစ် အချိန်မှီ ရောက်လာလို့ မဟုတ်...မဟုတ်ရင်...ကျွန်တော်...."
" လျှောက်မတွေးနဲ့တော့လေ အခုလည်း ကိုယ်ဘေးမှာ ရှိတာဘဲ နားလိုက်နော် ဖြိုးလေး "
" ဟင့်အင်း ဒီလိုလေး ဒီလိုလေး နေချင်သေးတယ် ကိုခွန်းစစ်ရင်ခွင်ထဲမှာ နေချင်သေးတယ် "
ကျွန်တော့်အတွက် လုံခြုံတယ်လို့ ခံစားရတယ် ။ ကိုခွန်းစစ်သာဘေးနားမှာ ရှိတယ်ဆို ကျွန်တော် ဘာကိုမှ မကြောက်တော့ ။ ကျွန်တော့်အားပွေ့ဖက်ထားသော ကိုခွန်းစစ်၏လက်တစ်စုံမှ နွေးထွေးမှု......
ကိုခွန်းစစ်ရဲ့ ကိုယ်သင်းနံ့သင်းသင်းလေး......
ကျွန်တော်မှီခိုစရာ ရင်ခွင်ကျယ်.....
ကျွန်တော့်အတွက် အရာရာပြည့်စုံနေပါပြီ
ဘာကိုမှ ထပ်မလိုအပ်တော့ပါ
ဘာကိုမှမတောင်းဆိုတော့ပါ
ကျွန်တော့်ဆီကလည်း ဘာကိုမှ ယူမသွားပါနဲ့လား......ရင်ခွင်ထဲတွင် အိပ်ပျော်နေသော လူသားလေးအား
အိပ်ယာထက် ပြန်လည်သိပ်ကာ အခန်းထဲမှ ထွက်လာခဲ့သည် ။
နဖူးလေးထက် အနမ်းပန်းလေးတစ်ပွင့် သက်ဆင်း.....' ဖြိုးလေးကို နာကျင်အောင်လုပ်တဲ့သူတွေကို ကိုယ်အလွတ်မပေးဘူး ။ သူတို့နောင်တရစေရမယ် ဖြိုးလေး ။ ကိုယ် ကတိပေးတယ် ။ '
အခန်းလေးအတွင်းမှ ထွက်လာခဲ့သည် ။ ကုတင်ထက်ရှိ လူသားလေး အိပ်မပျော်သေးသည်ကို မသိခဲ့ပါ...
အခန်းတံခါးပိတ်သံကြားသောအခါ မျက်ဝန်းညိုများပွင့်ဟလာခဲ့သည် ။ကိုခွန်းစစ်ပြောသွားသည့်အဓိပ္ပါယ်အား တိကျစွာ နားလည်နိုင်ခြင်း မရှိသော်လည်း တစ်ခုခုအားစိတ်ထင့်နေမိသည် ။ ကိုခွန်းစစ် ဘာမဟုတ်တာ လုပ်မည်မသိ ။ ကိုခွန်းစစ်က အာ့လိုလုပ်မယ့်လူ မဟုတ်ပါဘူးလေ ။ ကျွန်တော် လျှောက်တွေးနေမိတာပါ ။
आप पढ़ रहे हैं
ကြွေပန်း(Unicode+Zawgi)
बेतरतीबအချစ်ရဆုံးသော တစ်ပွင့်တည်းသော ပန်းလေးအတွက်သာ လေပြေဖြစ်ခဲ့တဲ့ ကျွန်တော်ဟာ အဲ့ဒီပန်းလေးကြောင့်ဘဲ လေပွေဖြစ်သွားခဲ့တာ.......🌪️🌪️🌪️ _____________ အခ်စ္ရဆုံးေသာ တစ္ပြင့္တည္းေသာ ပန္းေလးအတြက္သာ ေလေျပျဖစ္ခဲ့တဲ့ ကၽြန္ေတာ္ဟာ အဲ့ဒီပန္းေလးေၾကာင့္ဘဲ ေလေပြျဖစ...
Part(14)
शुरू से प्रारंभ करें: