Unicode//
ညကအိပ်မက်လေးထဲ သူရောက်လာတယ် ။
ပျော်ရွှင်ခြင်းနဲ့မဟုတ် ဝမ်းနည်းမှုများနှင့်အတူ ငိုကြွေးနေခဲ့သည် ။ ကျွန်တော့်ကို မမြင် ။ကျွန်တော် ပြောသည်ကို မကြားဘဲ ငိုမြဲသာ ငိုနေလေသည် ။" ငယ်လေး ဘာလို့ ငိုနေတာလဲ ငယ်လေး ကိုယ့်ကိုပြောပြလေ ဘာလို့ ငိုနေတာလဲဆိုတာ ငယ်လေး "
ပြန်ဖြေခြင်းမရှိ ငိုမြဲငိုနေခဲ့သည် ။ အဖော်မဲ့အခန်းငယ်ထဲ အထီးကျန်စွာ ငိုကြွေးနေခဲ့သည် ။
ချွေးများဖြင့်စိုရွှဲကာ လန့်နိုးလာခဲ့သည် ။ စိုးထိတ်မှုကား စိတ်အစဉ်ကို ကြီးစိုးသွားခဲ့သည် ။ ထိတ်လန့်မှုနှင့်အတူ ဝမ်းနည်းမှုကား ကပ်ပါလာခဲ့သည် ။ တုန်ရီနေသောခြေလှမ်းများဖြင့် အခန်းပြတင်းဆီ ဖြည်းညင်းစွာ လျှောက်လှမ်းလာခဲ့သည် ။တကယ်ဖြစ်နေတဲ့အတိုင်း အပြင်မှာ တကယ်ဖြစ်နေသည့်အတိုင်းပင် ။ ဝမ်းနည်းပက်လက် ငိုကြွေးနေသော ငယ်လေး၏ပုံရိပ်ကား ယခုထိ မျက်ဝန်းထဲမှ မထွက် ။ ထိုသို့ အမှန်တကယ်ဖြစ်လာမည်ကို ကျွန်တော်ကြောက်သည် ။ ငယ်လေးငိုနေတဲ့ပုံရိပ်ကို မြင်ရမည်ကို ကျွန်တော်ကြောက်သည် ။
ယခင်နေ့များထက် ပို၍ ငယ်လေးနားကို ကပ်တွယ်မည် ။
ယခင်ကထက် ပို၍ ငယ်လေးကို ပျော်ရွှင်အောင် ထားမည် ။
ယခင်ကထက်ပို၍ ငယ်လေး စိတ်ချမ်းသာအောင် ထားမည် ။ထိုစဉ် ကောင်းကင်ထက်မှ ကြယ်လေးတစ်ပွင့် ကြွေဆင်းသွားခဲ့သည် ။
ကြယ်ကြွေသည်ကို မြင်လိုက်ရသည့် ကောင်လေးက" ကြယ်ကြွေချိန်တွင် ဆုတောင်းလျှင် ဆုတောင်းများ ပြည့်မည်ဆိုပါက ကျွန်တော်ချစ်ရသူအား ဝမ်းနည်းခြင်း ပူလောင်ခြင်းမှ ထာဝရ ကင်းစေကာ အမြဲ ပျော်ရွှင်နေရပါစေ "
........................
" အမေ သား ကျောင်းသွားတော့မယ် "
" တီဗီခုံနားမှာ ထမင်းချိုင့်တင်ထားတယ် "
" ဟုတ် "
ညက အိပ်မက်ကို စိတ်ထဲစွဲနေ၍ ငယ်လေးကို အမြန်တွေ့ချင်လွန်းလှပြီ ။ထို့ကြောင့်ပင် ထမင်းချိုင့်ယူပြီး ကားဂိတ်သို့ အမြန်သွားမည်အပြု တီဗီမှ လာနေသည့် သတင်းကား......
YOU ARE READING
ကြွေပန်း(Unicode+Zawgi)
Randomအချစ်ရဆုံးသော တစ်ပွင့်တည်းသော ပန်းလေးအတွက်သာ လေပြေဖြစ်ခဲ့တဲ့ ကျွန်တော်ဟာ အဲ့ဒီပန်းလေးကြောင့်ဘဲ လေပွေဖြစ်သွားခဲ့တာ.......🌪️🌪️🌪️ _____________ အခ်စ္ရဆုံးေသာ တစ္ပြင့္တည္းေသာ ပန္းေလးအတြက္သာ ေလေျပျဖစ္ခဲ့တဲ့ ကၽြန္ေတာ္ဟာ အဲ့ဒီပန္းေလးေၾကာင့္ဘဲ ေလေပြျဖစ...