ခေါင်းပေါ်ရှိလက်များယုတ်သွားခိုက် ကျွန်တော်သည်လည်း ကိုခွန်းစစ်ရင်ခွင်ထဲသို့ ရောက်ရှိသွားလေသည် ။
ကိုခွန်းစစ်ရဲ့ ကိုယ်သင်းနံ့သင်းသင်းလေးကား ကျွန်တော့်ကို မိန်းမောစေသည် ။
" ဪ ဒါနဲ့ Morning kiss "
" အာ့တာ....အာ့တာက "
" ဘာလဲ မပေးချင်ဘူးလား "
ရင်ခွင်ထဲမှ ဆွဲထုတ်၍ ကလေးတစ်ယောက် မုန့်တောင်းသလို တောင်းလာသည် ။ မျက်မှောင်လေးကုပ်ပြီး အသနားခံနေတဲ့ပုံလေးက ချစ်စရာ ။ ကိုခွန်းစစ်က ဒီလိုလည်း လုပ်တတ်တာဘဲလား ။
ရှက်ရှက်ဖြင့် ဘာစကားမှ ထပ်မဆိုဘဲ နှုတ်ခမ်းတို့အား ထပ်တူကျစေရန် ခြေဖျားထောက်လိုက်သည် ။ သို့သော်
ကျွန်တော် အခုထိ မျက်နှာမသစ်ရသေး သွားလည်း မတိုက်ရသေးပေ။ဒီလောက် ညစ်ပတ်နေသည်ကို ။ အားနာသောကြောင့် နောက်သို့ တွန့်ဆုတ်မိသော်လည်း.......
ခေါင်းအားထိန်းကိုင်လာသော လက်တစ်ဖက် ။ ကျွန်တော့်နှုတ်ခမ်းတစ်စုံမှ နူးညံ့မှုအား ခံစားလိုက်ရသည် ။
" မရွံ့ဘူးလား သွားမတိုက်ရသေးဘူး "
" အာ ရွံတာ ညစ်ပတ်တဲ့ခွေးပေါက်လေး သစ်တော့ "
" ဟွင့် သူဘဲ လာနမ်းပြီးတော့ "
မကြားရုံ တိုးတိုးလေးပြောမိသည် ။ ရေချိုးခန်းထဲသို့ အခုမှ ဝင်ရတော့မည် ။
မျက်နှာထက် အပြုံးပန်းကြီးက ထိန်းမရ ။
ကိုခွန်းစစ်ဆိုသော လူသားကား ကျွန်တော့်ကို ရင်ခုန်ခြင်းများပေးပြီး ထွက်ခွာသွားလေပြီ ။
ကျွန်တော်သည်သာ ဂယောက်ဂယက်ဖြစ်နေသော ရင်ခုန်သံများနှင့် ကျန်ခဲ့ရသည် ။
ကိုခွန်းစစ်ကားသံကြားသည်နှင့် အဝတ်အစားလဲကာ အပြင်ထွက်ရန် ပြင်ရသည် ။ လိုအပ်သည်များ ဝယ်ရမည်လေ ။ ရှပ်အကျီလက်ရှည်အနက် နှင့် ဂျင်းဘောင်းဘီအနက်အား ဝတ်ဆင်လိုက်သည် ။
Mask အနက် နဲ့ ဦးထုပ်အနက်ပါ ဆောင်းလိုက်သောအခါ နဂိုကတည်းက လူကောင်သေးသောကြောင့် အဝတ်ပုံလိုလို ဖြစ်သွားသည် ။
ကိုခွန်းစစ်တောင် မှတ်မိမှာ မဟုတ်ဘူး ။ မှန်ထဲရှိ ကိုယ့်ပုံကိုယ် ကြည့်၍အကျေနပ်ကြီး ကျေနပ်နေမိသည် ။
YOU ARE READING
ကြွေပန်း(Unicode+Zawgi)
Randomအချစ်ရဆုံးသော တစ်ပွင့်တည်းသော ပန်းလေးအတွက်သာ လေပြေဖြစ်ခဲ့တဲ့ ကျွန်တော်ဟာ အဲ့ဒီပန်းလေးကြောင့်ဘဲ လေပွေဖြစ်သွားခဲ့တာ.......🌪️🌪️🌪️ _____________ အခ်စ္ရဆုံးေသာ တစ္ပြင့္တည္းေသာ ပန္းေလးအတြက္သာ ေလေျပျဖစ္ခဲ့တဲ့ ကၽြန္ေတာ္ဟာ အဲ့ဒီပန္းေလးေၾကာင့္ဘဲ ေလေပြျဖစ...
Part(13)
Start from the beginning
