ထိုက် ရဲ့လက်ကလေးကိုကိုင်ရင်း ငိုမိတော့ ထိုက် ရဲ့ ကျန်လက်တစ်ဖက်ဟာ ဘုန်းစစ်ရဲ့ပါးပေါ်သို့ အတုန်တုန်အယင်ယင်နဲ့ရောက်လာလေသည်။
" ကျွန်တော် ဘာမှမဖြစ်ဘူးလေ ကိုကိုမငိုပါနဲ့ "
ဟု စကားပြောသံလေးထွက်လာတာမို့ ဘုန်းစစ် လည်းမျက်ရည်တွေကိုသုတ်ကာ ထိုက် ကိုပြုံး၍ကြည့်လာသည်။
" မငိုပါဘူး ကိုကို ကသန်မာတယ်လေ ထိုက် လည်းသိတာပဲ "
ဟင့်အင်း ။ ကိုကို သန်မာချင်ယောင်ဆောင်နေတာ ၊ အခြားလူတွေမသိရင်တောင် ကျွန်တော်ကသိတာမို့ ။
သူသိပ်သိတာပေါ့ ။ အမြဲတမ်း သူတစ်ပါးကိုအမိန့်ပေးစေခိုင်းေနနိုင်တဲ့ ကုမ္ပဏီ ပိုင်ရှင်တစ်ဦးအနေနဲ့ အပြင်ပန်းမှာ ဘယ်လောက်ပဲမာကျောချင်ယောင်ဆောင်နေပါစေ နောက်ကွယ်မှာတော့ အမြဲတမ်းပြိုလဲနေခဲ့တာကို သူအသိဆုံးပေါ့ ။ ကိုကို လိမ်တယ် ။
" ဘယ်ကတည်းကနိုးနေတာလဲ "
" ခုနကပဲ ကိုကို ညစ်ပတ်တယ် မျက်ရည်တွေလား နှပ်တွေလား လက်ပေါ်ကျလာတာကို "
" ကိုကိုမေ့သွားတာ ပုစိက အသန့်အရမ်းကြိုက်တာကို ဟားဟား "
"လာပါဦး ကိုကို ။ ကျွန်တော်ဖက်ထားချင်လို့ "
ထိုက်ရဲ့လက်တို့သည် ဘုန်းစစ် ဆီသို့ ဖြည်းဖြည်းချင်း ကမ်းလာခဲ့သည်။
ဘုန်းစစ် ထိုက် ရဲ့ဘေးတွင် ဝင်လှဲလိုက်တော့ ထိုက် က ဘုန်းစစ်ကိုဖက်ထားသည်။ တင်းကြပ်သည်ထက်ပို၍တင်းကြပ်စွာ ဖက်ထားသည်။
လွတ်ထွက်သွားတော့မည့် ပုံရိပ်တစ်ခုပြေးထွက်သွားမှာဆိုးတာကြောင့် အတင်းမရမက ဆွဲဖက်ထားတဲ့ပုံစံမျိုးပင် ။
" ကိုကို အသက်ရှူကြပ်နေပြီ ဖြည်းဖြည်း "
"ဟီး "
ဘုန်းစစ် ကပြောလိုက်မှ ထိုက် ကသွားလေးတွေဖြီး၍ ရယ်ပြလာသည်။ ထို့နောက် ထိုက် လည်းဘုန်းစစ်ကိုဖက်ထားရင်းနဲ့မှ အိပ်ပျော်သွားလေသည်။
ကျဉ်းမြောင်းသော တစ်ယောက်အိပ်ကုတင်ပေါ်တွင် ကောင်လေး၂ယောက်ဟာ မျှော်လင့်ချက်တွေနဲ့ အတူတူ လဲလျောင်းခဲ့ကြသည်။
YOU ARE READING
လှောင်အိမ်ငယ်/ေလွာင္အိမ္ငယ္ { Completed }
Romanceပိုချစ်မိတဲ့သူကအရှုံးတဲ့ ။ ကျွန်တော်ကပိုချစ်ပေမယ့် ဘယ်တော့မှမရှုံးစေရဘူး ကိုကို....။ ပိုခ်စ္မိတဲ့သူကအရႈံးတဲ့ ။ ကြၽန္ေတာ္ကပိုခ်စ္ေပမယ့္ ဘယ္ေတာ့မွမရႈံးေစရဘူး ကိုကို....။ start date 1.12.2020 end date 24.1.2021 #VeraVicki2619
Episode - 26 (Z+U)
Start from the beginning