မကြာလိုက်ပါ အခန်းအပေါက်၀တင်ရပ်ကာ
"၀င်ခွင့်ပြုပါ ခင်ဗျ"
ဆိုတဲ့ အသံကြောင့် တစ်တန်းလုံး အကြည့်က ထိုတစ်ယောက်ဆီသို့။ကျောင်းသားသစ်တော့ ဆူခံရမှာသေချာပြီလို့ အားလုံးကတွက်ပြီးသားမို့ သူ့ကို သနားသလိုကြည့်နေကြသည်။
အချိန်ဇယားကိုသာ အသည်းသန် ကူးနေသော ကျွန်တော်က ဆရာမရဲ့ အော်လိုက်သံကြားမှ လှမ်းကြည့်မိတော့ ကျောင်းပေါက်မှာတွေ့ခဲ့တဲ့ ဂျစ်တိုက်နေတဲ့ကျောင်းသား။
သူကသော်တာယံ့ဘေးခုံမှာ၀င်ထိုင်လိုက်ပြီး ခပ်ကုပ်ကုပ်လေးသာ နေသည်မို့ ခေါင်းအသာရမ်းရင်း စိတ်မကောင်းဖြစ်မိသေးတယ်။
နောက်ရက်တွေ သတိထားကြည့်မိတော့ ကျောင်းကိုအမြဲတမ်းစောရောက်နေတတ်တဲ့ နှောင်းရိပ်မာန်ဆိုတဲ့ ကျောင်းသားသစ်လေး။
သူ့ကိုတွေ့လိုက်တိုင်း အမြဲ မရွှင်မပြ ဖြစ်နေတာကို သတိထားမိသည်။
သူကလည်း ဆရာမတွေဆီက မကြာခဏဆူခံရတတ်ပြီး ဒီကျောင်းက ထွက်ပြေးချင်စိတ်ပေါက်နေဟန်။
ကျွန်တော်ပြောခဲ့ပါရောလား ကျွန်တော်တို့ကျောင်းမှာ စည်းကမ်းချက်ထဲမပါပေမယ့် လိုက်နာနေရတဲ့ အရာတွေရှိတယ်လို့။
သူ့လို အသစ်လေးတစ်ယောက်အတွက်တော့ သတိမထားမိခင်မှာပဲ အပြစ်ကျူးလွန်မိနေတာပေါ့။
သူ့ကိုသတိထားမိပေမယ့် သူနဲ့ရင်းနှီးအောင်တော့ မကြိုးစားမိခဲ့။
ကျွန်တော်ကိုယ်တိုင်ကလည်း လူတွေနဲ့ အရောတ၀င်နေရတာ သိပ်သဘောမကျ။ အတန်းထဲကလူတွေနဲ့လည်း ခပ်တန်းတန်းသာ ဆက်ဆံဖြစ်သည်။
ပထမဆုံးလပတ်စာမေးပွဲဖြေတော့ ကျွန်တော့်အဆင့်ကပုံမှန်အတိုင်းထိပ်ပိုင်း မှာရှိနေမြဲ။ ကျောင်းသားသစ် အခြေအနေကို သိချင်တာမို့ စပ်စုကြည့်တော့ အဆင့်နောက်ဆုံးကရေရင် ဒုတိယတဲ့။
သူက အရင်ကျောင်းတုန်းက ခရိုင်အဆင့်တွေတောင်ဆုရဖူးတဲ့ ထိပ်တန်းကျောင်းသားဆို အခုတော့ ဘယ်လိုဖြစ်တာပါလိမ့်လို့တွေးမိသည်။
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romanceစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...
နှောင်ကြိုးတစ်စ
Start from the beginning