#Aríya

Chapter 10:Action Man

Bloomy's POV

Pagpasok namin sa bahay nadatnan namin ang isang matanda. Nakatalikod ito samin habang nakatanaw sa bukas na bintana. I think she's already 60+.

"Apung Ruby! Apo! Apo!" Masiglang tawag ni Princess at nagmano sa matanda. Kaya gumaya na rin kami. "Apo atin naku pung pasibayung ati. I Ati Bubbles ampo'y Ati Bloomy! Mangalagu lang kalupa ku ne apo?" sabi ni Princess sa matanda na hindi naman namin naintindihan ni Bubbles.

Mataman naman kaming tiningnan ng matanda at pilit na ngumiti sa bata. "Awa apu ko! Mangalagu la pin. Paluklukan mo pa."

"Mga Ate upo na daw kayo sabi ni Apung Ruby." Umupo naman kami ni Bubbles sa mahabang sofa. "Apo I Ingkung Jimmy? Bisa kung pung gatas damulag."

"Aru'y ing apu ko! Meko ne. Tsu ne keng sapa kanyan. Pantunan me I koya mung Buknoy baka tsu kusina. Pakwa na kamu kaya." Sagot sa kanya ng matanda.

"Yehey!" Masiglang sabi ng bata at nagtatalon.

Sumabog muli ang hindi kaaya-ayang amoy.

"Aliwa yaku ita Apo." Nagtatakbo na ang bata matapos ulit magpasabog ng lagim. Naiwan kaming natatawa at nilakasan pa ni Apung Ruby ang buga ng bentilador.

Maya-maya bigla na lang sumulpot si Ate Eris habang nagkukwento si Kuya Buknoy ng kanyang trabaho. He is Delivery Manager at Tocino Pampanga.

"Sabi na, nandito kayo! Alalang-alala na ang nanay ng batang iyan." Bilang nito kay Princess na ngiting-ngiti lang sa isang tabi.

"Ninang Ganda, bawal mad. Dapat happy lang! May nagpapabigay nito sayo o! Ayiiie!" Tukso nito pagkatapos iabot ang pinapitas niya sa aming rosas kanina.

"Kanino naman galing ito?" tanong ni Ate Eris.

Tinuro ni Princess ang nanahimik na si Kuya Buknoy. Nagulat ito at namumulang umiling.

Napangiti lang si Ate Eris at inamoy ang rosas. Ngunit nag-alala kami sa kanya dahil napakapit ito sa ulo niya na parang sumasakit.

"Ninang Ganda masakit ulit? Hindi ba kagabi nung pinindot-pindot ko nawala iyong sakit? Halika pindot ko ulit," sabi ng bata.

Marahil masahe iyong pindot na sinasabi niya? Bakit parang namumutla rin si Ate Eris?

"Namumutla ka Sire. Hatid na kita sa inyo," singit ni Kuya Buknoy.

"Naku huwag na, Buknoy. Samahan mo dito si Apung Ruby. Ipapahinga ko lang ito. Tara na Princess at kayong dalawa, uwi na tayo." Anyaya sa amin ng namumutlang si Ate Eris.

"Ninang Ganda hintayin ko po si Idol. Darating daw po siya sabi ni Apung Ruby. Dito po muna ako." Pakiusap ni Princess sa kanyang ninang. Kinurap-kurap pa nito ng bongga ang kanyang mga mata at kulang na lang ay lumuhod sa harapan nito.

"Oo, Sire. Dito muna sila. Inimbitahan din sila ng Nanay para makisalo sa amin sa tanghalian." Singit ni Kuya Buknoy na namumula.

"Sige. Bubbles okay lang ba na hatid mo muna ako saglit? Balikan mo na lang sila dito pagkatapos." Pumayag naman si Bubbles sa paki-usap ni Ate Eris.

Nalaman kong matalik na magkaibigan sina Kuya Buknoy at Ate Eris simula pa noong kabataan nila. Kaya pala Sire ang tawag ni Kuya. Sire binaliktad lang ang Eris.

Malapit na kaming matapos sa tanghalian nang dumating ang inaabangan na bisita ng mag-anak. Si Gobernador Uno De Jesus. May dala itong isang bilao ng pancit, mga prutas, mga gamot at kung anu-ano pa.

Nanatili ito sa bahay ng mga Castillo marahil mga dalawang oras. Kinumusta niya ang mag-anak na hanggang ngayon nangungulila sa hindi makitang anak. Umaasa ang mga ito na sana isang araw makapiling pa nila ang nag-iisa nilang anak na babae. Isa-isa namang binanggit ng gobernador ang mga ginagawang nilang hakbang at masusing pagsuyod sa buong sulok ng lalawigan.