Stare at the Window and Rhyme

Tanong Sa Pag-Alis Mo

Sinabi mong aalis ka

At ika'y nagpapaalam

Sabi ko, "Ano ngayon?

Wala akong pakialam!"

Sabi mo ito ang dapat

Kahit sa puso'y may kirot

Sabi ko, "Sige lang,

hindi ako malulungkot."

Sabi mo mahal mo ko

At mahirap to para sa yo

Sabi ko, "Wala lang yan.

Malilimutan mo rin ako."

Hindi ka na tumugon

At tuluyan nang umalis

Nagawa ko pang isigaw

"Wag ka nang magbabalik!"

Ngunit kahit pilitin ko

Na ika'y kasuklaman 

Tamis ng yong ngiti

Di ko pa rin malimutan

Kung sinabi ko ang totoo

At ika'y nagawang pigilan

Yakapin mo kaya ako

At hindi na lumisan?

MLS 11-08-06