အပေါ်ထပ်ရေတံခွန်သို့ရောက်သောအခါ မျိုး မြင့်နဲ့ ဟိန်းထက်တို့ကရေထဲတောင်ဆင်းပြီးနေပြီ ။ မင်းမခ က ကန်ဘောင် ပေါ်တွင် ထိုင်လျက် ခြေထောက် ရေစိမ်ရင်း တသွင်သွင် စီးကျနေသောရေတံခွန်ကို ငေးမော ကြည့် နေဆဲ။
''မြန်မြန် လာကြ ဟေ့ ရေထဲကို ''
မျိုး မြင့်နဲ့ ဟိန်းထက်တို့ကရေကစားရန် အားရပါးရ လက် ယက် ခေါ်နေသည်။
''ကလေးတွေ ဂူပေါက်ရှေ့ က
ရေအလယ်ကောင် ထဲကို မသွားကြနဲ့နော်။ ဝဲရှိတယ် တဲ့နော် ဒေသခံက သတိပေးလိုက်တယ်။ အန္တရာယ် များတယ် ။ အထူး သဖြင့် ရေမကူး တတ်သူတွေ သတိထား ရေဆော့ကြ''
ဟေမာန် ကအကြီးတစ်ယောက်ပီပီ အငယ်များကို အန္တရာယ်မဖြစ်စေရန် အော်ပြော ကာ သတိပေးနေရသည်။ တောကြီး မျက်မဲ ထဲ လာပြီး တစ်ခုဖြစ်လျှင် ရတက်မအေး ဖြစ်ချေမည်။
နေရဲမာန် ကတော့ ရေတံခွန်တွင် ရေဆော့ရတာ မကြိုက်သောကြောင့တစ်ယောက်တည်း သီးသန့်နေကာ အနီးအနား ပတ်ကြည့်နေလိုက်သည်။
နေရဲမာန် အပေါ်ကနေ လှမ်းကြည့် လိုက်တော့ မိန်းကလေးများနဲ့သူ့ဘော်ဒါများက ရေထဲတွင် တစ်ယောက်နဲ့တစ်ယောက် ရေပက် ကာ ကစားနေလျက်။
ကန်ဘောင်ပေါ်တွင် ထိုင်နေသော မင်းမခ
လည်း ခြေထောက်ကို ဒူး အထိ ရေစိမ်လျက် သူတို့နဲ့အတူ ပြုံး ရွှင်စွာ ရေပက်တမ်းကစားနေလျက်။
ထိုကောင်လေး နေရဲမာန် ကို မြင်သော အခါ
ပြုံး ပြပြီး ရေကစားရန် လက်ယပ်ခေါ်လိုက်သည်မှာ ကလေး လေး တစ်ယောက်လိုပင်။
နေရဲမာန် ''တော်ပြီ''ဆိုသောပုံစံဖြင့် ခေါင်းကို တစ်ချက် ခါပြလိုက်သည်။ ထို ကောင်လေးကတော့ သူကို သွားတန်းလေးများ ပေါ်အောင် ပြုံး ပြပြီး ရေဆက်ကစားနေသည်။
"ဒီ ကောင်လေး တော်တော် ပျော်နေပါလား ?"
တစ်ယောက်တည်း ပြောပြီး ပတ်ဝန်းကျင် ကို လှည့်ပတ်ကြည့် ပြီး ဖုန်းဖြင့် ဓာတ်ပုံရိုက် မှတ်တမ်းတင်နေလိုက်သည်။
အခြားသူများ ဂူထဲတွင် ရေငုပ်တမ်း ကစားနေသည် ကို ကြည့်နေသော ထိုကောင်လေးကိုနေရဲမာန် အပေါ်ကနေ သူ့phone camera
ဖြင့် တဖျပ်ဖျပ်ရိုက်နေသည်။
YOU ARE READING
နှလုံးသားထက်က လက်တစ်စုံ (Completed)
Romance# Unicode မမျှော်လင့်သောအချိန် . . . မထင်မှတ်ထားသောအရာတစ်ခု . . .❤at first sight or not? #Zawgyi မေမ်ွာ္လင့္ေသာအခ်ိန္ . . . မထင္မွတ္ထားေသာအရာတစ္ခု . . .❤at first sight or not? "You may hold my hand for a while but you belong to my heart forever"
