နေရဲမာန်တစ်ယောက် စာသင်ခန်းထဲတွင် ကျောင်း စတက်ကတည်းက ဘောပင် ကို စားပွဲနှင့် တတောက်တောက်ခေါက်လိုက်။
စာရွက် ဟိုလှန် ဒီလှန်လိုက် စာရွက်ပေါ် တောင်ခြစ်မြောက်ခြစ်လုပ်လိုက် လက်မှပတ်ထားသောနာရီကို ကြည့်လိုက်ဖြင့် စိတ်မပါစွာ lecture ကို နားထောင်နေရသည်။
အရှေ့က ကထိကဆရာမ ဘာတွေရှင်းပြနေသည်ကို မသိ။ တစ်လုံးမှနားမဝင်။ သူအဖို့ နေ့လည်စာကျောင်းဆင်းချိန်ကို သာ ကြိတ်မျှော်နေသည်။
ကြာတော့ ဘေးက ထိုင်နေသော သူ့ငယ်ပေါင်းဖော် ဘော်ဒါ နှစ်ယောက် က သူအား ကြည့်မရ။ တလှုပ်လှုပ်တရွရွဖြင့် ။
ရှေ့က ဆရာမ၏အရိပ်အကဲကြည့်၍ မျိုးမြင့် က မာန်လက်မောင်းအား တံတောင်ဆစ်ဖြင့် ထိုးပြီး
''ဟဲ့ကောင် သားကြီး မင်းဒီနေ့ဘာတွေ လောနေတာလဲ ။ နာရီကြည့်နေတာလည်း အကြိမ်ပေါင်း မနည်းတော့ဘူး။ ဂနာကို မငြိမ်ဘူး ဘယ်စော်နဲ့ ချိန်းထားတာလဲ ?''
ဟု ဝင်စပ်စု မေးလိုက်ရာ
'မင်း အဘ အားအားရှိ ဒီစော်ဘဲပြောနေတာ စော ကိစ္စခေါက်ထားတယ်။ ''
မာန်တစ်ယောက် မျက်မှောင်ကြုတ်ကာ
ဘု ကလန့် ဖြေလေသည်။
ထိုစဉ် ဟိန်းထက်က သူတပ်ထားသော မျက်မှန်ဝိုင်း ကြီး အောက်မှ မယုံသင်္ကာမျက်လုံးများဖြင့်မာန်ဘက်သို့ ပြူးကြည့်ပြီး
"အဟက် စော် မရှိ ရင်မနေနိုင်တဲ့ ကောင် က အခု ကျ အာဒါကို ခေါက်ထားတယ်ဆိုတော့
ကြားသားမိုးကြိုး ပါလား။ မင်းနဲ့ ငါတို့ က ငယ်စဉ် ကတည်းက လည်ပင်းဖက်ပေါင်းလာတဲ့သူတွေပါကွာ။ မင်း အကြောင်းကိုသိတာ နှောကြေနေပြီ။လာရွှီးမနေနဲ့ ။ အတန်းတက်ကတည်းက ဂနာကို မငြိမ်တာကို ကြည့်တော့ကွာ "
မျိုးမြင့်နှင့် ဟိန်းထက် အတိုင်အဖောက်ညီကာ နေရဲမာန်အား ဖဲ့ပြော ကာ ခွီနေကြလေသည်။
"မင်း အမေ ငါတို့်ကို မျက်ထောင့်နီနှင့် ကြည့်နေပြီ တော်တော့ ။ စပ်စုလိုက်တာ လွန်းရော။ မင်းတို့ပြောမှ ငါကဘဲ စောတစ်ပွေနဲ့ လမ်းသလားနေတဲ့ သူလိုလို . . .ဘာကောင်တွေမှန်းကို မသိဘူး ''
YOU ARE READING
နှလုံးသားထက်က လက်တစ်စုံ (Completed)
Romance# Unicode မမျှော်လင့်သောအချိန် . . . မထင်မှတ်ထားသောအရာတစ်ခု . . .❤at first sight or not? #Zawgyi မေမ်ွာ္လင့္ေသာအခ်ိန္ . . . မထင္မွတ္ထားေသာအရာတစ္ခု . . .❤at first sight or not? "You may hold my hand for a while but you belong to my heart forever"
