နှလုံးသားထက်က လက်တစ်စုံ (Completed)

part 4{U}

မှောင်မဲတိတ်ဆိတ်နေသော အခန်း ထဲတွင်
တစ်ခုတည်း သော ကုတင်ထက်တွင် လရောင် ဖျာကျလျက်။

''ဘုန်း"
သူ တစ်ယောက် အခန်းထဲရောက်ရောက်ချင်း အဝတ်အစားမလဲနိုင်။ မွေ့ရာထက်သို့ ခြေပစ်လက်ပစ် လဲချလိုက်သည်။

လပြည့်ည ဖြစ်သောကြောင့် ပြတင်းပေါက်မှ မြင်ရသော မဟူရာကောင်းကင်ပြင်ပေါ်ရှိ ရွှေလရောင် လပြည့်ဝန်းကို မွေ့ရာထက်မှ လက်နှစ်ဖက်ကို ခေါင်းအုံးသဖွယ် နောက်ပစ်ထားရင်း ငေးမောကြည့်နေသောသူ ။ သူဟူသော နေရဲမာန်ပင်။ သူစိတ်ထဲတွင် လပြည့်ဝန်းသည် အရင်လပြည့် ည တွေကထက် ပို ကြည့် ကောင်း၍ တင့်တယ်နေသည်ဟု မှတ်ချက်ပေးနေမိသည်။
လမင်းကြီးကို ငေးကြည့်ရာမှ မနက်က ကောင်လေး၏ မျက်နှာကို ဖျက်ခနဲ သတိရသောကြောင့် သူနှုတ်ခမ်းများ အလိုလို ပြုံးယောင်သန်းလာသည်။

*နာမည်က ခတဲ့လား . . .*တိုးတိုးလေးရေရွတ်ရင်း ခေါင်းအောက်ကာ ဖိထားသော ဘယ်ဘက် လက်ကိုထုတ်ကာ လက်ဖဝါးကို ကြည့်ရင်း မနက်က အကြောင်း ကို ပြန်လည် စဉ်းစားနေမိသည်။

နှင်းလို ဖွေးဥနေသော ခြေသလုံးသွယ်သွယ် လေးတွေ ဖြူသာဖြူသော အသားအရေ ရှိသည့် သူလိုမျိုးမဟုတ် ဖြူဖွေးကြည်လင်နေသော အသားအရေပိုင်ရှင် နေရဲမာန်ရှေ့တွင် ရပ်နေသည်။

တော်ရုံတန်ရုံဆို မခင်တတ်သော မာန်မာနကြီးသည် နေရဲမာန်တစ်ယောက် ထိုသူကို အဝေးကနေမြင်မြင်ချင်း ခင်ချင်မိသည်။ သူ့attention ရအောင် ရှေ့မှ ဖြတ်လျှောက် သော်လည်း ယောက်ကျား လေး လား
မိန်းကလေးလား မသဲကွဲ ။
ရုတ်တရက် သူလက်ကို ကိုင်လိုက်သောနူးညံ
သောအရာ။ သူချက်ချင်း ထိုအရာကို ပြန်လည်ဆုပ်ကိုင် လိုက်သည်။

ငုံကြည့် လိုက်သောအခါ ဖြူဖွေး နေပြီး နူးအိ
နေသော လက်တစ်ဖက်။ လက်ချောင်းလေး
တွေမှာလည်း သွယ်သွယ်လေးတွေနဲ့ဖြောင့်
စင်းနေသည်။လက်သည်း ခွံတိုင်းမှာလည်း သဘာဝ ပန်းသွေးရောင် သမ်းလျက်။

သူဘဝတစ်သက် ထိုသို့သော လက်ပိုင်ရှင်မျိုးကို မတွေ့ဖူးချေ။ ကိုင်ပြီးရင်း ဆက်လက်ဆုပ်ကိုင်နေချင်သော လက်တစ်စုံပင်။
ထို လက်ပိုင်ရှင်၏မျက်နှာကိုလည်း သေသေချာချာမမြင်။ သူကို တရွတ်တိုက် ကစားကွင်းသို့ ဆွဲခေါ်သွားရာ . . . .