ဒီနေ့ ညနေ တွင် နေရဲမာန်က မင်းမခဆိုင်တွင် သူ့အသိမိတ်ဆွေ တစ်ယောက်အတွက် ကိတ်မုန့်ကို သူကိုယ်တိုင် လုပ်ပေးချင်သည် ဆိုပြီးပြောလာသည့်အတွက် မင်းမခ သူ့တောင်းဆိုမှုကို လက်ခံလိုက်သည်။ မင်းမခတို့ဆိုင်တွင် Self-made Birthday Cake serviceလည်း လက်ခံသည်။
ဆိုင်က ည 7ခွဲဆို ပိတ်ပြီ။ ဆိုင်ပိတ်ချိန်တွင် ရောက်လာသော နေရဲမာန်အား မင်းမခ စိတ်တိုရသည်။ သူကတော့ sorry ဆိုသည့်စကားလုံးဖြင့် ဆင်ခြေဆင်လက်ပေးပြီး မုန့်ခန်းထဲသို့ ဝင်သွားသည်။ မင်းမခမှာတော့ အိမ်ကို ဒီနေ့ည နောက်ကျမည်ဆိုသည်ကို အသိပေးပြီး နေရဲမာန် အား ကိတ်မုန့်လုပ်နည်း သင်ရန် စတော့သည်။
အစမှာပင် မာန်တစ်ယောက် ကိတ်သားလုပ်ရန် ပထမဆုံးအဆင့်ဖြစ်သည့် ကြက်ဥအကာနဲ့ အနှစ်ခွဲသည့် အဆင့်တွေ စပြီး တိုင်ပတ်တော့သည်။
6လက်မ ကိတ်လုပ်ဖို့ ကြက်ဥ 3လုံးခွဲတာကို အကုန်လုံးကိုရောပြီး ပန်းကန်ထဲသို့ ခွဲချလိုက်သောကြောင့် ခတစ်ယောက် စိတ်မရှည်တော့ ။ နောက်ဆုံး ဇကာနဲ့ စစ်ပြီး အကာတစ်ခု အနှစ်တစ်ခု သီးသန့်ထားရသည်။
ပြီးတော့လာသေးသည်။ ကိုယ်က အခုမှ မီးဖိုချောင် ပထမဆုံးစဝင်ရတာပါ ဆိုသည့် ဆင်ခြေအပြုံးဖြင့်။
ပါဝင်ပစ္စည်းများကိုလည်း အချိုးအစားသေချာမကြည့်ဘဲ ပိုထည့်လို့ထည့် 1 နာရီထဲ လုပ်ရမည့် ကိတ်သားက 1နာရီခွဲကြာသွားပြီ
တော်သေးသည် ကိတ်သားတော့ ထွက်လာပြီ။ Decodation အတွက် topping cream ရိုက်ရမည်။ ကိတ်သားကို Cream များဖြင့် ပတ်သည့်အခါတွင်လည်း Cream ပတ်သည့်ဓါး(Spatula)ဖြင့် Topping cream ကို ဘယ်လို ပတ်ရန်ပြသည်။ ကိုယ်တော်ချောကို လက်တွေ့လုပ်ခိုင်းတော့ သူမှာ ပတ်နေတာ မပြီးနိုင် မစီးနိုင် Turnable Stand ကြီးသာ အကြိမ်တစ်ရာမက လည်နေသည်။ သူမှာတော့ ပတ်ထားသည့် Cream တွေက ပုံပျက်ပန်းပျက်။
ကြာတော့ မင်းမခရဲ့ စိတ်ရှည်မှု level ကဂိတ်ဆုံးမည်။ သူကိုယ်တိုင် ဝင်ပတ်ပေးလိုက်တော့သည်။ ကိတ်ကို အလှဆင်တော့လည်း ကိုယ်တော်ချောက Cake Nozzle Set တွေတောင် မသုံးတော့ဘဲ တစ်ခါတည်း Spatula ဖြင့် အလှဆင်လိုက်သည်။
YOU ARE READING
နှလုံးသားထက်က လက်တစ်စုံ (Completed)
Romance# Unicode မမျှော်လင့်သောအချိန် . . . မထင်မှတ်ထားသောအရာတစ်ခု . . .❤at first sight or not? #Zawgyi မေမ်ွာ္လင့္ေသာအခ်ိန္ . . . မထင္မွတ္ထားေသာအရာတစ္ခု . . .❤at first sight or not? "You may hold my hand for a while but you belong to my heart forever"
