မေလေးနဲ့မြလေးနှစ်ယောက်ကမူ God level fujoshi သမားများပီပီ နေရဲမာန် ခအပေါ်မာန်ရဲ့ထူးခြားသော အကြည့်များ လုပ်ရပ်များ ကို ကြည့်မိရုံနဲ့ ဂရုပြု မိရုံသာမက မာန် ခအား စိတ်ဝင်စားနေပြီဆိုတာ အရိပ်ပြ အကောင်မြင် ဆိုသလို အကင်းပါးသည်မှာလည်း စုံထောက်များလိုပင်။
''ငါတို့သူငယ်ချင်းလေး နောက်ဆုံးတော့ စွန်းသွားပြီ ''
မေလေး ပျားသကာရည် လောင်းထားသောမျက်နှာမျိုးဖြင့် မင်းမခ အား ကြည့်ပြီးပြောလိုက်သည်။
မင်းမခကတော့ 'ဘာတုန်းဟ ' မသိနားမလည် အူကြောင်ကြောင် ပုံစံ လေးဖြင့်။ထိုစဉ် မြလေးက
''ငါတို့ခလေး ကံကောင်းတာ။ cele ကြီးက အရင် လာ add ရတာနဲ့။ ပါးစပ်ကိုယ်တိုင်သုတ်ပေးလိုက်ရတာနဲ့။ မင်းမခတို့များလျှိုးတာ ။ သူငယ်ချင်းအရင်းကြီးတွေတောင် မပြောဘူး။ ဒါမျိုးကျ ပါးစပ်ကိုလုံလို့. . .''
''မင်းမခ နင်ပြောတော့ ဟိုကချေ တယ်ဆို ။ စကားပြောကြည့်တာ နင်ထက် ခင်ဖို့ကောင်းတယ် သိလား။ နင်ကသာ သူ့ထက် အချေစတိုင်ရုပ်။ဟွန့်။ ငါတို့ကို သူ့အကြောင်းတစ်ခွန်းမှ မဟဘူး''
အတန်းထဲသို့သွားသော လမ်းတစ်လျှောက်တွင် မေလေးနှင့် မြလေးတို့ရဲ့တစ်ယောက်တစ်ပေါက် မကျေမနပ် ပေါက်ပေါက်ဖောက်ချက်များ ကို နှစ်ယောက်ကြားထဲရှိ မင်းမခ နားထောင်နေရသည်မှာ ကြာလျှင် လူလည်း လုံးပါးပါးတော့မည်။
''တော်ပါတော့ မယ်မင်းကြီးမတို့ရေ။ ဘယ့်နှယ်။ ကိုယ့်သူငယ်ချင်းအရင်းခေါက်ကြီးကိုကျ အကောင်းမမြင်ဘဲ ဒီနေ့တစ်နေ့မှ ရောက်လာတဲ့ ဟိုကိုတော်ချောကျ အကောင်းမြင်တာမှ တစ်ဖက်ကမ်းကို လွန်းနေတာဘဲ။
ငါတို့နှစ်ယောက် သိတာမကြာသေးဘူး။ နင်တို့ကို ဘယ်တုန်းကများ လျှို့ဝှက်ဖူးလို့လဲ။ သူကို ဟို အရင်တစ်ပတ် accident ဖြစ်တဲ့နေ့ကတည်းက တွေ့တာ ဒီနေ့ထိဘဲ။''
မင်းမခ မဲနက်နေသော မျက်ခုံးတန်းနှစ်ခု
ထိလု မတတ် မျက်မှောင်ကြုတ်ကာ မကျေ နပ် သံဖြင့် ပြန်ပြောနေရုံသာမက လမ်းပေါ်ကပြန့်ကြဲနေသောအပြစ်မရှိသည့် သက်မဲ့ဖြစ်သော သစ်ရွက်ခြောက်များကိုပင််လမ်းလျှောက်ရင်းခြေဖြင့်ကန်နေသည်မှာ စိတ်ကောက် နေသည့် ကလေးလေးတစ်ယောက်လိုပင်။
YOU ARE READING
နှလုံးသားထက်က လက်တစ်စုံ (Completed)
Romance# Unicode မမျှော်လင့်သောအချိန် . . . မထင်မှတ်ထားသောအရာတစ်ခု . . .❤at first sight or not? #Zawgyi မေမ်ွာ္လင့္ေသာအခ်ိန္ . . . မထင္မွတ္ထားေသာအရာတစ္ခု . . .❤at first sight or not? "You may hold my hand for a while but you belong to my heart forever"
