Wicked Escape (COMPLETED)

EXECUTING THE PLAN

Anya's POV

"You need to make it up to me, dad. You ruined my love life." Kahit kumakain ay iyon ang talagang argumento ko kay daddy.

Parang hindi naman niya ako pansin. He is just staring at his newspaper. Tumingin ako kay mommy at nagkibit-balikat lang siya. My younger brother Luke is busy playing with his tablet.

"Dad. Hindi mo ba naririnig ang sinasabi ko?" Talagang walang pakielam si daddy sa mga sintemyento ko. "I said -"

"I heard you. Kahapon ka pa nagmamaktol na sinira ko ang lovelife mo," sagot niya at tiniklop ang hawak na diyaryo tapos ay humigop sa soup na nasa harap niya. "Kamusta ang additional securities na ni-request ko from Circuit Agency?" Si Joel ang binalingan niya. Tiningnan ko lang ito ng masama. Ito ang buwisit na tumutok ng baril kay Benj.

"Naka-poste na sila, Sir. 'Yung isa on the way na as per your request." Sagot nito.

"Good." Tanging sagot nito at ipinagpatuloy ang pagkain.

"Dad, please. I can't live like this. Wala na akong privacy. I am getting old." Gusto ko ng umiyak sa harap ni daddy.

Huminga ng malalim si daddy.

"Iha, I hope you understand that you are not just an ordinary woman. You are my daughter and I care for you. I care for your safety. Hindi ko mapapatawad ang sarili ko kung may masamang mangyari sa iyo," lumambot ang itsura ni daddy.

"But what you're doing is too much! This is killing me. I just want my freedom, dad. I just want to be normal like my friends. Like those people outside." Paliwanag mo sa kanya.

"Antonia, this is for your own good. We are not going to argue about this anymore. Alright? You'll live with your bodyguards whether you like it or not." Daddy's voice becomes firm. Kahit si mommy ay wala ng masabi.

Alam kong wala na akong magagawa dito kaya napailing na lang ako napahinga ng malalim.

"Fine. I'll go out later with Emma." Sabi ko at padabog akong kumain.

"Why don't you just invite her here? Mas maganda dito. Relaxing." I know what dad is doing. Mas gusto niyang si Emma ang pumunta dito para hindi na ako lumabas.

"Oh my god, daddy. Ayaw mo pa rin ba akong palabasin? I'll have securities anywhere I go. Kulang na nga lang hanggang cr kasama ko sila."

Nagkibit ito ng balikat. "Fine, alright. Enjoy later, honey." Sabi nito. "Joel and his team will go with you."

Tiningnan ko si Joel at lalo akong nainis ng makita kong ngi-ngiti-ngiti lang siya na parang nang-iinis.

"I don't want him. He hurt Benj. Iba na lang. Kahit na sinong security detail mo but not him." Inis na sabi ko.

"But he is my most trusted aide. Hindi ka niya pababayaan."

Ang tigas ng iling ko. "I don't want him. Pagbigyan mo naman ako ngayon." Inilayo ang plato sa harap ko kahit hindi pa ako tapos kumain. Parang nawalan na ako ng gana ng mapatingin uli ako sa lugar ni Joel. Inis ko siyang inirapan.

Napailing si dad at bumaling kay Joel. "Ikaw na ang bahalang magposte ng security niya. Pagbibigyan ko ngayon na hindi ikaw ang kasama."

Halatang pinipigil ni Joel ang tawa niya. "Okay, Sir. Ako na ang bahala."

Gusto kong sumigaw. I really hate this life.

-----------

"How am I going to escape from these assholes?"

Inis na tiningnan ko ang apat na bodyguards ko na nakasunod sa amin ni Emma habang nag-iikot kami sa maliit na mall sa Balanga. Pumayag nga si daddy na hindi si Joel ang kasama ko pero pinalitan naman niya ng apat na bodyguard.