DARK ||Universe of Four Gods Series|| Book 4 (Soon to be Published)

🎗Chapter 38🎗

Snow's POV

Cockledoodledoo! Cockledoodledoo!

Nagising na lang ako dahil sa alarm pero ang bigat pa rin ng talukap ng mga mata ko. Hindi ko na nga maalala kung anong oras ba ako nakatulog dahil pakiramdam ko ay hindi ako nakatulog dahil sa dami ng inisip ko kagabi. Sa sobrang dami ng mga nangyari kahapon ay hirap na hirap akong matulog dahil magulo ang utak ko. Ang dami kong katanungan na hindi ko rin masagot dahil hindi din naman ako sigurado kung ano ang totoo. Ayoko naman mag-assume dahil mahirap ang umasa. Yun pa naman ang masakit, yung umasa ka sa wala.

Bumangon na akong pupungas pungas dahil sa antok. Agad akong napaharap sa salamin at kita ko nga ang pangangalumata ko. Napabuntong hininga na lang ako at pumasok na sa CR para maligo ng mabawasan naman ang antok na nararamdaman ko. Hindi naman ako nagtagal sa CR at lumabas na rin ako. Ginamit ko na rin ang blower doon para matuyo ang buhok ko. Nakita ko naman ang kalat sa aking kwarto kaya ginamitan ko na ito ng levitation para umayos ang kuwarto ko. Masyado na akong tinatamad maglinis at nakakahiya din kung uutosan ko pa ang mga katulong namin para lang linisin ang kalat ko di ba?

Lumabas na din ako ng kuwarto at madatnan ko si Ria at Dia na ang lalakas ng boses na nagkukwentuhan sa hapag.

"Hindi pa rin talaga ako makamove on sa kinuwento mo ate! Si Prince Yuan, nandoon sa school niyo at nakausap mo pa talaga siya!" Tili ni Dia.

Napangiwi naman ako dahil nakakabutas ng eardrum yung tili nito. Nadatnan ko nga sila sa hapag na magkalapit naman pero kung magkuwentuhan eh akala mo nasa kabilang bundok yung kausap.

"Ate Snow! Ang swerte niyo kasi nakita niyo ang prinsipe!" Masayang saad ni Dia sa akin.

Umupo na ako katapat sa kanilang dalawa at kumuha na ako ng loaf bread at tsaka ham.

"Ah, hehehe oo nakita nga namin kahapon." Sagot ko na lang. Ayaw ko naman isali ito sa bitterness ko sa mundo hahaha.

"Gusto ko na tuloy magcollege para makita ko na rin siya." Saad pa nito.

Hindi na ako nagsalita. Ibinuhos ko na lang ang atensyon ko sa pagkain ko. Agad naman din akong natapos tsaka ko inilabas ang cellphone ko para icheck yung facebook ko. Agad na tumambad sa news feed ko ang mga shared picture ng mga visitors kahapon.

Napakunot na lang ang noo ko ng makita ko kung sino ang mga ito.

#royals The ultimate visit in Wilson University. Lady Violet, Lady Luna, Lord Avis and Lord Jin.

😳<< ako yan.

Halos hindi maalis yung mga mata ko sa picture. Hindi ko inakala na sila ang visitors! Yung Elites! Pero ang tawag sa kanila eh Royals. What the fuck, at hindi ko man lang napag-interesan na tingnan sila kahapon. Malamang kung alam ko lang na sila ito ay hindi talaga ako aalis ng amphitheater, pero kung hindi ko rin ginawa yun ay hindi ko rin makikita si Yuan.

They are from Volks Academy as well at si Yuan naman ay pinapalipat naman ako sa Volks. Gusto kong pumasok sa Volks sa totoo lang pero umaandar naman ang kaartehan ko dahil kay Yuan. Hindi ko pa rin makalimutan yung pagkaladkad niya sa akin. Tuwing naiisip ko nga yun ay naaasar talaga ako.

Pero nakakapagtataka naman na walang balita tungkol kay Yuan dahil nandoon naman yun kahapon. O baka naman talagang pinatigil lang ang balita dahil masyadong private itong si Yuan at ayaw na mapost yung mga picture niya sa social media.

Pagkatapos kong magcheck sa facebook ko ay umalis na kami ni Ria patungong University. Hindi naman naging matagal ang biyahe dahil wala naman traffic ngayon. Bumaba kaagad kami sa pinagparkingan ng sasakyan at nagsimula kaming maglakad at tulad ng normal ay konti pa ang mga estudyante na nasa school dahil medyo maaga pa naman at hindi naman marami ang may maagang subject sa araw na ito.