You Belong To Me (Published under LIB)

Chapter Eight: Set Her Free

Chapter Eight: Setting Free

                Just another bad dream!

                Hindi ko namalayan na nakatulog pala ako sa carpeted floor. Iyon na naman ang mga panaginip na nagbibigay ng alalahanin sa akin. At aaminin ko na nagbigay iyon ng takot sa dibdib ko. Dahil malaki ang posibilidad na mangyari ang masamang panaginip kong iyon. At sa oras na malaman ni Bianca na hindi ako si Kirsten ay siguradong susugod siya.

                Mabilis akong napalingon sa sunud-sunod na pagkatok sa pintuan. Saka lang ako nakahinga ng maluwag nang mabosesan ko si Louie. Bumangon ako at tinungo ang pinto.

                "Are you okay?" Bungad niyang tanong sa akin.

                Naguguluhan na tumango ako.

                "Narinig kitang sumigaw kanina," naroon ang pag-aalala sa kanyang mukha. "What happened? Are you having a bad dream again?"

               

                Muli akong tumango. I couldn't seem to find my voice. Nagugulat ako sa kinikilos ni Louie. He is different again. Taliwas sa pinakita niya sa akin kaninang umaga. Unconciously I closed my eyes when I felt his warm palm on my cheek. Sa isang iglap ay nawala ang mga alalahanin ko. I feel safe with him.

                Rhyme...

                I heard he said my name. But I'm not so sure. Nagha-hallucinate lang yata ako.

                "May masakit ba sayo?"

                Doon ako nagmulat ng mga mata. "S-sumakit lang ang ulo ko," pagsisinungaling ko.

                "Nasobrahan ka siguro sa pagbabasa," yumuko si Louie at ginagap ang kamay ko. "Come, paiinumin kita ng gamot. Pero bago iyon kumain ka na muna."

                Walang kibo na sumunod na lang ako sa kanya. Kahit pa siguro tumanggi ako ay hindi rin siya makikinig sa akin. Nakababa na kami ng hagdan nang eksaktong may kumatok sa main door. Lumingon ako kay Louie at binigyan siya ng 'may in-expect ka bang bisita?' na look. Ngunit nagkibit-balikat lang siya at binuksan ang pinto.

                "Hello people!" Masiglang bati ni Bianca.

                Nagsalubong ang mga kilay ni Louie. "Why are you here?"

                "Masama bang bisitahin ang bestfriend ko?" Balik tanong niya at saka tumingin sa akin. There something in her smile that makes me shiver. Tila mayroon siyang binabalak na hindi maganda.

                "I brought your favorite," sabay abot sa akin ng bitbit niyang kahon. Cake yata ang laman n'yon. "Nag-dinner na ba kayo?"