Double Danger: Hubby vs Wifey! (COMPLETED)

CHAPTER 23: PERFECT FAMILY

CHAPTER 23: PERFECT FAMILY

"Hindi naman mahirap sagutin ang tanong ko, tama ba Mrs. Vergara?"

Madali nga, pero bakit nahihirapan ako?

"O sige, dahil mukhang nahihirapan ka babaguhin ko ang tanong. Anong pakiramdam ng isang Glazy Jean Himenez na naging instant Vergara?"

Bakit nya tinatanong sa akin yan?

Kailangan ko ba talagang sagutin?

"Mrs. Vergara, nakadalawang tanong na ako. Wala ka bang balak na sumagot?"

I cleared my throat.

Nararamdaman kong nanginginig na ang katawan ko sa di malamang dahilan.

"Okay. Mukhang hindi ka pa handa na sumagot. In the mean time, I'll give you my calling card." Kinuha nya sa wallet nya ang calling card na sinasabi nya tsaka inabot sa akin.

Ako naman wala sa sariling tumanggap.

"Wifey!"

Kelvin.

Hinawakan nya ang kamay ko the moment na nakalapit sya sa akin.

"What's going on here?" Kelvin.

"Ahm wala naman Mr. Kelvin Vergara. Medyo nagkakwentuhan lang kami ng asawa mo." nakangiting sagot ng reporter.

Gusto ko sanang sabihin kay Kelvin ang mga itinanong sa akin ng reporter na to, kaya lang parang may pumipigil sa akin.

Nahihirapan ako.

Tiningnan ako ni Kelvin na parang nagtatanong.

I smiled.. kahit pilit.

"See? Palakwento pala ang asawa mo. Anyway maiwan ko na kayo. Nice to meet you again Mr. Kelvin Josh Vergara."

Nakakainis! Nakangiti pa din syang umalis sa harapan namin.

Bakit ba hindi ko naipagtanggol ang sarili ko?

Buong maghapon akong wala sa sarili.

Natapos ang party at sinamahan ko si Kelvin sa main building ng kompanya ng mga Vergara.

Mabuti na lang busy si Kelvin kaya hindi nya ako napapansin.

Hanggang sa maggabi na, nasa lobby lang ako. Hindi na kase ako sumama pa sa office ni Kelvin.

Alam kong busy sya at magiging disturbance lang ako kapag nagkataon.

Binalikan nya ako around 7pm.

Sa kotse, nagkunwari akong nakatulog. Ayokong mag-alala si Kelvin. Hindi naman kase dapat. Napakawalang kwenta lang ng pinoproblema ko kung tutuusin.

Pero hindi ko maiwasan na hindi yun isipin.

Ginising ako ni Kelvin nang makarating kami sa mansion.

Kumpleto sila.

Ang grandpa ni Kelvin.

Si Mom Vira at ang asawa nya.

Lahat sila nakaupo na sa hapagkainan.

Lahat din sila ngumiti ng dumating kami.

"I miss you Kelvin!" Tumayo si Mom Vira at nagbeso kay Kelvin.

"I miss you too Mom."

Bumaling naman sa akin si Mom Vira.

"And of course you Glazy!" niyakap nya din ako at bineso beso.

Yumakap din kami ni Kelvin sa Dad at Lolo nya.

Magkatabi kami ni Kelvin sa upuan at katapat namin ang mama at papa nya.