Fire and Ice (Revamping)

Chapter 06 - Taro Leaf Princess (September 15, 2013)

Chapter 06 - Taro Leaf Princess

"Anything that happens once does not necessarily happen again, everything that happens twice is likely to happen for the third time as well."

Hindi alam ni Dew Lia kung bakit bigla niyang naisip ang mga sinabi ni Soapy noong nakaraan.

Oo nga... Nagkita nga kami ulit. Hindi lang nagkita, nagagawan pa kami ng pwesto. At nagkandungan pa? OMAYGAD! As in omaygad, ngayon lang ako kumandong sa kung sino mang tao. Tapos lalaki pa! Eh si kuya nga hindi ako kinakandong eh! Tatay ko rin! Grabeh ituu!

Halos maghyperventilate na si Dew Lia.

"Ano yan? Para kang kinikiliti!" ani Ice kay Dew Lia na may kakatwang reaksyon dahil sa mga pumapasok sa isip. "Hwag ka ngang malikot!"

"Sorry na kasi! Ang hirap lang umupo."

"Wow. Hindi kasi mahirap maging upuan." Ice chuckled.

"Sorry na nga kasi! Ikaw naman ang humatak sa'kin 'diba? Hm, ganito na lang, hati na lang tayo, sa bayad." Sabi ni Dew para ibahin ang usapan. Hindi niya din alam kung gaano siya kabigat pero pinipilit niyang magpagaan. Ibinubuhos niya lahat ng pwersa sa tuhod at paa.

"Ganito na lang din. Can you please sit properly dahil baka tumalsik ka sa harap 'pag biglang magpreno." Malamig na sagot ni Ice.

Wala ng nagawa si Dew Lia.

Hay. Bagay lang sa kanya yung pangalan niya. Ang cold. Pinapahiya niya ako at pinapainis.Ano ba naman 'tong Prinsipe na 'to? Palagi ko na lang nakikita kung saan-saan? At nagji-dyip din pala siya? Tska ano ba naman yung suot niya?

"Pst." Sinitsitan ni Dew ang prinsipe.

"What?"

"Ano 'yang suot mo?"

Hindi sinagot ni Ice ang tanong at nagbayad.

"Makikiabot po."

Aangal pa sana si Dew Lia sa prinsipe nang makita niya ang kinuha nitong pera.

20 aurous!

Bente hahaha? Hahahahaha! May ganung kaliit din palang pera ang prinsipeng kagaya niya?! Hahahahaha!

Sa kakatawa ni Dew Lia sa isipan niya, naglilikot na siya sa kandungan ni Ice. Pinilit niya na lang na humawak sa hawakan sa itaas para hindi na muling mag-pabigat.

"Umupo ka ng maayos! Hwag ka na ngang humawak diyan."

Tinanggal ni Ice ang kamay niya sa hawakan sa itaas. Tuluyan na tuloy siyang napaupo sa kandungan nito.

Tska niya napansing may ilang babaeng nagnanakaw ng sulyap kay Ice. Hindi naman siya nagtaka doon dahil magandang lalaki naman ang prinsipe. Ang ipinagtataka niya ay kung paanong hindi nila namumukhaan ito. Hindi niya alam na sapat na palang disguise ang isang bullcap para dito.

"Tapos, para ka namang tuod ngayon."

"Ewan ko sayo." Ayaw niya na sanang pansinin ang pangaasar nito. "Teka, sinuklian ka na ba?" Pagiiba ni Dew Lia ng usapan. "'Diba 19 lang yung pamasahe? Nasa'n ang 1 aurous?"

"Hayaan mo na." kibit balikat si Ice na parang wala lang dito ang isang piraso ng barya.

"Aba! Hindi dahil mayaman ka, babalewalain mo na ang isang aurous!"

"Eh 'di kunin mo."

Talagang kukunin ko!

"Manong!" sigaw ni Dew Lia. "Yung sukli po nung bente?"

"Bente?"

"Oho! Yung sukli pong isang aurous?!"