⚜️Nay Tin's Love Story⚜️
~~~~~~~~~~~~~~~~~~
Part_66
ဖေဖေက အမွေတွေကို သော်တာစိတ်တိုင်းကျ ပေးပစ်လိုက်လို့ ဒေါသထွက်သွားတယ်နဲ့တူပါရဲ့...
သော်တာကလည်း ငွေကြေးဥစ္စာဆိုတာ မလိုအပ်လောက်အောင် ကိုကိုကြီးက အကုန်ဖြည့်ဆည်းပေးထားတဲ့ လူဆိုတော့ အမွေတွေကို လိုအပ်တဲ့နေရာကို အကုန်လှူပစ်လိုက်တာဖြစ်သည်..
သော်တာသက်ပြင်းလေးချကာ အနောက်ကိုလှည့်ကြည့်လိုက်တော့ ကိုကိုကြီးက ကြည့်နေလေသည်....
"ကိုကိုကြီး "
"အင်း လာလေ"
ကိုကိုကြီးက လက်လေးကမ်းပေးတော့ သော်တာ ရှေ့တိုးကာ ကိုကိုကြီးပေါင်ပေါ်တက်ထိုင်ကာ လည်ပင်းလေးကိုသိုင်းဖက်လိုက်လေသည်...
"ကိုကိုကြီး ဖေဖေဆီက ဖုန်းလာတာ "
"အင်း ဘာတဲ့လဲသူက"
"ဖေဖေဖုန်းမဆက်ခင်ဟိုရက်တည်းက Magicက ရှယ်ယာတွေစျေးကျနေတာ အန်တီကြီးတို့ပြောတယ် ခန့်မင်းသာကလည်း နိုင်ငံခြားထွက်သွားတာ တစ်နှစ်ကျော်ပြီတဲ့ ဖေဖေတစ်ယောက်တည်းရုန်းနေရတာတဲ့ "
"သြော်"
"အခု ဖေဖေကလေ အနော်ဆီက ပိုက်ဆံချေးတယ် ဒါပေမယ့် အနော်ပိုက်ဆံတွေကအကုန်လှူပစ်လိုက်ပြီလေ "
"ဘယ်လောက်တဲ့လဲ"
"သိန်းနှစ်သောင်းတဲ့ "
နေတင်မျက်ခုံးနှစ်ဖက် မြင့်တက်သွားလေသည်....
"အနော်က မရှိဘူး လှူပစ်လိုက်ပြီပြောတော့ စိတ်ဆိုးသွားတယ်ထင်တယ် ''ဘာ" ဆိုပြီးဖုန်းချသွားတယ်"
"သူက ဘာလို့ ကိုယ့်မိန်းမကို အော်ရတာလဲ "
အဖိုးကြီးရဲ့အကြံကိုသိနေတဲ့ နေတင်ဟာ သက်ကလေးက အမွေတွေလှူမယ်ဆိုတုန်းက ဘာတစ်ခွန်းမှာ ဝင်မပါပဲ ပါရမီဖြည့်ခဲ့ပေးသည်..
ဦးထွဋ်မြတ်အောင်လို ငွေမက်တဲ့လူက ကလေးကိုအမွေတွေအလွယ်တကူထုတ်ပေးပြီးရင် တနည်းနည်းနဲ့ ပြန်တောင်းမှာကိုတော့ သိနေခဲ့တာ...
အခုအချိန်တန်တော့ အစွယ်ကိုထုတ်ပြချင်နေပြီထင်သည်....
"အော်တယ်လို့ရယ်လည်းမဟုတ်ပါဘူး ကိုကိုကြီးရယ် သူ့ကိုမတိုင်ပင်လို့စိတ်ဆိုးသွားတယ်ထင်တယ်...အနော်ကလည်းအနော်ပါပဲ နည်းနည်းပါးပါးလှူပြီးလက်ထဲထားလိုက်ရမှာ ဖေဖေအခုလိုတောင်းမယ်မှန်းမှမသိတာ"
YOU ARE READING
⚜️Nay Tin's Love Story⚜️
Romanceငါလား.... စိတ်ချ...... နိဗ္ဗာန်ရောက်ရင်လည်း မင်းကိုပဲ ချစ်နေအုံးမှာ.......... သုနေတင်ထွဋ် ကမ္ဘာပျက်သလို လေပြင်းမိုးသံတွေထဲ... ဦးနေကြီး နာမည်ကို အကျယ်ကြီး အော်ခေါ်လိုက်မိတယ် "သုနေတင်ထွဋ်" လို့ အနော်ရင်ထဲက ပဲ့တင်ထပ်သံတွေကိ...
