Yeonjun ស្ទាក់ស្ទើរក្នុងការសម្រេចចិត្ត។ អ្វីដែលគេចង់ជ្រើសរេីសបំផុតនោះគឺសុវត្ថិភាពរបស់ Beomgyu ក៏ប៉ុន្តែគ្រួសារ Choi នឹងទៅជាយ៉ាងណាប្រសិនបេីមនុស្សអាក្រក់ដូច Yeonnam មានសិទ្ធិទៅលើកេរមរតកនិងមុខជំនួញទាំងអស់។
ស្របពេលនោះដែរ Anna ស្រាប់តែចេញមុខចរចាជាមួយនឹង Yeonnam ព្រោះនាងដឹងថា Yeonjun មិនអាចជ្រេីសរេីសបាន។
"បេីលោកយល់ព្រមបញ្ចប់រឿងគ្រប់យ៉ាង ខ្ញុំនឹងអភ័យទោសឲ្យលោក ហើយពួកយើងនឹងទៅរស់នៅបរទេសដូចមុនវិញ!"
ឮពាក្យសម្ដីរបស់ Anna, Yeonnam ចាប់ផ្តើមងាករេចិត្ត ព្រោះវាជាអ្វីដែលគេចង់បានដូចគ្នា តែចិត្តអប្រិយរបស់គេនៅមិនទាន់សាបរលាបអស់ទាំងស្រុងទេីបធ្វេីឲ្យគេនៅស្ទាក់ស្ទេីរបន្តិច។
"អូនយល់ព្រមលេីកលែងកំហុសឲ្យបងគ្រប់យ៉ាងមែនទេ?"
Anna ងក់ក្បាលបញ្ជាក់។ កែវភ្នែករបស់នាងពោរពេញដោយភាពសោះកក្រោះ ហើយគ្មាននរណាម្នាក់អាចស្មានដឹងពីជម្រៅចិត្តរបស់នាងឡេីយ។
"ប៉ុន្តែមានលក្ខខណ្ឌមួយ!!" Yeonnam ងាកមុខទៅរក Yeonjun វិញម្ដង។
"ទ្រព្យសម្បត្តិគ្រួសារ Choi 50% ត្រូវក្លាយជារបស់យេីង!" គេនៅតែមានចិត្តលោភលន់ដដែល។ គ្មានអ្វីដែលអាចកែប្រែសន្ដានអាក្រក់របស់គេបានទេព្រោះគេមិនអាចបោះបង់ការខិតខំប្រឹងរបស់គេចោលត្រឹមពាក់កណ្ដាលទីបានឡេីយ ដូច្នេះគេត្រូវទទួលបានផលមកវិញខ្លះ។
"យល់ព្រម!!" Yeonjun ឆ្លើយតបដោយយគ្មានភាពស្ទាក់ស្ទេីរសូម្បីបន្តិច ធ្វើឲ្យ Yeonnam ញញឹមយ៉ាងមោទនភាព ព្រោះគិតថាខ្លួនជាអ្នកឈ្នះក្នុងល្បែងមួយនេះ។
"ល្អ! យើងនឹងដោះលែងគូដណ្ដឹងរបស់ឯង" Yeonnam ដកទូរស័ព្ទ call ទៅកូនចៅរបស់ខ្លួន។
"ដោះលែងគេទៅ!" Yeonnam បញ្ជាមនុស្សរបស់ខ្លួនឲ្យធ្វេីការដោះលែង Beomgyu ។
"អ្នកនាង Maria មិនព្រមនោះទេចៅហ្វាយ!!" កូនចៅរបស់គេរាយការណ៍។
Yeonnam ដកដង្ហើមធំ។ គេដឹងតាំងពីដំបូងថា Maria ជាមនុស្សដែលមានល្បិចកលខ្ពស់ ប៉ុន្តែគេត្រូវតែបង្ខំចិត្តសហការជាមួយនាង។ Yeonnam បានប្រាប់ទីតាំងដែលគេបានលាក់ Beomgyu ហើយរឿងបន្ទាប់ទុកឲ្យ Yeonjun ជាអ្នកចាត់ចែងដោយខ្លួនឯង។
"ត្រូវប្រយ័ត្នប្រយែងបន្តិចណា៎ ព្រោះ Maria អតីតស្រីស្នេហ៍របស់ឯង មិនងាយនឹងដោះស្រាយជាមួយទេ!" Yeonnam យកដៃទះស្មារបស់ Yeonjun ព្រមទាំងញញឹមចុងមាត់។
"កុំប៉ះយេីងអាចង្រៃ!" Yeonjun គ្រវាសដៃចេញរួចចាប់ក្របួច ក.អាវរបស់អ្នកម្ខាងទៀតដោយប្រេីក្រសែភ្នែកគួរឲ្យខ្លាច។
"បេី Beomgyu មានរឿងអី ឯងក៏មិនរួចខ្លួនដែរ Yeonnam!"
បន្ទាប់មក Yeonjun រហ័សចាកចេញពីទីនោះ និងទៅរកគោលដៅដែល Yeonnam បានប្រាប់។ ពេលនេះគេបារម្ភពីសុវត្ថិភាពរបស់ Beomgyu ខ្លាំងបំផុត ព្រោះមិនដឹងថា Maria មានបំណងអាក្រក់អ្វីនោះទេ។
Oops! This image does not follow our content guidelines. To continue publishing, please remove it or upload a different image.
ឆ្លៀតសរសេរបានម៉ាញិប 🤏😭
YOU ARE READING
គូដណ្ដឹងខ្ញុំជាព្រាននារី!!
Fanfictionស្អប់ចុះស្អប់ឡើងបែរជាត្រូវភ្ជាប់ពាក្យ និងរៀបការជាមួយទៅវិញ។
