သာယာငြိမ့်ညောင်းသောမင်္ဂလာတေးသံလွင်လွင်နှင့်အတူခန်းမထဲတွင်ဧည့်သည်များဖြင့်စည်ကားလျှက်ရှိသည်။ပျိုးလည်းအကျယ်တဝင့်မလုပ်ေစချင်တာကြောင့်ဒယ်ဒီတို့ဘက်ကရင်းနှီးတဲ့လူတချို့ကိုသာဖိတ်ကြားပြီးအကျဉ်းချုံ့လုပ်ဖြစ်တာဖြစ်သည်။ထိုသို့ငြိမ်သက်လျှက်ရှိတဲ့ခန်းမနှင့်ဆန့်ကျင်စွာထိုင်မရထမရဖြစ်နေသူတစ်ဦးကိုကြည့်ကာဝဿန်မျက်စိနောက်နေပြီဖြစ်သည်။
"ဝဠာ!...မင်းဘာဖြစ်နေတာလဲ...ထိုင်ရင်လည်းထိုင် ထရင်လဲထပေါ့။အခုကမျောက်ကြီးမီးခဲခုထိုင်ထားသလိုပဲမျက်စိကိုနောက်တယ်"
မိုးဝဿန်ထိုသို့ပြောလိုက်တော့ဝဠာဘာမှပြန်မပြောပဲထိုင်လိုက်ပေမဲ့ဒူးကိုနှံ့ကာအသက်ရှူသံတို့သည်လည်းပြင်းထန်နေသည်။
"ဘာဖြစ်နေတာလဲ!..ဒီလိုတိုင်းသာဆိုမင်္ဂလာမဆောင်ရသေးခင်မင်းရှောလောက်တယ်"
"ဝဿန်..ငါစိတ်တွေအရမ်းခုန်နေတယ်။ငါ့ရင်ဘတ်ထဲကနှလုံးသားကြီးကအပြင်ကိုခုန်ထွက်တော့မဲ့အတိုင်းပဲ.."
"ဝဠာ..မင်းဖြစ်နေပုံကဘေးကလူတွေကြားရင်မင်းကိုသတို့သမီးလေးထင်နေအုံးမယ်။အကိုပျိုးထက်နှစ်ပြန်သုံးပြန်လောက်ကြီးတဲ့ခန္ဓာကိုယ်ကြီးမှအားမနာ..ဟိုမှာအကိုပျိုးကိုလည်းကြည့်လိုက်အုံး။သူ့ဘာသူတည်တည်ငြိမ်ငြိမ်လေးထိုင်နေတာ"
ဝဿန်မေးငေါ့ပြတဲ့နေရာကိုကြည့်လိုက်တော့ပျိုးကရောက်လာတဲ့ဧည့်သည့်အချို့နှင့်စကားပြောနေလေသည်။ဝဠာ့မှာသာသူ့ကိုပိုင်ဆိုင်ရတော့မယ်လို့တွေးမိတိုင်းစိတ်တွေခုန်နေရတာ။သူကတော့တည်တည်ငြိမ်ငြိမ်ပဲ..မတရားလိုက်တာ။
ပြင်ဆင်မှုတွေအားလုံးပြီးဆုံးသွားတော့ဝဠာသည်ခန်းမ၏ရှေ့ဆုံးဖာသာ၏အနီးအနားတွင်မတ်တပ်ရပ်နေသည်။စိတ်တွေလှုပ်ရှားလွန်းနေတာကြောင့်ဘေးဘီကိုတောင်မကြည့်နိုင်ပဲရပ်ထားတဲ့ခြေထောက်အစုံကိုသာငုံ့ကြည့်နေမိတော့သည်။ထိုစဉ်တဖြေးဖြေးနှင့်ပွင့်လာသောတံခါးကြောင့်ဝဠာမော့ကြည့်မိလိုက်လျှင်ဝဠာအသက်ရှူမှုတို့ရပ်တန့်သွားမယောင်ပင်။ကျောလည်ထိရှည်လျားသောဆံပင်တို့ကိုကြိုးဖြင့်နောက်တွင်စည်းနှောင်ထားသည်။အဖြူရောင်အနောက်တိုင်းဝတ်စုံနှင့်တစ်လှမ်းချင်းဝင်လာသောသတို့သားလေးကြောင့်ထပ်မံကာပင်ဝဠာ့ကမ္ဘာကြီးရပ်တန့်သွားရပြန်သည်။
YOU ARE READING
မောင့်ရဲ့ပျိုး
Romanceဝဠာထွဋ်ခေါင် × လင်္ကာပျိုး Start Date>>>> 18.9.2023 End Date>>>>
