Working Student (BISAYA AU FROM TIKTOK)

DYESI OTSO

Kiss

"Kumusta imong tiil?" Pangutana ni Patrick.

Naa ko sa terrace naglingkod samtang gisang-at nako akong duha ka tiil sa lingkuranan.

"Okay na. Nag inom pa sila?"
Hangad nako sa iya.

"Naa na sila sa kwarto ni Janvier nangatulog." Niduol siya sa ako ug gitan-aw akong tiil. "Nag sige pa man lagi na'g dugo?"

Nagkuha ko'g gapas para trapohan ang dugo. Gamay raman siya nga samad. Nawala naman unta ni ganina pag butang ni Wilson og betadine. Ambot ngano nibalik.

"Sakit gihapon?"

Naglingo-lingo ko. "Dili naman kaayo."

"Basta ing ana baya daw kay taob ang dagat," sulti ni Patrick ug milingkod siya sa akong tapad.

Mikun-ot akong agtang ug mingisi. "Asa gud ka kabalita ana?"

"Ingon sa akong lola sauna. Dali rana kung naa'y kamunggay. Magkuha ko. Naa mo'y kamunggayan diri?"

"Ayaw na. Okay na lagi ni. Nagdugo ra siguro pagbaklay nako."

"Sigurado ka?"

Mitando ko sa iyaha ug nitarong og lingkod.

"Kabalo ka, Riyan. Sauna bata pako dili jud ko mutug-an pag masamad kay kasab-an dayun kong Mama. Maong ang teknik nako mukatkat dayun ko sa kamunggayan sa among silingan tapos mao'y dukdukon para itambal."

Nagkatawa ko nag imagine sa iyahang istorya. Daghan pa kaayo siya'g gi-share nga mga kaagi niya pagkabata ug makaingon ko nga siaw jud diay daan siya sauna pagkabata. Makita man gihapon nako sa iyaha hantod karon.

"Pagka high school jud. Dira ang grabe. Kay Catholic school man mi no pero matingala ka nga labaw pang Satanas ka mangtas ang ubang studyante."

"Sure oy?"

"Lagi. Kasulay ming Janvier sauna niapil og gang kay astig. Unang cutting palang namo nasakpan dayun mi sa iyahang Papa. Gidala mi'g guidance tapos sakto naa si sister didto. Ah, giparosaryo mi'g tunga sa adlaw uy unya balik balik ang mga misteryo."

Nangatawa ming duha. Kabalo kong high school life ang pinakamemorable sa tanang level sa education pero wala ko nagdahom nga apil pud diay sila's mga sakit sa ulo sa ginikanan ug sa eskwelahan. Siguro karon nga college nagbag-o pa sila.

"Nalingaw naman ka'g katawa. Dili pa ka matulog? Hulaton nimo si Janvier?" Pangutana niya.

"Dili." Wala sad ko kahunahuna ana.

"Sorry diay sa nahitabo ganina."

Mikun-ot akong agtang samtang gahunahuna kung unsa iyang pasabot. "Ganina?"

Gitudlo niya akong tiil. "Sa pagkakiat ni Cherry nasamad hinoon ka."

"Okay lang. Nganong mag sorry man ka nga dili man nimo sala."

"I know, Riyan, pero wala man lang siya kapangayo'g sorry sa imoha usa siya nilakaw."

Diadto pa nako nakabantay nga wala bitaw diay tinuora na gihimo ni Cherry sa akoa ganina. Imbis iyaha kong gisugo og pahipos sa mga bildo.

"Okay lang, Pat. Aksidente raman ang nahitabo."

Niana siya nga naslide daw sa iyahang kamot ang baso. Sa tinuod lang, naay parte sa akoa nga gaingon nga gituyo to niya. Dili nako malikayan nga kana ang mahunahunaan knowing nga wala siya ganahi sa akoa. Pero makasasala na pud kaayo ko kung himoon nakong dautan si Cherry para tuohan nga iyaha jud tong gituyo.