Working Student (BISAYA AU FROM TIKTOK)

UNO

Working Student

Naa ba'y panahon nga makahunahuna mo kung unsa kaha siguro ang kalahian sa inyong kinabuhi kung wala lang nahitabo ang isa ka butang?

Sometimes, I wonder what my life would be like if it were the opposite of what it is now. Unsa kaha akong mga challenges and difficulties in that life? Sigurado kong dili parehas sa sitwasyon nako karon nga kinahanglan maningkamot sa kaugalingon para makahuman og eskwela kay wala na'y mga ginikanan nga nagasupporta, pasalamat nalang kay naa si Kuya.

"Sigurado jud ka ani imong desisyon, Rhean?" pangutana ni Kuya Champ samtang nag drive siya sa sakyanan nga gipahiram sa ilahang kompanya.

Wala ko mitubag. Igo rako mitando ug nilingi sa bintana para tan-awon ang pagsalop sa adlaw ug ang color orange nga langit.

Sa tinuod lang, dili kaayo nako ma-recognize akong na-feel everytime makakita ko'g ing ani nga mga scenery.
Motan-aw ra ko ug mo-appreciate sa kanindot. Wala ko kabalo kung unsa'y naa sa sunset nga ganahan kaayo ang ubang tao motan-aw. I wonder how would they feel.

Nitarong ko'g lingkod pagkadungog nako sa bug-at nga ginhawa ni Kuya.

"Basta, Rhean, kung dili gani nimo kaya, pauli sa balay. Ayaw pugsa. Naa ko'y salig sa imoha pero kabalo ko kung unsa kalisod ipagsabay ang pag panarbaho ug ang pag eskwela."

Mitando ko kay Kuya.

Kabalo kong wala siya kauyon ani akoang desisyon pero gipatuyangan gihapon ko niya sa akong gusto. Sukad pagkabalo niya nga gusto ko mag-working, wala'y putol iyang pagpahinumdom sa akoa nga dili daw lagi nako ni kinahanglan buhaton kay kaya lagi daw ko niya paeskwelahon.

Kabalo man ko ana pero dili lang ko gusto nga magsalig kay iyaha hangtod sa hangtod. Nagpasalamat ko kay dili kaayo bug-at akoang kinabuhi tungod sa iyaha sukad kami nalang duha. Kuya made it light-weight for me. Pero dili sa ingon nga gusto na pud ko'g kalisod. Gusto lang jud ko maanad og paningkamot para sa akoang kaugalingon.

Gipindot ni Kuya ang doorbell pag abot namo sa isa ka kulang pula nga gate. Taod taod lang kay naa'y niduol babae nga naa sa pangedaron nga 40. Mingisi siya pagkita sa amoa usa mi niya gi-abrihan ug gipasulod.

"Nice to meet you, Madam. Ako si Champ, magulang ni Addie." Gitunol ni Kuya iyang kamot sa akong mahimong amo nga babae.

Mingisi siya ug milamano kay Kuya. "Rose Alquizar."

Gipalingkod mi niya sa sala. Nag istoryahanay mi ug sila ni Kuya. Ingon ni Kuya sa akoa gusto daw siya makabalo kung unsang klase sa pagkatao ang akoang amo.

"Bilib kaayo ko sa imong pagkugi, Dong. Ug sa pagpangga nimo sa imong manghod," sulti ni Tita samtang naghisgot sila bahin sa among kinabuhi duha.

Mingisi si Kuya. "Dili gani unta ko mosugot, Madam, nga magtrabaho si Rhean samtang ga-eskwela pero wala ko'y nahimo kay gusto man jud niya."

"Dili man hinoon kaayo daghan ang trabahoon diri sa balay. Ang importante jud namo diri kay ang tigluto ug ang paglimpyo sa balay. Dili na kaayo ko na mahimo tungod sa akong trabaho sa opisina." Milingi siya sa akoa. "Okay ra gud kung dili kada adlaw malimpyohan ning balay kay wala man kaayo pud ni hugaw. Ang panglaba kay ako raman ang nagalaba sa among mga sinina. Pero kung kapoyon ko, nagapalaba pud ko pero ayaw'g kabalaka kay i-additional nako na sa imong sweldo," sulti ni Madam Rose sa akoa. Para na pud makabalo si Kuya sa akong mga trabahuon diri.