Working Student (BISAYA AU FROM TIKTOK)

KWATRO

Tolerate

"Tita, wala gidawat ganina ni Janvier ang kwarta," sulti nako pag uli nila Tita gikan sa trabaho.

Miduol ko sa iyaha ug gitunol ang kwarta.

"Nangluod gihapon daw siya, Rhean?" pangutana niya sa akoa paghuman og dawat.

"Wala ko kabalo, Tita." Lingo-lingo nako.

Mitando lang si Tita.

Maayo gani kay wala na siya nangutana kung giunsa nako paghatag nganong wala dawata ni Janvier. Kay wala ko kabalo kung itug-an ba nako nga nasuko si Janvier sa akoa mao sigurong wala niya dawata ang kwarta.

"Tungod sa load lang ing atoon naka niya? Hays, gwapo siya pero bati la'g batasan," sulti ni Chloe samtang nagbaklay mi padulong sa among sunod na klase.

"Ambot uy kung asa to siya naliwat. Dili man ing-ana sila Tito ug Tita."

"Ing-ana jud siguro nang mga spoiled, Niks." Nitarong siya'g lingkod pagkita sa among professor nga nisulod. Nagsunod pud sa likod niya si Larry nga mingisi pagkita sa akoa.

"Bad trip?" Ngisi niya human nitan-aw sa akoa.

Gingisihan ra nako siya ug naglingo-lingo  human ko miatubang sa atubangan para maminaw sa klase.

Kung ing ani lang unta'g pamatasan si Janvier parehas kay Larry, wala kaayo unta'y problema. Kaso unsaon taman, ing ato naman jud siya. Bisan pa man sa sugod, kabalo nakong lain-on jud siya'g batasan pero wala ko nagdahom nga naa pa diay mas ikalabaw sa akong gi-expect sa iyaha.

I don't know about the extent of his behavior. Pero kung magpadayun na iyang kinaiya ug ang pagtrato sa akoa, wala ko kabalo kung makaantos ba ko.

                                  ~•~

"Nag chat si Mama. Ma late daw sila'g uli unya. Mag una nalang daw ta'g kaon." Nagtan-aw siya'g TV sa sala samtang nanilhig ko.

Wala ko mitubag ug nagpadayon ko sa pagsilhig. I don't feel the need to respond to it.

Nabantayan nako ang paglihok niya gamay para masilhigan nako ang dapit sa iyaha pero imbis moduol ko, gipili nakong silhigan ang laing pwesto hinungdan sa pagtan-aw niya sa akoa ug ang pag kun-ot sa iyahang agtang.

Hatod sa nahuman ko'g panilhig sa sala, wala gihapon niya giwala ang iyahang panan-aw sa akoa nga mura'g gahulat sa akong paglingi sa iyaha o sa akong pag istorya.

"Sulti lang kung unsay gusto nimo nga sud-an," sulti nako.

Wala na nako gihulat pa iyang tubag ug midiretso nako sa kusina. Tungod sa nahitabo atong usang adlaw nga pagpakaulaw niya sa akoa mas nisamot ko'g wala ganahi niya. As much as possible I don't want to talk to him. Gusto nako marealize niya kung unsa iyahang gibuhat para maing-ani akong pagtrato sa iyaha.

Janvier:

Anything basta prito

Pag abri nako sa ref, naay manok ug isda. Wala ko kabalo kung unsa nga pinirito iyang gusto. Para wala na'y daghang kuti, naghiwa nalang ko'g duha ka slice sa manok ug isda para pritohon.

Ako:

Pwede na ka mokaon

Gi-chat daan nako siya pagkahuman nako'g luto. Gilimpyohan nako ang lababo ug gipanghugasan ang gipangamit nako. Naghukad na pud ko'g kan-on ug sud-an sa lamesa aron diretso na siya kaon inig abot niya.

"Asa ka?" pangutana niya pagtagbo namo samtang pagawas ko sa kusina.

"Naa nay hinukad." Balewala nako sa iyahang pangutana human mipadayon ko'g baklay pasaka sa taas.