Working Student (BISAYA AU FROM TIKTOK)

OTSO

Care

"Wow! Varsity diay ka sa volleyball sauna pag high school, Niks?" Pangutana ni Larry samtang nag warm-up mi sa field para sa among volleyball sa PE.

Natan-awan siguro niya sa akong volleyball jersey nga gisuot karon maong nakapangutana siya.

Mitando ko. "Kaming duha ni Chloe."

Niundang mi sa pag warm-up pagdungog namo sa pito sa among maestro. Sinyales nga magsugod na ang dula. Gipatapok mi niya para i-announce among mga kagrupo.

"Sayang dili ta kauban," sulti ni Chloe pagtunol nako sa akong cellphone.

"Okay ra na. Dula dula lang gud, performance ra bitaw ni.'' Ngisi nako.

Gi-alphabetical ni Sir ang groupings hinungdan para matawag ko'g una tungod kay Allejo akong apelyido. Second game pa si Chloe kay Verrero siya, kalaban sila ni Larry.

Upat ka team ug naa'y pulo ka members. Since unom raman ang players per team sa volleyball, pwede ra magpuli puli para makadula ang tanan.

Sa among team, gamay ra mi ang kabalo modula. Kasabot ra sad ko kung naay uban sa amoa dili kasalo sa bola o mahiwi inig receive kay basin dili jud sila hilig ani nga sports. Maong naningkamot na lang ko'g score kung moadto sa akoa ang bola.

"Ohhh!"

"Yeeeey!!!" Hugyaw nila pag ambak nako sabay spike sa bola.

"Time out!" Singit ni sir para sa laing team.

Nibaklay ko sa kilid samtang gaapas sa akong ginhawa. Wala ko kasabot sa akong gibati, kapoy unya permi pajung pagkainita kay naa mi sa field. Akong singot kay perti nang pagkadakoa.

"Niks, tubig!" Niduol si Larry sa akoa ug gihatag niya ang isa ka mineral water.

Wala ko nagduhaduha'g kuha ug giinom. Tungod sa akong kauhaw, nahurot dayun ang isa ka liter.

"Salamat." Lingi nako kay Larry.

"Tan-awa, daghan na kaayo'g nanan-aw," sulti ni Chloe.

Nitan-aw ko sa among palibot. Focus ko sa dula ganina maong karon pa nako nabantayan nga ubay-ubay na diay ang mga tao nga nanan-aw.

"Mura ma'g intrams." Ngisi ni Larry samtang nalingaw sad siya'g tan-aw sa mga tao.

Nipito usab among maestro para sa pagpadayun sa dula. Gitawag ko nila para pasudlon usab pero nibalibad nako. Seconds nalang man ang remaining time ug dako na sad mi'g score. Maglisod na sila'g apas. Gipasagdahan na lang nako akong mga kauban nga sila'y mag end sa dula.

"Excuse me," sulti nako pagduol nako sa mga studyante nga nanan-aw.

Moagi ko gamay aron makuha nako akong bag. Maulaw sad ko basta basta na lang modutdot nila kay singot kaayo ko.

"Hoy, excuse me daw!" Singit sa isa ka lalaki.

"Paagia pud boi! Ayaw si'g atang atang diha!"

"Hawd daw kaayo ka, Miss."

Nilingi ko ug mingisi sa lalaki nga nag istorya. "Salamat!"

"Eeeyyy!"

Mikatawa ko pagpanyagit nila hinungdan para sa amoa padulong ang atensyon sa mga tao.

Nagpanlingo na lang ko nga nibaklay padulong sa bench nga gibinlan namo sa among mga bag. Gikuha nako akong dala nga towel ug gi trapo sa akong singot.