٢٦
نریمان: فزیت بالفعل هذا صوتها كعدت على صوت جنيد وصوت مرت خالي يلعلع جوه ياربي مو هي يارب مو هي نزلت ركض شافتني هجمت عليه جرني جنيد وره ظهرة
سماره: نزلت ع الهوسه عرفت هاي مرة خال نريمان الي مشوفتها الويل رزق واجاني جنيد ما يريد يمد ايده عليها لان ما يريد يضرب مره وهاي تشاكف منا ومنا تريد تضرب نریمان
عله صوت عياطها شويه وصاح حيدره يا الله يريد يطب ومتردد خاف وحده ملابسة حجاب فضحتنا بصريخها و نریمان صارت قطعة ليمون دم مابيها وحيدرة يأشرلي براسه يعني شكو
ركضت عليها سحلتها من عبايتها كفختها على راسها جريتها وكعتها بالكاع والباقين ماخذين دور المتفرج المصدوم من يوم سولفتنا نريمان شمسوية بيها مرة خالها واني
امنيتي اشوفها كملت تكفخ وهي تريد تلزمني ماخليها بالصالة ستاند مال تصویر مال مصطفى
ركضت شلته صاح مصطفى
-لا عليج مكه لا ستاندي جديد لزمته اريد اضربها اجة حارث اتجاهي راد يلزمني وانتبه لنفسه
-صاح حيدره يمعود الزم مرتك شجاي تتفرج مباراة ملاكمة
اجة حيدره الزمني بس من الضحك حتى مايكدر يسيطر عليه
ومصطفى يصيح السبع يطلع دم ورحمه ترجف
شردت من حيدره ورجعتلها كتلها اذا شفتج هنا بعد محد يحميج مني واذا شفتج تجيبين طاري نريمان حتى بينج وبين نفسج اكص السانج واحمسه بالطاوة لا عبالج ترا اني جنت كاعده بمنطقة ..... يعني اذبحج واشويج ومحد يدري عنج من
