جمانه : هستوني غفيت واحس خيال اسود فوگ راسي
بالضبط مثل الجاثوم او جيثوم حسب ما نسمي
بس هالمره مو نايمه لا كاعده بس فقدت السيطره
على كلامي وحركتي
بمعنى انشليت
الحدما وعيت وطلعت مني صرخة
عبرت عن كل الي جنت احس بي
من وعيت چان يباوعلي بصدمه
وركبته كلها شخطات من اضافري
انتبهت ايدي على ركبته وداخنكة
وخرت بسرعه ورجعت انتجيت على ضهر الجربايه
ايدي ترجف
وخجلانه من نفسي على الي سويته
انهاريت ودخلت بموجة من البجي
ما عرف شلون اعتذر منه
بس اباوعله بأسف
تركني ودخل للحمام غسل وطلع
باوع بتجاه الامام
ما عرف شنو ردد ومسح وجهة بأيده
سد البرده
واجه بتجاهي مبتسم باوعلي بنضرة كلها عطف وحنيه
وكال
حسنين : عليمن هالبجي ؟ تريدين رموشج تتبلل حتى
يسحلن كلبي
جمانه : اسفه والله مادري بنفسي والله اسفه
تنكسر ايدي قبل ما اذيك
ما جنت واعيه
مادري شلون سويت هيچ واني اصلاً
عاجزه عن الحركة
حسنين : كومي كومي شو للحمام
جمانه : گلت بس يكلي سبحي اركعة بالرمونت
بس نقذ نفسه
حسنين : غسلي وجهج
وتعاي وبطلي بچي كافي اختنكتي
روحي فتحي البرده وسولفي الي بداخلج
لحدما ترتاحين
وراها غسلي وتعاي نامي يلا
جمانه : رحت فتحت البردة المنضر يرد الروح
دعیت هواي من كل كلبي
طلبت اصير انسانه طبيعيه مو اكثر
بچيت لحدما حسيت جزء من وجعي انزاح
دخلت للحمام وغسلت وطلعت رحت يمه
-گال انطفي الضوه؟
-اشرتله براسي اي
ردد على راسي المعوذتين
والكرسي
وردد حديث الكساء
ما جنت اعرفه بقى تقريباً عشر دقايق يقرا
من خلص كتله شنو هذا الجنت تقرا عليه يا دعاء؟
حسنين : هذا حديث الكساء
من النعم الي وصلتنا عن جابر بن عبد الله الانصاري عن
فاطمة الزهراء عليها السلام
جمانه : استغربت شلون حافظه كله هيچ
وحسيت براحة عجيبه
والاهم من هذا كله بعد ما اختنك من القرآن
وهذا بحد ذاته اعتبره انجاز
حسنين : شلون صرتي
جمانه : زینه خوما اذيتك من خنكتك
حسنين : بابا ركبتي سداده فدوه الج
جمانه : ابتسمت وكتله حسنين سؤال
حسنین : جواب
جمانه : انت وحارث هيج متدينين وتسون اعمال خيريه
وتساعدون الناس
واكيد هاي مو اول مره عاقد على كذا وحده قبلي مو؟
حسنين : اي اني عقاد
يسموني بالمنطقه حسنين العقاد
عندي مكتب اللوكو مالته حسنين لمساعدة النساء بالعقد
عليهن
ما عندي شغل وعمل بس اعقد عن النسوان
جمانه : شنو السالفه شايفني قشمر
حسنين : لا ليش بالعكس غير سألتي اجاوبج
جماله : ترا مو زوج لهدرجه شنو مكتب
حسنين : ها يعني هي سالفة المكتب استوقفتج
لا اشاقه ما عندي مكتب بس اي عاقد من قبلج
