تنوية / التعليقات اذا اقل من الفين على كل بارت ماينزل بارت جديد
نريمان : دخلوا الشرطه لمو الكل بدون استثناء وطلعوا مخدرات وحبوب وممنوعات كومه من البيت
اتجمدت بمكاني بلحضتها مو خوف لا شعور أقوى من الخوف بهوااااي ما عرف حتى اوصفة
اجة واحد منهم جرني كمت اتوسل بي
والله مو وياهم والله اجيت اشتغل هنا
عت ايدي لدرجة احسها نخلعت
الحمد لله بوقتها من بدو يجون زلم للبيت لبست شالي والعباية الخليجية مالتي فوك التراك الى لبستة منها
المهم جرني للسيارة بدون ميسمع مني وصلونة ع المركز وهاي شبعتني غلط كلشي ما مفتهمة منها بس تكلي
انتي بلغتي اصلا اني بعالم ثاني
حياتي انتهت نزلنا للمركز دخلونة لمكتب ضابط مكتوب النقيب جنيد فلان الفلاني دخل هذا نفسة الي جرني و وياه واحد ثاني كال
انتظر خلي يجي جنيد كتله فدوه خليني اروح والله مالي علاقه بيهم اليوم اجيت اشتغل
وياهم
عمر : حلفي
نريمان : والله
عمر : شو بعدني ما مقتنع حلفانج باهت
نریمان : وروح امي وابويه معليه بيهم
عمر : هو من حلفتي ب الله ما صدكت ادور بأمج وابوج توكفين ساكته لا ابلعج اسنونج
سلام : ها جنيد تجي ؟ اي اخذنا كلشي تمام
ا
نریمان : جسمي صار سعفة بنص تموز واني ارجف اطرافي ثلجن
صوت المروحة وهي تفتر بطيئ وحده من الريش معوجة شوية
والسبلت 16 المكتب صاجي وعلي سجلات هواي وطفاية جكاير وجداحة وكراسي وتخم صغير وثلاجة هم صغيره برده لونها اسود والكاع بورسلين لون ابيض ومفطر حفظت كل تفاصيل الغرفه
كدما صفنت مبتعده عن نضرات الضباط الاثنين المرعبه
