٢٥
سماره: طبكت سيارات عاليه ونزلوا منها مدنيين ولابسين قوط
واحد منهم صاح
وين حيدره الفلاني
حيدره بكل برود يحجي بهدوء ويسحب بالڤيب نرگيله الكترونيه كالهم خیر؟
حارث كبل سألهم منو انتو ؟ ما جاوبوا
گاله حيدره اني اتفضل
جاوب واحد منهم عليك مذكرة القاء قبض
تقدم جنيد و وياه ضباط كومه نص منهم ما ملحكين وجايين بالزي العسكري للعقد
-گاله جنيد وينها المذكره
سلمهم المذكره قراها جنيد وشاور حيدره هزله راسه حیدره
گالهم دقایق وارجع تردون تروحون روحوا وجاي وراكم بسيارتي
واحد منهم كله لا لازم نجيبك ويانه بدون مقاومه تفضل
ابو الاسود: مقاومه ؟؟ تتوقع هسه اذا ماريد اروح وياك تجبرني مثلاً؟؟
سمارة : راد يطب حيدره وجره واحد منهم التفت حيدره بهدوء وباوع لأيد الولد الي لزمه خاف كبل نزلها
هجم العجوز يريد يضربه بالكوه هدئة حيدره كالهم دقيقه وراجع صاح على حارث كاله خلي تجيني سماره للمطبخ بسرعه اجيته واني احس النوبه راح تجيني ابتسملي من شاف وضعي
-كال اذا تحبيني اذا صدك تحبيني اهدي خليني اروح واني مطمن بروح ابوج لا تتخربطين واوعدج راجعلج بس اهدي
-منو ذوله حيدره شيريدون
-اعرفهم ومتوقعهم يجون حبيبتي اهدي ومعليج بالباقي
كل شويه اخابرج
