حسنين : احبج
سمعتي ؟
جمانة : شنو
حسنين : احبج
جمانة : اي
حسنين : اكثر ردت فعل طايح حظها بالدنيا
جمانة : شنو اكول؟
حسنين : تحبيني؟
جمانة : احس وجهي كامت تطلع منة حرارة كمت اريد
اروح جرني
وابتسم
حسنين : طلعتي تخجلين؟
جمانة : لعد وحد ؟
حسنين : تحبيني
جمانة : اي
كعد ع التخم وسحبني بحضنة كال
حسنين : كوليها
جمانة : احبك
حسنين : مرة ثانية
جمانة : احبك
وخر الحجاب وفتح شعري
جر شعري استنشقة حيل
وكال
حسنين : هلا بتالي الصبر
جمانة : اكوم اروح
حسنين : وين؟
جمانة : لا تجي خالة
حسنين : شسوي ؟
جمانة : ما تقبل اجي يمك
حسنين : ليش
جمانة : تعرف سوالفك
حسنين : ياسوالف
جمانة : مادري
حسنين : قصدج هيچ
جمانة : حجة هيچ وباسني
من زفت حضي وية ما باسني دخلت خالة مداهمة ذكرت
سابقاً حسنين من النوع خجول بهيج امور
منتبهتلة يرتبك هواي
وخالة ترزل وهو مغطي عيونة بساعد ايدة ومدد ع التخم
ويضحك
حسنين : يمة ساعة وكعديني اريد اروح لبغداد ومن اطلعون
طفوا الضوة وكلي لذولاك الزوج خلي يركدون ولا يهوسون
جمانة : طلعت خالة ادردم عليه
واني بقيت واكفة بمكاني
وخر ايدة باوعلي كال نكمل؟
كتلة شسوي رايح لبغداد؟ صفن وكال
حسنين : تجين وياية؟
جمانة : ابد ما شايفة بغداد
اريد اروح بس خالة ما تقبل
حسنين : معليج جهزي نفسج بين ما انام
جمانة : ما تصعد لغرفتك تنام
حسنين : كلما قريب عليج احسن
طفي الضوة ورة الباب الدكمة مالتة
جمانة : وينها ماكو
حسنين : لا قصدي هنا ورة راسي
جمانة : اجيت عبالي صدك
اول ما مريت من يمة
سحبني عندة
كتلة شيخ شو انت فدمرة صاير
حسنين : اشتعلت روحكم مصطفى وعلي اول مرة احبكم
من طلعتولي لقب الشيخ
شو كوليهة بعد مرة
جمانة : كمت جريت نفسي ولميت شعري
وحطيت الحجاب وطلعت وهو صافن علية
رحت لغرفتي طلعت ملابس ورتبتهم
باوعت للمكياج الي جابليا
بيني وبين نفسي كلت اجرب احط ؟
المشكلة ما عرف
بقيت اشوف ع اليوتيوب
مقاطع
عرفت استخداماتهم
رحت غسلت وجهي
ورجعت
ما حبيت احط شي على بشرتي
بس حطيت اي شادو وردي فاتح فوك عيوني
دمجتة بأصبعي لان ما عرفت استخدم الفرشة
باوعت للماسكارا ترددت احط لان يحب رموشي
بعدين كلت هو جابهة يعني عادي احط بديت امشط
رموشي بالمسكارا حسيت مضلة صارت فوك عيوني
بس حبيت منضر عيوني حيل صارو حلوين
مشطت حواجبي وحطيت لون وردي خفيف لخدودي
وملمع شفة بي لون وردي قليل
باوعت الشكلي عبالك مو اني
شكم شغلة كلبوا شكلي بس مدري شبية مترددة اطلع
خاف غلط حاطتهم
تشجعت وكملت تبديل
