تنوية / التعليقات اذا اقل من الفين على كل بارت ماينزل بارت جديد
مازلت أردد لا بأس لابأس.. وكل البأس في قلبي🖤
سماره : بقيت الح على منار
كتلها احجي شكو منار ترا مبين اكو شي وين حيدره منار : البارحة ضابط صديق حيدره جاي من الناصريه
لبغداد واجب اسبوعين حيدره كايله روح للبيت مالتي ارتاح ليش تتبهذل البيت الي جنتي بي انتي وياه
وره ما طلعج من منطقة الصياد فالولد مار للمركز ماخذ المفاتيح من صديق حيدره ورايح للبيت داخلين بالليل على جماعة ملثمين عبالهم حيدره وضاربي
عاد الجيران ملتمين ومخبرين وجايه الشرطه ناقلي للمستشفى والولد بين الحياة والموت
سماره : يعني المقصود حيدره يعني مترصديله
مجرد اتخيلت ممكن يكون حيدره بمكانه جسمي صار ينفض اجتني النوبه احس بيها قبل ماتجي
اخر شي سمعته عيطت منار وراها مادري فتحت عيوني كاعد يم راسي يمسح على راسي ويردد
( ربي اني مسني الضر وانت ارحم الراحمين ) ضليت على نومتي لحدما كال
- شلون صرتي
-حيدره تريد ترجع للعراق والله اذا رحت اموت حيدره يريدون يموتك منو عندي غيرك فكر بيه زين شلون تسافر واني مريضه ما تخاف يصير لي شي
-اششش لا تفكرين هسه بأي شي صيري زينه والله كريم الباقي اجاه اتصال طلع ورجع بس شنو اول مره اشوفه هيچ اعصاب ومتوتر
-كتله شلون صار اشر براسه وكال
-يعيش ان شاء الله يعيش سمرتي باچر اطلعج للبيت بس راح اجيبلج ممرضه ٢٤ ساعه يمج حتى تجيك كل
شي لان منار مطفية
