"Congratulations Zhan!"
ရိပေါ်က လက်ထဲကပန်းစည်းကိုကမ်းပေးရင်းပြောလိုက်သည်။ ရှောင်းကျန့်က ပြုံးရင်း ဌာနကစီစဉ်ပေးထားသည့် ပန်းစည်းကို Hilton ကို လှမ်းပေးလိုက်ပြီးဦးငယ်ပေးသည့် အနီရောင်နှင်းဆီပန်းစည်းကို လှမ်းယူလိုက်သည်။
"ငါ့ကို ဦးငယ်နဲ့ ဓါတ်ပုံရိုက်ပေးဦး Victor"
Victor က ရှောင်းကျန့်ရဲ့ဖုန်းကို လှမ်းယူပြီး ဓါတ်ပုံရိုက်ပေးလိုက်သည်။ ရှောင်းကျန့်က ဦးငယ်ရဲ့ပခုံးကို လှမ်းဖက်လိုက်တော့ ဦးငယ်က သူ့ကို ငဲ့ကြည့်သည်။ Victor က ထိုပုံကို အမိအရမှတ်တမ်းယူလိုက်သည်။
ရှောင်းကျန့်က ရိုက်ပေးထားသည့် ဓါတ်ပုံတွေကို ပြန်ကြည့်ပြီး သဘောကျနေသည်။
"ကျန့်တို့သူငယ်ချင်းတွေကိုဓါတ်ပုံရိုက်ပေးရမလား"
"ရပါတယ် Professor ။ ကျွန်တော်တို့က ခုန ဌာနမှာကတည်းက ရိုက်နေကြတာရယ်"
Hilton က ဝင်ဖြေသည်။ ရိပေါ်က ရှောင်းကျန့်လက်ထဲက ဖုန်းကို ယူပြီး သူတို့သူငယ်ချင်းအဖွဲ့ကို လျှပ်တပြတ်ပုံတွေ ရိုက်ပေးနေသည်။
"ကိုကိုတို့ကို ဂုဏ်ပြုပါတယ်"
Sue က ပန်းရောင်နဲ့ အဖြူရောင်စပ်ကြားကာနေးရှင်းပန်းစည်း ၅ စည်းကို ရှောင်းကျန့်၊ Hilton, Victor, Fred နဲ့ Will တို့ကို တစ်စည်းစီလှမ်းပေးသည်။ Hilton က ပန်းစည်းအသေးလေးကို ကြည့်ရင်း
"ငါ့ညီမလေး အကုန်အကျတွေများနေတော့မှာပဲ" ဟု စ နေသည်။ Sue က ရယ်ကျဲကျဲလေးလုပ်ရင်း ရိပေါ်ပေးထားသည့် ရှောင်းကျန့်လက်ထဲက နှင်းဆီပန်းစည်းကိုသဘောတကျထိကိုင်ကြည့်နေသည်။
"ကိုကို ပွဲပြီးသွားရင် ဒီပန်းစည်း Sue ကို ပေး"
"ဘာလုပ်မလို့လဲ"
"ဘွဲ့ရဂုဏ်ပြုပန်းစည်းကို သိမ်းထားပြီး အတိတ်နိမိတ်ကောင်းယူမလို့ပေါ့ကိုကိုရ"
Sue ရဲ့စကားကြောင့် အားလုံးကရယ်လိုက်ကြသည်။ ရိပေါ်က ပြုံးလိုက်ရင်း
"ကိုယ်ကြိုးစားမှကိုယ်ဘွဲ့ရမှာပေါ့ Sue ရဲ့။ ဂုဏ်ပြုပန်းစည်းသိမ်းထားပြီး မကြိုးစားရင် ဘာထူးမှာလဲ"
YOU ARE READING
Liquor (ချစ်ဆိပ်ရည်)
Fanfictionအရက်ဆိုတာ သောက်မိရင် ဖြတ်ရခက်သလိုမျိုးပဲ အချစ်ဆိုတာကလည်း စ မိရင် နောက်ဆုတ်ဖို့မလွယ်တော့ဘူး။ သိပ်ချစ်မိသွားရင် သိပ်ပိုင်ဆိုင်ချင်လွန်းတော့ ချစ်ဆိပ်ရည်တွေထဲကူးခတ်ရင်း စုံးစုံးမြှုပ်သွားရတော့တာပါပဲ။ Start Date: 20230728 End Date:
