School Trip

LESSON 15- Smoking Kills!

"BOOORIIINGGG!"­ Bulalas ni Bridgette sabay hilig sa balikat ng nobyong si Steven. Nasa rooftop silang walong magbabarkada noon. Nandoon sila kahit na may klase sila ng mga oras na iyon.

Iritadong tumayo si Bridgette. "Ghad! So boring! Bwiset na Olivia iyan. Dapat kasi hindi muna siya nagpakamatay wala tuloy tayong mapaglaruan."

"Yah right!" sabat ni Charina na abala sa paglalagay ng make-up sa mukha.

"Kailangan natin ng new human toy!" Giit ni Bridgette.

Pero bigla siyang natigilan ng may makita siyang babaeng nakatayo sa kabilang rooftop sa kabilang building. Parang kumakaway ito sa kanya. Hindi niya mawari pero parang pamilyar sa kanya kung sino iyon!

"O-olivia!" Bulalas niya. Hindi siya maaaring magkamali. Si Olivia ang nasa kabilang rooftop.

Nilapitan siya nina Thea. "Anong sabi mo Bridgette? What Olivia?"

Nanginginig ang mga kamay na itinuro ni Bridgette ang babaeng nakikita. "There...Si Olivia!"

"Ha?" Sinundan ng tingin ng kanyang mga kabarkada ang itinuturo niya. "Olivia? Wala naman ah!"

Nanlalaki ang mga mata na kinausap ni Bridgette ang mga kasama. "I swear to God! Nakita ko si Olivia! Andun siya-" Natigilan si Bridgette ng muli niyang pagtingin sa kinaroroonan ng babae ay wala na ito. "P-pero nakita k-ko-"

Hinawakan siya ni Steven sa magkabilang balikat. "She's dead. Imposibleng makita mo pa siya!"

"I knew what I saw! Bitiwan mo nga ako!" At galit na iniwan ni Bridgette ang kaniyang mga barkada.

INILABAS ni Steven ang tatlong pack ng sigarilyo mula sa kanyang bag. "Ayan, magsawa kayo. Haha!"

"The best ka talaga Pareng Steven!" At nakipag-high five pa sa kanya si Matthew.

Agad naman na biniro ni Ford ang kaibigan. "Asus! Yabang ng Matthew na ito eh hikain naman! Haha!"

Natahimik si Matthew. Kumuha agad ito ng isang sigarilyo at sinindihan. Hinithit iyon sabay buga ng usok.

"Sayang, wala si Bridgette..." Komento naman ni Thea.

"Hayaan mo nga siya. Walk-out queen kasi. Nakokonsensiya yata sa pagkamatay ni Olivia..." sabi naman ni Emma.

Lahat sila ay natigilan sa sinabi ni Emma. "Bakit ganyan kayo makatingin sa akin?" Nagtatakang tanong ni Emma. "May sinabi ba akong masama?"

"Just..." si Charina. "Nothing!"

Tumayo si Steven at nag-inat.

"Oh, san punta mo?" tanong sa kanya ni Jacob.

"Restroom lang. Iihi..." Natatawa niyang tugon at bumaba na siya ng rooftop.

Habang pababa ng rooftop ay biglang naalala ni Steven ang girlfriend na si Bridgette dahil sa inasal nito kanina. Kilala niya si Bridgette. Sa hitsura pa lang nito kanina ay alam niyang hindi ito nagbibiro pero napakahirap naman kasing paniwalaan ng sinasabi nito na nakita nito si Olivia.

Marahil ay masyado lang stress si Bridgette kaya ganoon.

Narating na rin niya ang CR para sa mga lalaki. Walang katao-tao doon dahil oras pa ng klase.