School Trip

LESSON 8- The Visitors in Red

MAAGANG nagising si Olivia kinabukasan. Ala-singko pa lang ng umaga ay nasa kusina na siya. Napansin niya na marami pang adobo na natira kagabi kaya naman iniinit na lang niya iyon habang sinasangag niya ang kanin.Naisipan niya na magluto pa ng itlog kaya nilapitan niya ang ref.

PAPALAPIT na siya sa refrigerator para humanap ng makakain sa loob noon. Pagbukas niya ay naramdaman niya ang lamig na nagmumula sa loob noon. Nagtataka siya kung bakit gumagalaw ang mga laman noon. Napaatras siya.

Nagulat na lang siya ng may malaking galamay ng isang halimaw na nagmula sa ref ang pumulupot sa kanyang beywang at pilit siyang pinapasok sa loob ng pridyeder. Malakas siyang tumili. "Eeeeeehhhh!!!"

Naibato ni Bridgette ang isag popcorn sa screen ng TV sa sobrang bored na niya sa pinapanood. "Ang corny naman ng horror na iyan. Ang panget pang tumili ni Andi!" Tumayo na siya at iniwan ang mga kaibigan na nasa salas nila habang nanonood ng Pridyeder.

Pumunta siya sa kusina upang kumuha ng maiinom. Pagbalik niya ay patay na ang TV. "Oh, bakit naka-off na iyan?" tanong ni Bridgette.

"Eh, nakakatamad naman talagang manood na..." ani Thea. "Si Charina lang naman ang may gustong manood niyan!"

"Somehow, namimiss ko na si Olivia!" Himutok pa ni Bridgette. Nagtinginan sa kanya ang lahat na akala mo ay inuusig siya. "Don't give me with that look na parang I care with that scandal girl. Namimiss ko naman talaga siya eh...Nai-bully! I miss seeing Olivia cry!" At lumabas sa bibig niya ang isang matining na pagtawa.

Tumayo bigla si Charina. "Well, since nawalan na kayo ng gana na manuod...Ano kaya kung mag-shopping na lang tayo?"

"Thats boring..." Tila tinatamad na turan ni Emma. "I have an idea. Lets try something new."

"New?"

"Yes! Shoplifting..." Pabulong na sabi ni Emma.

Natigilan ang lahat at wari ay nag-iisip. "But...Thats pagnanakaw, diba?" basag ni Charina.

"Gaga! Kelan ka pa naging conyo Charina?" Pansin ni Thea sa pananalita ng kabarkada. Si Emma naman ang kinausap ni Thea. "What if mahuli tayo?"

"Thats the exciting part! Chasing. Getting attention! Diba iyon ang gusto natin?" Nakangisi pa nitong sagot sabay tingin kay Bridgette na parang humihingi ng pagpayag.

"OK. Lets do it!" Nakangising pagsang-ayon ni Bridgette.

NAGHUHUGAS ng mga pinggan si Olivia ng makarinig siya ng pagkatok sa pintuan. Mukhang may tao. Pinunas muna niya ang basang mga kamay sa gilid ng kanyang suot na palda. Pagbukas niya ng pinto ay bumungad sa kanya ang limang lalaki. Pulos nakakulay pula ang suot nito na parang pang-pari. May dalang makapal na aklat ang nasa gitna. "S-sino po sila?" Medyo kinakabahan siya dahil parang mga kulto ang hitsura ng mga lalaking nasa harapan niya.

"Hinahanap namin ang kapanalig namin na si Magdalena..." Mababaw ang tono ng boses ng lalaki sa gitna.

"Si Tiyang Magda po ba? Nasa itaas po siya. Tatawagin ko po ba?" Nilakihan niya ang bukas ng pinto bilang paggalang.