"သိပ်ကိုထိတ်လန့်သွားစေမိရင် sorry ပါ စိမ်းမမရယ်"
"စိမ်း..စိမ်းလို့ပဲခေါ်ပါ"
"ဟုတ်ပြီ ကျုပ်က စိမ်းမမ ကို စိမ်း လို့ခေါ်ဝေါ်လိုက်ပြီဆိုပါစို့"
"..."
"သည်လိုဆို စိမ်းကရော ကျုပ်ကိုဘယ်လိုမျိုးပြန်ခေါ်ချင်သလဲ ဟင်.."
"အို..အရေးပိုင်မင်းလိုလူကိုဘယ်သူကများလက်လွှတ်စပယ်ခေါ်ဝေါ်ရဲပါ့မလဲရှင်"
"စိတ်မရှိရင် မောင်မောင် လို့ပဲခေါ်ပါလား စိမ်းရယ်"
"အလိုတော်!"
အမည်အရင်းမှာ ဦးလွင့်ပြယ်မောင်မောင် ဖြစ်၍ အဆုံးသတ်ဖြစ်သော "မောင်မောင်" အားဆွဲနှုတ်ကာခေါ်ဝေါ်စေလိုခြင်းဖြစ်မည်လား။သို့ပေမဲ့ ထိုအခေါ်အဝေါ်ကြီးဟာတစ်မျိုးတော့တစ်မျိုးပါလေ။စိမ်းသည်လည်း အရွယ်ရောက်ပြီးသားလူတစ်ဦးဖြစ်သည့်အလျောက်ဖြစ်သင့်သည်၊မဖြစ်သင့်သည်နှင့်မှားသည်၊မှန်သည်ကိုကောင်းမွန်စွာခွဲခြားနိုင်ပေသည်။
"သည်လိုဆို အခြားသူတွေကရော အရေးပိုင်မင်းကို မောင်မောင်လို့ပဲခေါ်ကြသလား"
"ခေါ်ရဲခေါ်ကြည့်ပါလား တစ်ခါတည်းလည်လှီးပြီးမြေမြှုပ်ပစ်လိုက်မှာ သိရဲ့လား"
"ဟင်..သည်လိုဆို ဘာကြောင့်များစိမ်းကရော မောင်မောင် လို့ခေါ်ဝေါ်ရမှာပါလဲ"
"..."
"ပြောပါဦး အရေးပိုင်မင်းကြီးဦးလွင့်ပြယ်မောင်မောင်ဟာ ကျွန်မစိမ်းမမကို လည်လှီးပြီးမြေမြှုပ်ပစ်ဖို့ကြံရွယ်နေပါသလား"
"မဟုတ်ရပါဘူး မဟုတ်ရပါဘူးစိမ်းရယ်"
သူဘာလို့များဒီလိုတွေလုပ်မိနေတာပါလဲ။စိမ်းမမဟာမိန်းမတစ်ဦးမှမဟုတ်တာဘဲ။ခက်တော့ခက်နေလေပြီ။
"အရမ်းကြီးအတွေးများမနေပါနဲ့ အရေးပိုင်မင်းကြီးရယ် စိမ်းစိတ်ထဲမှာဘာမှမထားပါဘူး သည်လိုဆို အချိန်လည်းလင့်နေပြီမို့ စိမ်းကိုသွားခွင့်ပြုပါဦးနော်"
"ကောင်းပါပြီ ကောင်းပါပြီ အခွင့်ကြုံရင်ပြန်ဆုံကြသေးတာပေါ့ စိမ်းရယ်"
YOU ARE READING
လှရက်၍ မချစ်ရက်နိုင်ပါ(Ongoing)
RomanceBL Fiction By - ချည်နှောင် Artist - A Nai Unicode + Zawgyi 13.11.2023 စာရေးသူ၏စိတ်ကူးသက်သက်ဖြင့်သာရေးသားထားခြင်းဖြစ်ပါသည်။ BL Fiction By - ခ်ည္ႏွောင္ Artist - A Nai Unicode + Zawgyi 13.11.2023 စာေရးသူ၏စိတ္ကူးသက္သက္ျဖင့္သာေရးသားထားျခင္းျဖစ္ပါသည္။
