Unicode
"ရှောင်ကျန့်.. ရှောင်ရှောင်းကျန့်"
ဒေါက်ဒေါက်ဒေါက်*
"ရှောင်ကျန့်!!! ငါဗိုက်ဆာနေပြီမို့ ထတော့လို့"
အဆက်မပြတ်ထွက်ပေါ်လာတဲ့ တံခါးခေါက်သံတွေကြောင့် ရှောင်ကျန့်နိုးလာခဲ့သည်။ အိပ်ရေးဝပေမယ့် သွေးအားနည်းနေတာမို့ ခေါင်းကမိုက်ခနဲဖြစ်သွားတယ်။ သို့သော် ရှောင်ကျန့်အဆင်ပြေနေပါသေးတယ်။
"အင့်"
ရှောင်ကျန့် တံခါးဖွင့်ပေးလိုက်တာနဲ့ ရိပေါ်က သူ့လက်ကိုဆွဲယူပြီး ကိုက်ချသည်။ ဒီနေ့ အကိုက်ခံရတာက သူ့အတွက် ပုံမှန်နေ့တွေထက် ပိုပြီးနာတယ်။ ကိုယ့်ကိုကိုယ် အားနည်းနေမှန်းသိလိုက်ရတော့ ရှောင်ကျန့် သက်ပြင်းချလိုက်တယ်။
"ရိပေါ် မင်းဒီနေ့မှ ပိုသောက်နေသလိုပဲ၊ ငါပဲစိတ်ထင်တာများလား"
" ဟင့်အင်း၊ ငါ တကယ် ပိုသောက်နေမိတာ "
" ဝါးးး မင်း မင်း ထပ်ပြီး ထွားလာပြန်ပြီ"
ရိပေါ်ရဲ့ ခန္ဓာကိုယ်က ရှောင်ကျန့်မျက်စိရှေ့မှာတင် ကြီးထွားလာတယ်။ အရပ်လည်းပိုရှည်လာသလို ကြွက်သားတွေကလည်း ပိုပြီး မာကျစ်လာသည်။ ဒါပေမယ့် ရိပေါ်ရဲ့ အသက်ပိုင်းဆိုင်ရာကတော့ ကြီးမလာသေးဘူး။ ဗိုက်ဝသွားတဲ့အထိ သောက်ပြီးတဲ့အခါ ရိပေါ်က ရှောင်ကျန့်လက်ကို ပြန်လွှတ်ပေးလိုက်သည်။
သူ ရှောင်ကျန့်ကို စိုက်ကြည့်နေမိသည်။ ရှောင်ကျန့်က သူ့မျက်စိရှေ့မှာတင် လူကောင်သေးလာသလို ရှိတယ်။ သူပဲ ထွားလာလို့လား ဒါမှမဟုတ် သူထင်နေသလိုမျိုး ရှောင်ကျန့်ခန္ဓာကိုယ်ကပဲ သေးလာတာလားဆိုတာတော့ ရိပေါ်အဖြေရှာမရသေးဘူး။
ရိပေါ် ရှောင်ကျန့်ကို ကျော်ပြီးအခန်းအတွင်းကို လှမ်းကြည့်လိုက်တယ်။ ထိုအခါ အိပ်ရာပေါ်မှာ ပွထနေတဲ့ ချောကလက်မုန့်တွေကိုမြင်လိုက်ရသည်။
"အဲ့တာတွေက အရသာရှိလို့လား"
"ဟင်.. ချောကလက်တွေလား"
ရှောင်ကျန့် ရယ်ရင်း ပြန်မေးလိုက်တယ်။ ရိပေါ်က သူ့ကို ကလေးလေးတစ်ယောက်လို ခေါင်းတဆတ်ဆတ် ညိမ့်ပြတယ်။
YOU ARE READING
The Annoying Vampire and Me
Vampireyizhan_ Yibo as a Vampire... Xiao Zhan as a Prey <3 ငိုရတာတွေမပါပါဘူး ပေါ့ပေါ့ပါးပါး အချစ်ဇာတ်လမ်း အတိုလေးပါပဲ Hope you like .