"Jungkook...?"
"ဟာ..အစ်ကိုစျေးလာဝယ်တာလား"
ဓာတ်လှေကားထဲကထွက်လာသည့် Namjoon ကိုမြင်သောအခါ Jungkook နှုတ်ဆက်ကာမေးသည်...ဒုတိယအကြိမ်တွေ့ဆုံခြင်းဖြစ်ပေမယ့်သက်တောင့်သက်သာပြောဆိုနိုင်သည်အထိ Namjoon က Jungkook ကိုနွေးထွေးမှုပေးနိုင်လေသည်...
"ဟုတ်တယ် ညီ...အထုပ်တွေများလှချည်လား အစ်ကိုသယ်ပေးမယ်လေ ပေး..."
ပြောရင်းဆိုရင်း Namjoon က Jungkook လက်ထဲကအထုပ်တွေကိုယူဖို့လက်လှမ်းသည်...
"အာ...မဟုတ်တာ ရပါတယ် ဒါနဲ့အစ်ကို့ဖို့စာအုပ်ပါလာသေးတယ် ခဏလေးနော်"
လွယ်အိတ်ထဲကစာအုပ်ကိုထုတ်ပေးဖို့အတွက်အထုပ်တွေကိုကြမ်းပြင်ပေါ်ချဖို့ပြင်လိုက်သောအခါ Namjoon ကအထုပ်တွေကိုလှမ်းယူလိုက်သည်...
"အစ်ကိုသယ်ပေးထားမယ် ရှာလိုက်..."
"မ..မဟုတ်တာဗျာ ချထားပါ လေးနေပါ့မယ်"
Jungkook ကအားနာတာကြောင့် Namjoon လက်ထဲကိုရောက်နေပြီဖြစ်တဲ့အထုပ်တွေကိုပြန်ယူဖို့ပြင်သည်...
"ကဲ...ကောင်လေးနော် အစ်ကို့ကိုမလေးစေချင်ရင်မြန်မြန်ရှာလေ..."
အထုပ်တွေကိုပြန်မပေးဘဲစာအုပ်ရှာဖို့ပဲ Namjoon ပြောလေသည်...
"ဗျာ...ဟုတ်ဟုတ်"
ထိုအခါကျမှ Jungkook လည်းပြာပြာသလဲလွယ်အိတ်ထဲကိုနှိုက်ကာ Namjoon ဖို့ဝယ်ထားသည့်စာအုပ်ကိုရှာလေသည်...စာအုပ်ဆိုင်ကဝယ်လာပြီးကတည်းကပျောက်သွားမှာစိုးတာကြောင့်လွယ်အိတ်ထဲကနေမထုတ်ဖြစ်ပေ...
"ရပြီ အစ်ကို...အထုပ်တွေပေးတော့..."
စာအုပ်တွေ့သွားသောအခါ Namjoon ရဲ့အရှေ့ကိုကမ်းပေးရင်းအထုပ်တွေကိုပြန်ယူဖို့ Jungkook ကြိုးစားသည်..
"အစ်ကိုနိုင်ပါတယ်ကွာ..."
"အစ်ကိုမနိုင်တာနိုင်တာကိုပြောတာမဟုတ်ပါဘူး အထုပ်တွေကတော်တော်လေးတယ် အစ်ကိုပင်ပန်းမှာစိုးလို့ပါဗျာ...ပေးပါ"
မီးဖိုချောင်သုံးပစ္စည်းတွေအပြင်ဟင်းချက်စရာပစ္စည်း၊လျှပ်စစ်ပစ္စည်းတွေပါပါတာကြောင့်အထုပ်တွေကနင့်တယ်ဆိုတာတော့အမှန်ဖြစ်သည်...
