"Jungkook...ဘယ်လဲ"
canteen ထဲကိုပြုံးရွှင်ကာဝင်လာသည့် Jungkook ကိုမြင်သောအခါ Jimin စားပွဲကနေထလာကာ Jungkook ဆီကိုသွားပြီးမေးသည်...
"အာ...Jimin Hyung ရောက်နေပြီလား.."
"အွန်း.."
"ခဏလေးစောင့်နော် Hyung...စီနီယာ့ကိုဒါလေးသွားပေးချင်လို့"
Jungkook ကသူ့လက်ထဲမှာကိုင်ထားသည့် coffee ဘူးလေးကို Jimin ကိုပြကာပြောသည်...

"အဲ့တာက..."
"coffee လေ Hyung ရဲ့...ဆရာတွေရဲ့နားနေခန်းထဲကနေသွားဖျော်လာတာ စီနီယာ့ကိုသောက်စေချင်လို့ စီနီယာကအခါးမကြိုက်လို့နည်းနည်းလေးချိုအောင်လုပ်ခဲ့တာ အရမ်းချိုရင်လည်းချောင်းဆိုးမှာစိုးလို့ ဟီးးး"
Jimin ကိုပြုံးပြကာပြောနေသည့် Jungkook ဟာချစ်ဖို့ကောင်းလွန်းလှသည်...
"Hyung ဖို့ကျဖျော်မလာဘူးနော် တော်တော်အားကိုးရတယ်"
Jimin က Jungkook ကိုမျက်စောင်းလေးထိုးကာပြောသည့်အခါ Jungkook အားနာသွားလေသည်...
"Hyung ကလည်း...နောက်နေ့ကျရင်ဖျော်ပေးမယ်နော်..."
"အေးပါ Hyung ကစတာပါ Hyung လိုက်ခဲ့ရအုံးမလား"
"ရတယ် Hyung မလိုက်နဲ့ ခဏစောင့်နော် coffee ကတော်တော်ပူပူလေးပဲရှိသေးတယ် စီနီယာကိုပူပူလေးသောက်စေချင်လို့"
"အေးအေး..."
Jungkook ကော်ဖီဘူးလေးကိုကိုင်ကာ Taehyung ထိုင်နေသည့်စားပွဲဆီကိုသွားလိုက်သည်...Taehyung ကသူ့ကိုနောက်ကျောပေးထိုင်နေတာကြောင့်စားပွဲနားရောက်သည်အထိ Taehyung က Jungkook ကိုသတိမထားမိချေ...
"Taehyung...မင်းအနောက်မှာ"
Taehyung နဲ့မျက်နှာချင်းဆိုင်ထိုင်နေသည့် Taehyung ရဲ့သူငယ်ချင်းကပြောသောအခါ Taehyung ကအနောက်ကိုလှည့်လာသည်...ထိုအခါသူ့အနောက်မှာရပ်နေသည့် Jungkook ကိုမြင်လိုက်ရသောအခါမျက်မှောင်ကြုတ်လိုက်မိလေသည်...Taehyung အတွက်တော့ Jungkook ဆိုသည့်လူသားဟာကမ္ဘာပေါ်မှာမမြင်ချင်ဆုံးလူသားတစ်ယောက်အဖြစ်သတ်မှတ်ထားလေသည်...