Isa sa pinakatanyag na unibersidad ang Perlia Femine University sa loob ng Pilipinas. Ito ay kilala sa pagkakaroon ng mahigpit at malinis na kalakaran sa loob ng paaralan, at ang mga estudyante na nakapaloob roon ay t'yak na kanila't siniguradong lalabas nang may sapat na kaalaman sa bawat nagdaan na pag-aaral, pati na rin sa ganda ng kanilang mga ugali. Kilala ang eskwelahan sa pagkakaroon ng mga matataas na grado ng mga estudyante at idagdag na rin ang pagiging pribado ng buhay ng iilan na humahantong na sa sitwasyong nagkakalat ang mga sabi-sabi na ang nakapaloob sa unibersidad ay puro lamang mga estudyanteng tiyak na nanggaling pa sa mga dugong bughaw na pamilya. Ngunit ang pinakamaingay na tanong na nanggagaling sa mga taong nasa labas ng paaralan na hanggang ngayon ay wala paring sinuman ang nakakasagot.. Bakit limitado lamang ang mga pinapapasok na kalalakihan na estudyante sa unibersidad na iyon? na ultimong mga lalaking mag-aaral na nanggaling pa mismo sa mga mayayamang pamilya at politikadong pamilya ay hirap na makapasok? Ano nga bang nililihim ng unibersidad sa publiko at ang mga tanong na bumubulalas sa buong mundo hanggang ngayon ay hindi parin mabigyan ng sagot?