سنيــفيـــورم
بقلـم محمــد مالــك
الحلقــه " السابعــه الـ 7" 🌹❤️
____________________
قعـد معاهـا اسمـه و كلـم امـه و قالهـا ع وضـع بلقيـس فـ تحسـن و طمن عمتـه قعـد فالغرفـه اكثر من ساهتيـن فاتـح تلفونـه و مره مره يشبحلهـا و هي راقـده.
طق البـاب تفكـره دكتـور بيديـر مراجـعه شوي و انفتـح البـاب و دخلـو اعمامـه الـزوز " عبـد الرحمن و فـرج "
اسامـه تلفـت و شـاف عمامـه من صدمتـه بالموقـف و قوتـه جي واقـف متوقعـش ان حيجـي يوم و بيوقـف قدامـهم بالشخصيـه هـاذي. كـان واثـق من روحـه هلبـا رافع اعيونـه فيهم هما الزوز و يشـبحلهم. و بينـا و بين نفسـه كـان يقـول " مـد ايـدك و كسـرهـم ع الـي دارو فيـك مش شويـا. " و كـانو شبحـات الكـره خاصـا لـ عبد الرحـمن و عبـد الرحمـن يرعـش لكن ساكت و يـشبح لا سامـه و مركـز ع ايـده كيف ضاغـط بالقـوه و قابضهـا و اعروقـه بـارزات
فـرج تـكلم. : كــيف الحــال باهي؟
اسامـه ابتسـم و مـزال قابـض ايـده. : اطلع بـرا انت ويـاه.
عبـد الرحمـن يشير بايـده لـ خوه فرج. : اشبح قلـة الادب خودلك هي
اسامـه،يشبحلـه بتفنيصـه. و وجـه احمــر و شيرلـهم بايـده ع البـاب
فـرج قـدم خـطوه. : جـاي بنشبـح بنت اختـي و طالع
اسامـه وقف قدامـه حـط ايـده علي صـدر فرج باش يوقفـه. : برا اسال الدكتـور.
عبـد الرحمن ضحـك. : هذا بوه معرفـش يربيـه. ! و مـعلمش كيف يتكلـم مع عمامـه ولا شن
فـرج علي طـول زبـط نظـرة اسامـه كيف زادت غـل. خاصـا الموضـوع جي فيه بوه فـ هادي" ليله بلا عشـي "
اسامـه وقت سمع كلمـة بـوه و باقـي الكـلام مـعاش تحمـل زادهم زائد حقـده هو عليـهم. و. ضغـط الشـغل و اهلـه و المواقـف ولئ يقـدم عليـهم. و هـما يشبحـو لبعضهـم و يعـاودو يشبحـو لاسامـه
عبد الرحمـن. : شن بتضـرب عمك. !
فـرج شده من مرفقـه. : بنشبحـو بلقيـس و طالعيـن. !
اسامـه دف ايـد فرج بالقـوه لين طـاح عالكنبـه و ضـرب عبد الرحمـن برجلـه ع بطنـه و لحـقه ب بقبضـة ايـده علئ وجـه و ويـن ما اتجي ايـده يعطـي
فـرج جري و شـد اسامـه و دفه بعيـد عن عبـد رحمـن الي كـان داهش و تاعب من الضرب
اسامـه باعصـاب و مـزال بيضـرب
فـرج عيـط فيـه لان اسامـه فـاق لروحـه: خلاااص اسامة
عبد الرحمـن حـاط ايده ع عينـه لان حصل عليـها كـدمات. : تضـرب عمك. ولا اني نوريـك لما ندفنـك و انت حي
فـرج يكـر في عبـد الرحمـن معاه المـره بالغصـب و يسكت فيـه و عبـد الرحمن يزيد و يعـاود و يتحـلف لاسامـه.
اسامـه يدور فالغرفـه. يبـي شي يفـش غلـه فيـه ضـرب المزهريـه لـ قدامـه بكـف ايـده. و انكسـرت قعمـز عالصـالون حط راسـه ع المسنـد مش حـاس بايـده الـي تنـزف من المـرش
حـط وجـه بين ايديـه الـزوز و هو مرتـاح و مـش مرتـاح عايـش في شعـور متنـاقـض هلبـا
بلقيـس فتحـت أعيونهـا شبحـت لـ السقـف استغـربت بعدهـا بدت تشـبح شويـا شويـا لشخـص مغبـش قدامهـا.
بدت توضـح قدامهـا الرؤيه شبحـت المـرش و اسامـه كيف متعصـب
غمضـت اعيونهـا و رفعت ايدهـا. فتحت اعيونهـا تشـبح لـ التغذيـه تنهـدت و بصـوت واطـي. : اسامـه
اسامـه وقت سمع صوتهـا طول وقـف جاهـا. : فقتـي. ! شن حالك توا ؟
بلقيـس هزت راسهـا. و حطت ايدهـا ع راسهـا. : اي خيـرها ايدك؟
اسامـه باستـغراب: خيرهـا؟ " و رفع ايده. اليميـن. شبـح فاهـا دم"
بلقيـس قعمـزت كويـس : شنصار ؟
اسامـه. : ولا شي شوي و نجـي اني
طلع اسامـه لـ الحمـام. " يكرم القـارئ " غسـل ايده و مشـي دفع تعويـض حق الـي كسـره و نـاده الدكتـور،يتطـمن علئ بلقيـس
الدكتـور يكتب في التقريـر. : حالهـا احســن تقـدر تطلع باهـا لكن متجهـدش روحهـا هلبـا و تاكـل. و شبح لايـد اسامـه. " تعالا معاي نعقـم ايدك
اسامـه ابتسـم. : لا ميـه ميـه صحيت
الدكتـور باصـرار. : تعـالا مش حنعطـل ببلاش راه 😂
اسامـه ضحكلا ضحكـه بسيـطه و مشي معـاه نظـفله ايده و عقمـها و لفهـا
بعدهـا مشي لبلقيـس كـانت كيف بتلبـس وشاحهـا كويـس لكن حاسـه روحهـا داهشـه و مـعندهـاش جهد اتصبـي قرب منهـا وقف قدامهـا و قـرب يلفلهـا في وشاحهـا و هـي مغمضـه اعيونهـا و متمنيـه تحضنـه و تلقا حضـن غيـر حضن بوهـا
اسامـه وخـر. : شن كويس ؟
هزت راسهـا و هو ساعدهـا شويـا شويـا. و ركبـو لـ السياره و طول الطريـق ينصـح فيهـا عالماكلـه. و ع خاطر امـك. و هـي مردتـش تشبـح لـ الروشـن و تبكــي بلا صــوت
____________________
ايـه و مقعمـزه بحداهـا روان الـي مش عاجبهـا شي
روان: الاء ترا اتصلـي باسامـه قوليله شن حال بلقيـس
الاء تفتـح في تلفونهـا و اتـصلت بيـه " كيف حالهـا توا باهـي حمـدلله خلاص تمـام. تمـام اوكي هـي تو . ابرار بتروح معاك "
و،شبحت لـ خواتـها. : اهو قريب يوصـلو. ابرار،نوضـي البسـي باش متعطليـش
مـرت عمـهم خطمت من قدامـهن شافتلـهم بنظـره بعدهـا شقلبت بعيونهـا و مشت
ايـه ناضـت. : خيرهـا هذي؟ خلي نمشيـلها
روان مـدت ايدهـا و جبدت ايـه احذاهـا. : اسامه شن تكلم. ؟
ايـه. : ايييح قـداش بناكلو و بنسكتـو من،نظـرات ع الحالـه هادي
روان. : احنـي جايين نعـزو انديـرو الواجـب مش فضائـح
ايه. : قداش تقهـر نظرتهـا لـ،يشبحهـا ايقول خانبين رزقـهم
روان. : خـلاص ضمـي فمـك.
تهانـي جايـه بتخـش لـ المطبـخ وقفت قـدام البـاب و هـي تسمـع في مـرت عبـد الرحمن تتكلـم
فتـون" مرت عبد الرحمن". : اكيـد حكالـك فرج ولا؟
بشرئ " مـرت فـرج " اي قالـي
فتـون تنـهدت. : عطه كسـره فـ ايديـه هالاسامـه وصلت بيـه يضرب اعمامـه. " و عوجت فمهـا. " : العـم في مقـام البـوه
تهانـي وقت سمعـت كيف دعـو علئ اسامـه متحملتهـاش في ولدهـا. " قلب الام " و خشت : العم فـي مقـام البـو وقت يبـدا عم حقانـي و قلبـه علي صغـار خـو رجالتـكم مـش رجالـه اصلا.
فتـون حطت يدهـا ع قلبهـا. : هـادي خيرهـا جايـه بالشـيح و الريـح
تهاني تهدد فيهـا بصبعهـا. : ولـدي منسمحلـكش لا انتِ ولا امثالـك يتكلمـو عليـه ولا بجيبـو سيرتـه. علي لسانـهم ي قليلـة الاصـل انتِ و راجلـك الخانب
فتـون بـ ثقـه. : ولـدك عالغلـط اتصفقيلـه. ! و ضارب اعمامـه ي عليـك صحةة وجـه
فـي الـدار البنـات سمعـو صوت امـهن ناضـو يجـارو لـ المطـبخ
تهانـي تضـحك بهـزوه. : ان شاءلله يكسـرهم فوق بعض
الاء شبحت لامهـا: شن في!
تهانـي برمت ع بناتهـا. : هي البسـو اني منـقعدش. مع الشكلات هادي
ايـه. : كل ما نشبحـكم وليت نتـعوذ من الشيـطان
فتـون ضحكت. : حي ايه ايه حتـئ البيبـي يتكلـم غيـر لمو ولدكم لضـارب عمه
ايـه. : يسـلم ايدياتـه 😍
تهانـي جبدت بناتهـا و حاجاتهـا وهي ع اعصابهـا من الـي صـار
تقـوئ. كيف خشـت من بـرا. : شن في؟
روان تلبـس: منعلمـش ماما تعاركت مع فتـون
تقـوئ: احني قاعدين عنـد عمتي مش عنـدهم.
تهانـي فنصـت فيهـا. : البسـي و اسكتي
الاء شبحـت لـ تلفونهـا لقت اسامـه يتصـل ردت : ايوه
اسامـه. : اني بـرا قولـي لـ،بيروحـو.هي
صكـر الخـط و شبـح لـ بلقيـس
بلقيـس تمسح ف ادموعهـا و بصـوت مخنـوق من البكـي: سامحنـي تعبتـك معاي
اسامه. : متقـوليش هكي ي ستي بنسـامحك كان كليتـي و حـافظتي ع روحك و صحتـك
بلقيـس هزت راسهـا. : حاضر.
"ولانـك جئـت في الوقـت الصـح حبيتـك أكثـر من اللازم 🌹"
فتحـت البـاب و نـزلت و هـي خاشة تلاقـت مع،تهانـي و البنـات
بلقيـس شبحـت لـ الاء. : مروحيــن
تهانـي تسلم عليهـا : سامحينـي ي ابنيتـي غـدوه انجـو اليوم منقـدرش
كلهـم طلعـو و الاء واقفـه هي و بلقيـس
بلقيـس. : شن صار؟
الاء. : تعاركت هي و فتـون ع حسـب الكـلام اسامـه ضرب اعمامـي هك سمعت
بلقيـس حطت سدهـا ع فمهـا بصدمـه و تفكرت الـدم. و ايـد اسامـه
و "المرش المتـكسر "
بلقيـس تنـهدت. : باهي اقعـدي انتٌِ ع الاقـل 🥺
فـي نفـس الوقـت ركـبت تهانـي السياره و صـكرت البـاب و هي متعقـده.
اسامه شبح لامـه باستـغراب. : مروحـه 😳
تهانـي شبحتـلا و تفنـص. : شن معنـاها تضـرب اعمامـك. ! وين عقـلك. ! تخلي فتـون تتكلم معـاي و نتعارك معاها.
اسامـه انصـدم. : علاااش؟
تهانـي. : سمعتـها تتكلم عليـك وتدعي شن تبينـي نسكت
ايـه. : قتلـكم همـا اول ما ايدرو لقطـه وقفـوهم احني سكتنتا اهو تمـادو.
روان ضربتها بمرفقهـا و همستلهـا. : ضمـي فمك هي والعـه بروحها مش ناقصاتـك.
مـلاذ: هي خلو نروحـو بنقـرا
تهانـي: خلي اتجـي الاء قبل
اسامـه. : وين بتركـب خيرك. امي!
تهانـي بحـزم. : فـوق اخواتـها ميقـعدش حد اهني
اسامـه شبح لـ الباب لقي بلقيـس اتشيرلـه
فتـح باب و نـزل مشالهـا لـ الجنـان و كـانت الاء واقفه معاهـا. : شن في؟
الاء. : اني منقـدرش نخلي بلقيـس بنقعد معاهـا 🥺
بلقيـس تشبحلا بنظـرة ترجـي. : خلهـا تقعـد 😢تخفف عليـا شـوي ماليـش غيرها هي و ماما
اسامـه. : تمـام خلاها. لان السيـاره فُل" و شبح لـ الاء ! لـو صار شي اعرفي كيف تتصرفـي متخليـش الغلط عليـك صار شي اتصـلي انجيك طول حتا فنص الليل فاهمة
طلع لـ سيـاره و تهانـي مش عاجبتهـا،قعدت الاء بس سكتت و فالطريـق شبحـت لايـد اسامـه ملفوفـه. : خيرهـا،ايدك. !
اسامـه. : جرح بسيـط!
تهانـي: العفـو جـرح،يربطهـالك هكي.
و انت علاش متكلمتـش لاش ضربت عمامك اه. ؟
اسامـه. : غيـر نوصلـو لـ الحـوش نحكـو اكيد شوي و يجي اسماعيـل.
روان وقت جي اسم اسماعيـل ابتسـمت 🌹❤️
______________________________
فـي العـزاء
عنـد اعمـام " اسامـه "
عبـد الرحمـن و هو متعفلـق و بكسـرة عيـن. : ولله ماهـي ساكتلـه عليهـا انـي
فـرج يشبحله. : هـلبـا تمـادئ تقـول قاتليـن بوه
علـي يسمع فيهـم و سـاكـت لا حكـي ولا. عدل
عبـد الرحمـن قـرن حواجبـه. : غيـر المستشـفى في نـاس مريضه كان هذا ربيتـه. غير نشبحـه. بس
فـرج يفكــر. : حيتحـاسب عليـها بـس متنـساش را هـذا مش ولـد امس مش هـذاك اسامه لـ نزبطوه احني هذا توا مش صغير
عبـد الرحمـن بـ ثقـه. : زي صغيـر زي كبيـر حنديـره تحـت رجلـيا. " ولئ يشبح لـ قدام " : و الايـام بيننـا
علـي ابتسـم. : صعبـه عليـكم و هلبـا
عبـد الرحمن فنـص و شبح لـ علي: مفيـش صعب عليـا اني و الـي يمس قـدري امه مولدتـاش يجي هـذا يمـد عليـا ايدا اني نقطعـه ليـه
فـرج. : كان سكتنا هذا بيولي يتمـادئ اكثـر.
علـي بتركيـز: هذا مش ولـد امس لـ كليتـو رزقه
عبـد الرحمـن تكنطـا : ما كليـت رزق حد انـي. هذا حقي و اخديتـه
علـي بهـزوه. : ان شاءلله لـو بتكبـرهـا توقعـه،يدير العـار مش حيبلعهـا،حياخـدك لـ البحـر و يروح بيـك عطشـان. !
فـرج خـاف من كـلام علي و ولئ يفكر خـاف ع روحـه. : صح كـلامـه ي عبـد الرحمـن وقت زمـان ما في ايده شـي لكن
عبـد الرحمـن قاطع فـرج. : مش حيقدر يديـر شي و انـي منخـافش الا من الـي خلقنـي
علـي نـاض و هـو مش عاجبـه. و طلع من جنبــهم.
______________________
وصلـو لـ الحـوش🌹و كـل حد لهـئ فـي حالـه
مـلاذ تقـرا و ايـه ع تليفونهـا تقـوئ ف دارهـا و روان تجهـز ف روحهـا
اسامـه يصلـي في المـغرب كمـل صلاتـه رفع الصلايـه وحطهـا ع الكنبـه شوي و شريـن تليفونـه ابتسـم و رد
اسامـه. : غالــي
ايهـاب: شن الامـور
أسامة : ولله صارلـي موضوع ي راجل مزبطـاش كيف قلبـي يقول صـح و عقلـي لا
ايهـاب ضحك. : اووووو سمعنـا كـلام الحاجـه مالا
اسامـه : لا مـش خطوبـة
ايهـاب بتفكيـر. : امممم امـالا شني كبدنـا ي سيمـو. ؟
اسامـه. : تي لا و انت همـك البنـاويت و خـلاص
ايهـاب: مالا شني موضـوع فيه عقلك و قلـبك غير بنات 😂 تو اشبح اني تعجبنـي بنت انقول لا منبيـش هذا عقلي يقولي لا. لكن ولد الحـرام قلبي يجر فيـا ليهم 😂😂😂
اسامـه. : اييييهاب يا راجل اليـوم ضربت عمامي
ايهـاب ولئ يضحك بصوت عالـي. : شن صايرلـك طايح تضـرب فالدنيـا كلها را تولـي عليـا بعدها 😂😂
اسامـه يضحـك.
ايهـاب: من ضربت فيهـم عبد الرحمن ولا !
اسامـه. : و فـرج دفيتـه من قدامـي
ايهـاب. : لا يستـاهل تكسيـر الراس عمك عبد الرحمن هذا. سامحنـي فاها انقنـه الا. .../..
اسامـه. : ع شني بنسـامحك خود راحتـك و كثـر
ايهـاب: اصلـي ولله. بنقولـك
اسامـه. : شن ؟
ايهـاب. : شبحتـها خطيبتـك ي راجل شن مش عاجبـك فاها. !
اسامـه. رفع حاجبـه. : كيف زبطتهـا. ! من وين تعرفهـا
ايهـاب: تي خيرنـا مش قعـدت في محلـك اليـوم اني هي خشت و معاهـا اخت شوره قالـت السـلام شوي رديت قالت هـذا محل اسامـه قتلهـا اي قالت انت تخدم اهني قتلهـا لا اني صاحبـه
اسامـه بتفكيـر. : باهي و بعدهـا ختصـر.
ايهـاب. : تي باهـي قتلها اني صاحبـه هو عنـده اعزي و شديت مكانـه
اسامـه. : تي نزبطـك اكيد قولتلها قصـة حياتـك
ايهـاب: عيب ي غالـي خطيـبة رفيقي و خوي هادي
اسامـه تعصـب: خطيبـة قهرتـك و طياح سعدك هي كمل بعدها. ؟
ايهـاب يضحك. : قتلـي انت ايهـاب طلعت تزبطنـي و مشهور و اني منعلمش 🤨🤨😂😂
اسامـه : تيي يا #+## كمل
ايهـاب: مهـم قتلهـا اي تفضـلي قتلـي اني خطيبـة اسامـه الحـق بنيـه،قنينـه عيـون خضـره قصيـر و انت طويـل زي ما يقول كوبـل اطلع طـول
اسامـه. : كوبـل صار. ! تي غير نحصـل عليـك انت بس
ايهـاب يضحك
اسامـه شبح لـ فون القي مكالمه ثانيـه خشت ع خـط : في حـد يتصل تو ندورك بعديـن. " صكـر و فتـح علئ الرقـم زبطهـا غفـران. "
غفـران. : ايوه.
اسامـه. : اهـلا. كيف كنـا نهـدرزو عليـك
غـفران ابتسـمت و بصـوت خفيـف. : الله. ! شن كنت تتكلـم عليـا
اسامـه. : مش مهم شني قلت غيـر بعد تخشـي لـ محل كملتي حاجتـك و اطلعي مش تشديهـا هدرزه مع حـد متعرفيـشي مش حلـوه نسمع صاحبـي يتكلملـي. هكي
غفـران فرحـت حسـت ان بدا يغار عليهـا. : تمام
اسامـه. : لمنرضهـاش ف اخواتتي منرضهـاش فيك. زيك زيهم. هـي بسلامـه و ' صـكر و غفـران بعد فرحـت انصـدمت شن قصـده انتِ زي اختـي"
اسامـه بيـنه وبين نفسـه. : غيـر شن درتـي ي امي الله يهديـك ماشيـه و تكذب خطيبة اسامـه،استغفـرلله و خـلاص
__________________________
ايـه في دارهـا و تتكلـم شـات.
ايـه. : افهـم و معـاش تخطـم اسامـه كان يشـدك يقتلـك. ! و اني مش محبـه فيك نحيت الحظـر
سفيان. : يقتلنــي ! علاش مقطـوع من شجـره اني ولا شن
ايـه. : مشكله انقـول ان شاءلله يشـدك و يقطع لحمـك بعدهـا نقول لا حننضر و انت حتفـتح فمـك
سفيـان. : اني مستحـيل انضـرك لكن خوك مش يحسابـه الشـارع ملكـه اني وين ما نحـط رجلي نخـش
ايـه،تعفلقـت. : ان شاءلله يشدك اهو ماشيـه نقولا وين تسكن خلـي يحصـل عليـك
سفيـان خـاف. : خيـرك قتلك معاش حنـجي!
ايـه. : ايوه خـاف ع روحك و مـعاش اتولـي
و عـاودت دارتلـه بلوك من جديـد. : شن داره الكبـد هادي
رن الجرس لوطـــا
كانـت تهانـي و روان
تهانـي تشرح لـ روان كيف تتصـرف من جديد بعد ايجي اسماعيـل
تهانـي. : بري افتحـي اكيد جي
روان : هيـا هيـا منـي؟ ؟؟؟
علـي تنحنـح. : انـي عمك علـي افتحـي البـاب
روان انصـدمت و بـرمت كانت تقوى وراهـا. : نفتـح. !
تقـوى: اي و انـي تو نمشـي انـادي اسامـه. " و مشـت. " و روان ترددت هلبـا بعـدهـا مشت فتحـت و خـش عمهـا لـ الجنـان
علـي يسلم عليهـا. : مشاءلله كبرتـي كيف حالك
روان. : الله يسلم حالك الحمـدلله بخيـر " تفضل لـ الصالون"
دخلاتـه و هـو قاللهـا نـاديلي اسامـه. خشت لداخـل
تقـوى خشـت لـ دار اسامـه
اسامـه تعصـب: طقـي البـاب ي " قاطعـت تقـوئ كلامـه. " : عمي لوطـا
اسامـه رمئ تليفونـه و جي واقـف : من فيـهم. !
تقـوئ. : علي اهي روان دخلاتـه لـ الصالـون
اسامـه باعصـاب: تي كيف ادخلـوه نحي نحي
و نـزل بسرعـه من الـدروج. خـش لـ الصـالون شبـح لـ روان يعنـي اطلعـي
تهانـي. : زعمـا خيـره جاي !
فـي الصــالـون
علـي يشبح لاسامــه
يتـــبع
بقــلم " محمــد مالــك"
توقعاتـكــم. لايكــاتــكم و تعليقــاتـكم 🌹🌹🌹❤️