سنـيســـفيورم ❤️
بقلم" محـمد مالـك "
الحلقــة " السابعـه عـــشر "
____________________________
ايهاب..فالاستراحة متغطي وحاط راسه عالمــخدة !
يطق باب الاســتراحة يحسابه اسامة رجـــع
ناض بشوية وفتـح الباب
كان بوه ومعاه زوز ولاد !
واحد شبوب والثاني صغــير
ايهاب..شـــبح لــ بوه وعرف طـول انــهم خوته
حمزة: شن مفـــيش اتفضل ؟!
ايهاب..بعد من الباب
وخشـو
حمزة وولاده ركز لقى باب السحاب مكســر وطاولة وكراســي في منهم مكسرات ؟! : تحبها قاعـــد !
ايهاب..ااشر بصــبعه ع الولد الصغير:تحبــها امك ؟!
الولد الصــغير ( طه ) : اكيــدا
ايهاب..شــبح لـــ بوه :خديت جوابــك ؟
حمزة: متوقعتش بعد لــ صار واضح انه فشــيت غلك ف الاســتراحة ..جبد كرس وقعــمز..جيت نخفف عليك شــوية
ايهاب..يصــفق و يضحــك: الحق مش عارف كيف نشكــرك علي اهتمــامك ورعايـتك !
حمـزة..فنص عـيونه فــ ايهاب: بوك قدامــك جو مهرج هــذا وطول لسانك فوته قعمز بنعرفك علي خــوتك
ايهاب..شــبح للولاد وضحك : به شباب امشو بعيد شوية بنتــكلم معاه
الولاد شبحـو لـ بوهم
حمزة: مفيش وين يمشو عيلة ومفــيش شئ يندس قعمز ف مكانك بنتكلمو زي الناس العاقلة
ايهاب..حط يده علي وجهه وتنهد وقعــمز !
قعمزو الولاد
حمزة..اشر بيده علي ولده الكــبير : هــذا فراس شايفه قبل هكي انت.اشر علــي ولده الصغير : هــذا طه
هادو خوتك يا ايهاب
ايهاب...بــاعصاب : معـنديش خوت انــي
حمزة: استغفر الله الغظيم كيف معندكش وهما الي قدامك شني
ايهاب: تعرف اليوم الظهر وين كنت !؟
حمزة: فالجنازة كــنت
ايهاب..يتكلم ودمعه نزلت من عينه بدون شعــور : بزبط ف جنازة مني ! جنازة امي صح ؟! وتوا جاي فنــفس اليوم مدايرلي جو تعارف واهــتمام !؟ وين اهتمامك قبل عشرة سنين حقا احنى ف 2021 توا يعني قبل حداش سنة ويــن كان !
حمزة..خبط بيده عالكــرسي: انت خترت امــك ! بعد ماتت حناك جيت عندك وقتلك خليك معاي شن قلت !؟
ايهاب..يضحك..: الغلط فيا توا يعني تمام به قبلها لما قعدت سنين اني وامي قبل ما هيا تتجوز و لما قعدت بروحي جيت قتلى تبي حاجة ولا تعال عندي !؟ ...تكلم خيرك ساكـت !؟ يا حمزة خيرك ساكت
حمزة..بعصبية: حمزة نلعب معاك فالكورة اني ..قص عليه ايهاب
ايهاب: متستاهلش تكون اب انتا خود صــغارك وروح منبيــش ندير حاجــة نكرهم فيا توا
حمزة..وقف: تفكرها هاده كوويس جيت لعنـدك ونصلحو من حالنا لكن انتا مش متربي اصلا كيف بتــربا ولد امــك من زمان !! هيا انت وياه ..يقصد ولاده !!
وطــلعو
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
