#سنيسفيورم
بقلم محمد مالك
الحلقة الثامنة ل 8
_________________
و نـزل بسرعـه من الـدروج. خـش لـ الصـالون شبـح لـ روان يعنـي اطلعـي
تهانـي. : زعمـا خيـره جاي !
فـي الصــالـون
علـي يشبح لاسامــه: متبيش تقول ل عمك كيف حالك ؟!
اسامة: ماتو عمامي ف 2011 شهر 7 يوم 12 الساعة 8 المغرب تبي نقولك الدقيقة كم ولا ساد ؟
علي: شوف عارف ال صار مش شوية
اسامة..عيط بصوت عالي لن عمه نخلع : شن جاي تعطي ف محاضرة ولا كيف
تهاني..والبنات واقفين قدام الصالون سمعو عيطت اسامة ويشوفو لبعضهم مش عارفين شن يديرو
علي: اسمع مش جاي ندير مشكلة جاي نساعدك
اسامة...ابتسم: تساعدني !؟ زايدة معاك هيا ك بتروح منبيش نرعش البنات
علي: اسمع مني بس
اسامة...خبط عالطاولة بيده : منبيش نسمع
علي..وقف بيطلع: دير بالك من عبد الرحمن ناوى الشر
اسامة: لما تشوفه قوله اني مش اسامة القديم قوله فرق بين القديم والجديد 8 سنين ! غلطة وحدة بس وحيشوف اسامة الجديد كيف شكله
علي: اني جاي اهنى بنحكي معاك ف موضوع مهم وننصحك وبنوقف معاك
اسامة..حط يده ع وذنه بمعني مسمعتش : بتوقف معاي قلت ؟ولا نسمع غلط
علي: حتندم ي اسامة ع ال درته اليوم تقول ياريت سمعتله !
اسامة: لما احتجتكم ! محدش وقف معاي وغير ال درتوه منبيش نفتح الدفاتر لانه لو بنفتحها ! مش حتقدرو تخلصو الي عليكم! توا اني مش محتاج حد خليكم بعاد علي عيلتي بس منبيش ندير جريمة ف حد فيكم بذات عبد الرحمن وصله كلامي
علي: كلامك حيوصل بس انتا تعرف عمك مش حيسكت علي درته ليه اليوم
اسامة..قرب من علي..وبهمس: اطلع بسرعة
علي..فتح الباب لقى تهاني والبنات واقفات ع الباب شافلهم و طلع
اسامة..لحقه للباب الخارجي وسكره وراءه خش لقى الحوش كله متلقط ويشوفو ل اسامة
اسامة..بعياط: مزال حد يفتحلهم الباب نتفاهم معاه
تهاني..بتتكلم
شدتها تقوى من يدها بمعني اص
اسامة..ركب الدروج و سكر باب داره بقوة
تهاني..شافت لتقوى: خيرك سكتيني
تقوى: مشفتيش كيف والعة فيه نار !
روان: صح ماما توا هدرزو عليه بعدين لما يهداء
تهاني: تفكينا منهم طلعونا مرة ثانية شن الهم هاده بس مسمعتش كويس شن قال عمك لخوك جبدو سيرة عبد الرحمن اكثر من مرة!
روان..شافت لتلفونها وكان اسماعيل يتصل : شكله وصل اسماعيل
تهاني: قولي لخوك
ابرار: وهوا والع هكي ؟ ممكن يضرب اسماعيل ثاني !
روان..تنهدت مش عارفة شن ادير
تهاني: قوليله مش حيدير شئ مش لدرجة هادي
ركبت روان وطقت ع باب اسامة وفتحت الباب
كان مقعمز ف مكانه ويشوف قدامه : شن فيه
روان: اسماعيل جي
اسامة: تمام واتية ؟
روان:ايه نلبس حجابي بس
اسامة: تمام البسي وانزلي هي
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
