سنيسفيورم

حلقة 1

#سنيسفيورم

بقلم محمد مالك

الحلقة الاولي

______________🥀

قبل ما نبدو قصتنا لازم نشرحلكم علي نفسي وحب حياتي شوية !
بلقيس مواليد 99 قصيرة شعري طويل قهوي هافت كانت ملامحي طفولية هلبا مهتمة بنفسي هلبا واجمل ما فيا عيوني الزرق ❤
اسمه اسامة مواليد 94 طويل عيونه قهويات داكنات   ابيض ملامح وجهه جميلة
بوه الي يكون خالي توفى عام 2011 وقعد اسامة مسؤول علي اخواته البنات وامه و في عمر صغير هلبا تقريبا 17 سنة او اقل حالتهم المادية كنت معقولة جدا بس بعد وفاة خالي ادهورت حالتهم اكثر ! ومشكلة انهم ستة بنات و امه وهوا الولد الوحيد
اسامة تعب هلبا فالفترة هادي ! طلب مساعدة من خوالي الي هما عمامه فالبداية ساعدو شوية بس بعدها معاش حتا يردو عليه ! كان في بينهم وبين خالي بو اسامة مشاكل قبل وفاته فالبداية ساعدو وبعدين قعد اسامة بروحه وعلي حسب ما سمعته من اخت اسامة كانت تهدرز معاي حتا ماكلة ما عندهم ! واسامة سيب حتا قرايته وقعد يخدم فالمحلات كلمت ماما وحكيتلها اكثر من مرة هيا و وخلاتي انهم تعبانين لازم نساعدوهم ماما ساعدت اكثر من مرة بس اسامة حقد علي العيلة كاملة ! وكان يشوف فيها صدقة ونتجملو عليهم بيها لدرجة انه لزنا من حوشهم نتفكر فيها ! وقعد يعيط زي المجنون خواتي اني حنكبرهم وحنجوزهم ومنبيش نشوف حد فيكم ! اتصلت امه بينا واعتذرت انه مش بوعيه ومن الضغوظات الي نزلت عليه وهوا صغير ماما وخلاتي تفاهمو الموقف بس معاش ساعدوهم ثاني ! توا حاليا ف عام 2020 بعد 8 او 9سنين رجعت علاقتنا بعيلة خالي نمشو ونجو خصوصا اخته الاء صاحبتي هلبا لانها انديدتي حالتهم تحسنت هلبا من تحت الصفر لفوق الريح ! اسامة طول يومه يخدم مش مخلى شئ مخدمش فيه ! عنده محلين ملابس و يخدم فالعملة و خدا ارض بناء عليها صفة محلات واجرهم كلهم ! يعني حالتهم افضل من لما كان بوهم ( خالي) حي اسامة وفر لخواته كل حاجة شن يتمنو بس كان يحبهم الستة ميرضاش فيهم اي حاجة وهما يحبوه كان بالنسبالهم اسامة خط احمر محدش يقدر يقول عليه كلمة سوء في وجودهم !

اسامة كان اب ليهم رغم انه روان و تقوى اكبر منه بس يشوفو فيه فمكان بوهم يشوفو فيه فنى حياته مش يسعدهم خواته الصغار ( اية ^ الاء ^ ابرار ^ ملاذ ) وامهم زوجة خالي تهاني !

اني كنت نقعد عندهم مرات لان نمشى للكلية اني و الاء معا بعض

مقلتش اسمي اني بلقيس !
و هادي حكاية اسامة بكل اختصار !

اية...لابسة السماعات و فاتحه ببجي وتتكلم بصوت عالي وهيا تلعب !
ملاذ..رفعت المخدة من وراء ظهرها ورمتها علي اية : اصص دوشة صوتك عالي
آية حولت السماعة من وذنها: اطلعي برا الدار لو دوشة مش حنسكت !
ملاذ: نسكر النت والله اسكتي راسي صداع منك طول اليوم تلعبي!!
آية: مش حنسكت امشى لدار الاء شوية وبنسكر اصلا
ملاذ..ناضت متعفلقة
ونزلت الدروج وماشية للمطبخ !