'' أنتِ أمانتي ''
للكاتبة زهراء المياحي..
~°~°~°~°~°~°~°~°
اسيل: سهرانه الخاطرها؟؟ ليش رديت؟؟ دزلي رابط صفنت هاي مو اغنية اجاني الليل؛ اهوو هذا وصل مرحلة واني اسمع بيها عود يذكرني بحامد دموعي تجري وامسح بيهن يتشمت عووود؟؟ ياا ااساافل دزلي رساله
💬... تفيدج هاي سمعيها الليل گله واتذكري حب حامد
اسيل؛ سديت التلفون واني اشهك؛ اچه هذا الوگت الي سالم تشمت بيه على حب حامد الفاشل؟؟؟ ليش هيچ صار حقير شنو الوصله لهل الممررحله؟
_كعدت الصبح شلت نور ونزلت شفتة كاعد يتريك ويضحك من الصبح اي هاي هي...اذيني بالليل واكعد الصبح يضحك شكد اكرها!!
سالم: هههههه قابل شنو
أسيل: هو يضحك... ويباوعلي لتفت لعمتي فرحانه بي؛ شافت ابنها يضحك هي متعرف ابنها خلاني ابجي الليل ياله وصل مرحله يضحك من كل كلبه معقولة اكو بشر تفرح على اذيته لانسان؟؟
سالم: يمة اليوم اريد اطلعج
سعاد: اي والله اني مدري شصاير بيه بالفتره الاخيره ضايجه ومخنوكه من البيت
أسيل: دنكت اوكل بنور هي متقبل تريد تروح لابوها... اصبري اكلي وروحي شبعي بي بس اصبري
لاحگه علي
سعاد: وناخذ ويانة اسيل والجهال
أسيل: رفعت راسي بدون تفاهم...خاله عندي دروس اهواي ما اكدر اطلع لاي مكان
حياة: ولج الجمعة نطلع
أسيل: تجين وياي؟
حياة: اي هو نروح سويه
أسيل: دنكت اي مدام الجمعة اجي؛ رفعت راسي هو يضحك بوجهي؛ گلبت وجهي هو من شافني يوزع ابتسامات ويضحك؛ بالزايد من شفته هيچ؛ چريت تلفوني دخلت على كوكل طلعت اول نكته قريتها ونفجرت اضحك امي وخالتي لتفتو الي مصدومين؛ نفجرت اضحك بالزايد؛ ضحكو بدون ميدورن السالفه شنو!!
حياة: ههههه شنو؟
أسيل: اريد احجي ما اكدر بس اضحك؛ اباوعله گالب وجها نفجرت اضحك بصوت عالي؛ حگ حاچبه رجع دنگ ياكل عاف الصمونه رفع راسه يباوعلي ضايج؛ ابتسمت بوجها؛ جر نفس ويهز برجله
سعاد: هههه شنو الضحكج؟
أسيل:هههههه سمعوا... محشش ضاع نعاله بالجامع صاح بصوت عالي الي اخذ نعالي يرجعه لا تخلوني اسوي مثل الجمعة الماضية كلهم خافوا ورجعوا هههههه سألو شنو سويت الجمعة الماضية.. كللهم رجعت للبيت حافي؛ اني هيچ حچيت ونفجرت اضحك اكثر هو وجها نگلب ميه وثمانين درجه حجه بلامباله
سالم: النكتة وين؟؟ حسبالي دتلقين خطاب لو تقرين جرريده؟
أسيل: كلبت وجهي؛ وانت شمضوجك؟؟ تافها وداضحك عليها رفع حاجبه الي؛ كامت امي وعمتي... نور كامت تبجي تريد ابوها بعدت عنها راحت لابوها هو رفع راسة الي وبتسم
سالم: لا حبيبتي لا تجين هنا روحي لامج... ابوج تعبان
أسيل: امها؟؟
سالم: مرتي...
أسيل: كمت على حيلي؛ عفته وشلت اماعين الريوگ؛ اذا ابقه وياه اهواي يستفزني لحد ما اغلط بحقه وهو يريد الزله مني؛ وگفت على السنك اغسل اماعين دخل مازن يتافف؛ شبيك؟
مازن: اووف اريد اااتزوج
أسيل: لتفت اله؟
مازن: علمود اخلص من نور... تاخذ العابي
أسيل: اول وتالي راح تزوج هنا بالبيت... ويجوز نزوجك نور
مازن: لااااااااااا...... اطلكها بسرررعة لو اكتل روحي
حامد: اسول اني طالع... بس اذا خلصتي نزليلي ملابسي فوك السطح اريد اطلع مستعجل
أسيل: فتح باب المطبخ وطلع صاير بس طلبات
سويته الي گاله وبدلت ملابسي ورحت للمدرسه طوال اليوم ساره تباوعلي وتضحك مادري شبيها بس من اتمشه واشوفها تضحك بصوت عالي
_التهيت هذا الأسبوع كله دراسه وامتحانات حتى وقت للبجي والخنگه ماكو واني اهواي متاخره بالدوام عندي تراكمات لتهيت وياهن لو ماهن جان متت من التفكير؛ خلصت امتحانات شهريه وصادف عيد ميلاد مازن؛ كعدت ارتب عيد ميلاده عمره ست سنوات وكفت ارتب بالاستقبال والورد دخلت نور من شافت النفاخ شهكت؛ ركضت وره النفاخ؛ كامت متشوف طريقها هي تركض واني اركض ورها صحت وراها؛ لج طلعععي هسة يجي مازن يكتلج نوررر.... دخل سالم وجها ما يكصه الطبر شافني اركض وره نور؛ صاح بيه
سالم: هسة توكع االزميها شنو انتي طفلة تركضين وراهااا؟
أسيل: وكفت لازمة نور وهي تريد تشرد... عفتها تركض واني اركض وراها؛ لتفت اله بكيفي بكيفي تقرب هو مني وجرني من ايدي حيل اااخخخ شبيكك نفتح الباب دخل مازن يضحك من شاف سالم ركض علي
مازن: عوف اختي ولك
أسيل: بعد عني سالم؛ وشال مازن
سالم: ميصير صاحب العيد ميلاد يجي للحفلة قبل موعدها ويشوف المكان... راح يخسر الهداياا
مازن: طلعوااااااا نوررررر
أسيل: لزمت ايدي افرك بيها؛ طلع سالم يجر مازن هو كتل نفسه شلون نور لأزمة النفاخ جريت حسره.. لتفتت الها حاطه نفاخة بحلكها وتعصر بيها حيل؛ لا تبط ولج نور هسة تبط بوجهج نوررر؛ وما احس الا نفجرت النفاخة بوجها فزيت؛ بقت مصدومة بمكانها نفتح الباب ودخل مازن يركض على نور
مازن: اليوم ااااااذبحج
أسيل: ركضت شلتها هو يريد يضربها شبيك ولك المكان متروس وانت ميت علي هل النفاااخه شبيك
مازن: ااااااكرررهج حقيرررة.
أسيل: اشوفها تباوعلة ولا مهتمه رادت وجها تباوع للنفاخ وتتحسر اشرت على لون وردي مستحيل اليوم يكتلج مازن يطلع واني انطيج هي باوعتله
نور: حكير
أسيل: اي هي هاي خبصتينا بيها تعلمي غيرها ماكو بس حكيررر؛ صار وقت الحلفه بدلت ملابسي وملابس نور وكفنا هو طفه الشموع وكصص الكيكه واني صافنه صاح يضحك لتفت اله؛ فتح هديه بيها قفازات ملاگمه جابها اله تقي هو يضحك
مازن: شكرا على الهديا هههه اجتي بوقتها
أسيل: لتفت لنور يضحك بصوت عالي
مازن: شكرا تقي... صدك احتاج كيس ملاكمة بس هسة شفت شي... راح اعلكة بالسقف واشبع بي ضرب
أسيل: هو يحجي ويباوع لنور
مازن: صدك تقي ليش ما جبت لاسيل تحتاجهن
تقي: ههه شسوي بيهن اسيل
مازن: حتى من يجرها حامد من شعرها تضربه ومن يلزمها سالم من ايدها ويصيح بوجها تصيح بوجها وتضربه بايده وتكتل نور
أسيل: شهكت؛ اباوع لمازن اعضله شفه وهو ولا على باله حجه الاول والتالي؛ حامد ستغرب وباوع لسالم وسالم هم باوع احامد اشوف ابوي رفع حاجبه الي... امي ماااتتت قهر خالتي فتحت حلكها؛ بقيت مجمدة بمكاني؛ بسرعه امي غيرت الموضوع
حياة: وهسة دور هديتي..
أسيل: دنگت وجهي شاب نار؛ ما اكدر ارفع
راسي واباوع بعين ابوي اخاف انفضح من نضراتي
_خلصت الحفله كلمن صعد لغرفته؛ بدلت ملابسي وكعدت على الجربايه اهز رجلي؛ نفتح الباب دخلت امي
حياة: كولي اسمعج
أسيل: زين سؤال... الام شلون تحس بابنها مسوي كارثة؟؟
حياة: لااااااانهاااا ااامم شنووو صارررر جووة شنوو قصددددة ماززن شلون شاااف حاامد مد ايدددة على شعرررج وووسالم عصررر ايدج هذاااك شلوووون يصيح عليييج
أسيل: ماما كاافي هسة حتى لو ماكو شي بالموضوع ااانتي تكبرررينا كاافي اروحلج فدددوة بس صووتج بس صوووتج نصي.. كعدي اتفاهم وياج ليش تخوفيني وما تخليني احجي
حياة: هاااي كععدددت صخمممي اااحجي شكووو
أسيل: بلعت ريكي... شوفي اني؛ هو حامد كتلة جيب نور كال ما بيه حيل اجيب نور رحت اله وطردته من غرفتي كتله اطلع بررة لان كاررهته مازن موجود جر شعري وكف مازن بوجها حامد وصيح علي؛ وسالم اليوم كلي لاتركضين وره نور مسمعت كلامه وهو جر ايدي بس هاي هي
حياة: وشمدريني كلامج صح؟؟ ابوج هسة من يسمع حتى ميبقيج بالبيت ولد عمج ثنيناتهم مو واحد يمدون ايدهم عليج...شيسموها؟
أسيل: هي لو تدري سالم شمسويلي جان تخبلت حتى بسطتني وراحت تهد على سالم... وابوي مريض منا غير يموت بساعتها... كعدت هي ضايجه
حياة: بعد لا تلزمين نور
أسيل: دنكت اريد احجي هي اشرت علي اسكت
حياة: الابنية الي تفهم امها ززين وتحجيلها كل شي هاي تتتامن على اخطر شي بس الابنية الي تضم على امها هاي خوفج منها راح انطيج انذار ثاني مو تكولين
أسيل: دنكت.... اذا هو انتي تخوفين بيه وكل كلامج بصياح... وفوكاها تهدديني بنور شلون احجي... هسة اني تندمت حجيت الج... لان بسرعة بدون ما تراعين مشاعري كبل لا تلزمين نور... لو تحجين وياي بهدوء بدون متخوفيني جنج راح تضربيني احجي وياي سولفي وياي بدون ما تعصبين ليش هيج تسوين... انتي الي تخوفيني ما احجي هسة اكيد تنزلين تسوين مشكلة وي سالم وياخذ نور هذاك واحد نذل وترحين لحامد يكوم ما يباوع لوجهي بعد... وتخربيها علي..
حياة: مهما يكوون حتى لو خربوا عليج... اني اعرفهم زين يابنتي شلون افهمج ولد عمج خاصة حامد وسالم مو ناس ينشد عليهم حزام... هذولة وانتي واكفة عليهم يبعدون ويخلوج توكعين... هذولة مو سند... تعرفين عمج سنند الج... اي بس حامد وسالم غسلي ايدج منهم اصلا الغيره ولا تعرفهم...
_شتترجين من واحد يشرب تردين يصير براسة غيرة؟؟ شابع من بنات اليل هو سالم من تزوج طالع وطالب للملاهي... انوب من هو كاعد كل شي ماكو... واني اذا ما هددهم واجر ذاناتهم.... منو هيج يسوي... خلي نور تعاني بس مو على حساب كرامتج... هسة من يشوفج ويشوفني نغلس يكول هاي غلست اسوويلها شي غير الزم ايدها... لج باجر يجي سكران حتى استغفر الله اسم الله يسوي بيج بلوة..
أسيل: هي تحجي واني لزمتني رجفة مو طبيعية حاولت ابتسم الها والهيها عن رجفتي كمت اهز براسي بس هي متعرف اني ارجف... اي اي كملي...
حياة: اسيل... نفس ما سمعتي لا تعبيني بالحجي...
أسيل: هزيت راسي... الي تردي يصير... طلعت هي ضايجة واني جريت نفس.... نفجرت ابجي... نهاريت تخربطت.... متتت.... اريد اتنفس ما اكدرر.... يمة كلبي من الخوف احسة يدك بسرعة يريد يطلع... شنو ... لج باجر يجي سكران حتى استغفر الله اسم الله يسوي بيج بلوة؟؟ ليش وهسة شمسوي بية؟؟ بجيت... اني شسوي بهاي الحالة تجي تحذرني فوك ما شبع بيه بوس....
_بدلت ملابسي صافنة... تمددت كمت اثاوب... باجر سبت همزين ما عندي دوام... غمضت عيوني اتثاوب كعدت الصبح مازن يضحك بوجهي ويلعب بخشمي
أسيل: شبيك تضحك؟
مازن: راحت نور لبيت خالتها... خلصنا.
أسيل: هزيت ايدي اي هاي هي مايعرف بس يوديها لخالتها الساقط؛ نمت كعدتني امي ب٤ ونص العصرر...كالبه وجهي
حياة: شبيج فد نوب على النوم كومي يالة تغدي راح يصير الليل.
أسيل: باوعت للساعة اربع ونص؟؟؟ اخذني النوم ...من التعب اريد بس انام اشرد من الي
داعيشة...نزلت جوة تغديت ورتبت البيت.
حياة: يالة بدلي حنطلع يالة.
أسيل: تمام... رحت وكفت بالحمام افرش سنوني... نفتح الباب... ماما يمتىٰ نروح...واحد دخل لتفت سالم!!! هاي ليش دخلت للحمام؟
سالم: اشوي بعدي بسرعة.
أسيل: وگف يخفف لحيته بعدت عنا هو يخفف بيها ويباوع بالمرايه
سالم: عليج الله مو طالع حلو؟؟
أسيل: فتحت حلگي على اسلوبه
سالم: لج باعي.... صفني علي... وين تلگين هيج جمال.. انتي بس فكري ... بس نرتبط... نصير احلى ثنائي....هو البنات شيحبن؟
أسيل: تدري علياء حيل مسكينة من حبتك على شكلك وانت من جوة اقبح انسان شفته بحياتي.
سالم: غيرج ميتات يردن بوسة مني... وانتي شابعة مني وتصيحين بعد عني وخر عني حيوان... يفيدج لسانج بعدين تتندمين تكولين لو حابة سالم مو احسن.
أسيل: حطيت فرشتي على كيف وكمت امشي واطلع من الحمام خاف يسمعني ويجرني ويسوي شي... وكفت غسلت حلكي على كيف داطلع ولتفت اله.... انت الي تحارشت بيه بدون ضمير ولا رفلك جفن ومستمر تاذيني ولا كأن شي صاير والوضع طبيعي ولا تشرب وتريدني افكر نرتبط؟ شتحس؟
سالم: اذا تكرهين الي يشربون ابطل شرب..
أسيل: لتفت اله وفاتحة الباب... هههههه والله ضحكتني...انت لو تبطل حقارة ما حبك امشي منا اذيتني ولساتك مستمر عبالك انساها؟؟ ماطيق اباوع لوجهك ربي انطاني صبر اوكف على رجلي الي سويته يدخلني مستشفى ويخليني انهي حياتي وانت كاعد هنا شفتني وين ماروح حصرت نفسك وياي لو تصيرلي ماعرف شنو مستحيل اتقبلك بيوم وادعي ربي يخلصني منك؛ عاف مكيفه الحلاقه لتفت الي بلعت ريگي؛ ملامحه تغيرت صارت بارده وهاديه صفن بوجهي ورجع يخفف لحيته
سالم: فرصه ضيعتيها من ايديچ؛ وهاي ردت اغير اكثر شي احبه الشرب لخاطرج بس انتي ضيعتي الفرصة... فرصة وراحت من ايدج
أسيل: ياا صدك كسرت خاطري !!! وبعد شراح اضيع من فرص.... لتفت الي
سالم: ترا اسلوب اسيل الي لسانها طويل وتنرفز ميلوكلج... بطلي لان يصير غير شي
أسيل: لا عيني خاف متقبل... زعلتك مو؟؟
سالم: بكيفج اني نصحتج وانتي استهانيتي نصيحتي... بالله بس الزمج...
أسيل: بعده ممكمل كلامه؛ صحت بي ديري بالك تهددد ماسممممحلك
سالم: نور بعد متشوفيها.
أسيل: من حجة هيج تخبلت تقربت شلت الطاسة بيها مي هواي وشمرتها علي صاح لتفت الي مصدوم وملابسه كلها مي... ياريت هذا المي الطاهر يغسل ذنبوك واثامك... درت وجهي وطلعت؛ ربي موته حتى اخذ بنته ياربي اربي نور وهو يموت اريدها منك ااالللهي
_صعدت فوك لغرفتي نسيت وراي طلعة ركضت قفلت غرفتي... كملت تبديل عدلت شعري وشسورت كذلتي باوعت لنفسي بالامرايه؛ قبل من جنت اباوع لنفسي بالمرايه ابتسم واحمد ربي عيوني عسلي وبشرتي صافيه حلوه وشعري حلو بس هسه اصفن واكره روحي شكد كارها نفسي وماكو شي اسوء من كره الذات للذات؛ اخذت جنطتي ونزلت مقهوره دانزل اسمع همس وگفت ركزت بالصوت سالم ديسولف وي اخو
حامد: وانت شعليك وجرة الايد؟ هي اصلا اجتي الي تشكي.
سالم: شلون تمد ايدك على شعرها.
حامد: يا اخي انت شعليك؟
سالم: لا شعليك ولا معليك... ليش مديت ايدك شنو سوتلك... اعرف اسيل متضوج منك الا بسبب.
حامد: غير من وراك جانت ضايجة... وكلتلي جيب نور واني ما سمعت المهم هي بسببك.
سالم: دزيت نور لخالتها.
حامد: اي ليش هيج تسوي انت مخبل شبيك الابنية صارلها بالسنة واكثر تربي بنتك انت ليش شاد وياها حتى لو اخوي اكول بيك خلل... رايد منها شي؟
سالم: انت شعليك؟
حامد: ابقىٰ هيج.... اني رايح.
سالم: وين؟
حامد: خالتي تريد تحجي وياي... وكالت اريد اخذ اسيل للدكتور....واطلع لصادق محتاجني...ليش رايد شي؟؟
أسيل: صفنت... دكتور؟؟ ليش توديني دكتور؟؟ ليش شبية اني؟
سالم: دكتورر؟؟ يا دكتور ليش شبيها اسيل؟؟
حامد: يمكن كالت دكتور نفسي..
سالم: ليش تخبلت اسيل...هههههه
أسيل: هو محد مخبلني غير سالم؛ بس امي تريد توديني دكتور نفسي؟؟
حامد: انت لو شايفها.... امها حاجتني... كتلها من ما جبت نور الها... كامت تغلط علي وتحجي ونهارت فد مرة حتى مرة شفتها نزلت تبجي وتشهك....بالليل.
أسيل: باوعت لسالم طلع جكارة وكف يدخن... دنكت هذا كلة حامد يعرف وساكت... ليش محجة من قبل..
حامد: وكلت لامها من جريت شعرها وهي كالت هل الابنية مو طبيعية... لو اخذها دكتور لو اشوف شسوي بيها حيل تغيرت والظاهر راح تظغط عليها... وتشوف حتى ما اخذه تلفونها حسبالها مسوية علاقة...
سالم: يجوز الصوج منك... لان هي تحبك وانت ترفضها....يجوز درت انت تعرف تحبها ومغلس عليها.
حامد: لا يمعود قابل منو يكول الها..
أسيل: كعدت على الدرج صافنة... لازمه جنطتي بكل قوتي... و ارجف...هذا سالم هذا سالم يعني صدك حامد يعرف احبه ومغلس علي؟؟؟
سالم: ما اعرف.
حامد: كول انت كتلها.... حتى اروح اكللها بمشاعري ترا الابنية صغيره... شبيك مو داحجي وياك سالم وين بالك سالم؟؟
سالم: اني طالع انت اهواي تمسلت...
حامد: احجي وياك جاوب
سالم: لا تدخل
أسيل: صعدت فوك كمت افتر... متت كعدت على الجرباية؛ طلع صدك حامد يعرف احبه ووساكت امي شنو تريد دزلي لدكتور نفسي ؟ نزعت ملابسي كلها رحت تمددت... ابجي مسحت دموعي وغمضت عيني... نص ساعة اجتي امي
حياة: ياااا ااااسيل وووينج ررراح نتاااخر ياالة ووينج.
أسيل: لتفت الها عيوني دم نعست
حياة: لج لا تخبلين لااااا تخبليني شنوو نعست؟ مصارلج ثلاث ساعات كعدتي من النوم كوومي وولج كووومي... ااااسيل.
أسيل: لتفت الها شبيج تصيحين وووخابصة الجو ماااماا شبيج بس هدئي جاي تصيحين على خالي بلاش... هدئي..
حياة: ياااا تحركين اعصابي وتجين تكولين بكل برود هدئي؟؟ يااااللله صبررني.
أسيل: كمت على حيلي... خلص كمت شتردين شفت نفسي تعبانة... كلت ما اروح ليش اروح...
حياة: امشي حجزتلج عند دكتور.
أسيل: يا دكتور هذا؟
حياة: راح اخذج لو دكتورة تفحص عذريتج لو دكتور نفسي.
أسيل: حطيت ايدي على حلكي مصدومة... شنووو دكتورة شتسوي؟؟
حياة: باللله لو مغتصبج احد لو حالتج النفسية مو طبيعية.... تبدلتي مو نفسج اسيل... بفاتحة علياء مو هيج...
أسيل: بقيت صافنه بيها وهي عيونها يلمعن... احسها كوه تحجي وياي... جريت نفس....ما تثقين بية؟
حياة: موضوع الثقة غير سالفة لا دخلين موضوع الثقة بالسالفة... اي اني ما اثق بيج... من تكولين مشكلتج يالة اني اثق بيج... لا تكولين ما بيه شي انتي بس بالعطلة ونادراً يالة تنامين لل4... وفوكاها نايمة 15 ساعة... لازم اكو شي وتكولين هسة ما اريد اروح.. منو الي ما ذيج مغير حالج هيج؟؟
_اني شكيت لو حامد لو سالم مسوين بيج شي لان ثنينهم جروج من شعرج وثنينهم اذوج كولي من منهم وليش سالم يدز نور لبيتها خالتها ويكول خالتها تريد تسافر وتطلع كلة جذب وفجئة يجي يجيبها على فد يوم غير متوقع... لو تشرحين هذا كلة لو امشي وياي دكتورة... تفحصج.
أسيل: اني شسوي هسة شكوللها ماما بس سمعي اني مو المشلكة هنا اني.... قاطعتني.
حياة: جااااوبي على واااحد وااااحد يااااالة لا يوووصل حجي لابوج واااذيج.
أسيل: شنوو هاي ماما تضغطين علي ميصير هيج ميصيررر.
حياة: لعدددد لا تشلعين كلبي وووكووولي.
أسيل: شلون جانت كل هل الفترة منتبها الي واني ولا ادري بيها هسة لو اكبر جذبة مراح تفهمني... شسوي اااني ياااربي شسوي.... لتفت الها.... الا اكولج.
حياة: اذا ما تكولين لو ادزج لدكتورة تفحصج لو دكتور نفسي لو ابوج يعرف يصرف.
أسيل: دنكت دقايق ورفعت راسي؛ اني احب حامد
يتبع.....
اي تجاوز وسب وغلط ع البطله بالذات بلوك +ينمسح تعليقها